¹ Sombi Saulo, alitwalilile ukulabila ifay kutinisha nfya kufwaya ukwipaya abasambi baba Shikulu, kaya kuli ba chipupila abakulu ² nekumwipusha ukupinta amakalata akuytwala kumasunangoge aya mu Damsikasi, ukweba ati kani alisangile umo uwalipamo nabo, engabaleta abakakilwe ku Yelusalemu. ³ ili leya, calishile mukuba ati pakupalamina ku Damasikasi, mukapindi kanini kwali bonekle ukumushinguluka ukutuba ukufuma kwiulu; ⁴ kabili kaponena napashi nekumfwa ishii ukulabila kuli ye, ''Saulo, Saulo, nindo ulempensesha?'' ⁵ Saulo kaasuka, ''Nimwe banina, Shikulu?'' Ba Shikulu kabalabila, Nebo nine Yesu, uulepensha; ⁶ sombi ima, ingila mumusumba, ulinekwebwa ifi uli nekucita.'' ⁷ Abalalume aba ende na Saulo balimakene ukwakubula kulabila, balyumfwile shiwi, sombi tababwenepo neli umo. ⁸ Saulo kaima ukufuma panshi, ili afwaile ukwisula amenso akwe, tabwenepo neli cimo; pano balimwikete pakuboko nekumutangilila nekumutwala mu Damasikasi. ⁹ Panshiku shitatu talebonapo, kabili talilepo neli kunwa. ¹⁰ Pano kwali umusambi mu Damasika uwainikilwe Ananiyasi. Bashikulu kabalabila kuli ye mucimonwa, ''Ananiyasi!'' Kalabila, ''Boneni ndipano Shikulu.'' ¹¹ Bashikulu kabalabila kuli, ''Ima, koya kumusebo uwitikwa uwalolokele, kabili mu ng'anda yakwa Yudasi wipushe umwalalume uwakufuma ku Tasasi, uwatikwa Saulo, pakuti aletembela. ¹² Abona mucimonya umwalalume uwinikilwe Ananiyasi aleingila nekubika ukubokokwakwe pali ye, ukweba ati angabona nakabili.'' ¹³ Sombi Ananiyasi kaasuka, ''Shikulu, Ndumfwile kubengi pali uyu muntu, ifyakonala ifi acitile kubantu bentu abaswetele mu Yelusalamu. ¹⁴ Alinemakosa ukufuma kuli bacipupila abakulu ukubika mukukakwa onse kuno uwita pe shina lyenu.'' ¹⁵ Sombi ba Shikulu kabalabila kuli ye, ''Kabiye pakuti cobombolo candi icisalilwe, ukupinta ishina lyandi kubenafyalo nesha mfumu nakubana ba Isilaeli; ¹⁶ pakuti ndinekumulanga ifi akesakupenga pamulandu weshina lyandi.'' ¹⁷ Panwefyo Ananiyasi kaya, nekwingila mu ng'anda. Kabika nemaboko akwe pali ye, kalabila, ''Wemukwasu Saulo, ba Shikulu Yesu, ababonekele kuli webo pamusebo uluwaleisa, bantuma kuli webo ukweba ati ungapoka amenso obe nekwisushiwa ne Mupashi Uuswetele.'' ¹⁸ Penkapo ifi palileutubale fyalifumine ukufuma mumenso akwe Sauli , kabili kapoka nemenso akwe; alimine kabili kabatishiwa; ¹⁹ kabili alilile nekukoshiwa. Alikete neba sambi mu Damasikasi inshiku ishingi. ²⁰ Yenkeyo mpindi kabilisha Yesu muma Sunangoge, ukulabila ati Yesu nimwana Lesa. ²¹ Bonse aba mumfwile bali papile nekulabila, ''Kanshi uyuy ulya muntu uwaonawile balya mu Yelusalemu abaleita peshine li ? Aisakuno mukubapinta nekubakakishe kuli ba cipupila abakulu." ²² Pano Saulo kabanemakosa ayakulu, kabili kalengesha ukutyompokelwa kuba Yuda abali mu Damasikasi pakushininkisha ati Yesu e Klistu, ²³ Panuma ya nshiku ishingi, aba Yuda kabatatika ukwalika nshila iyakumwipailamo. ²⁴ Sombi ukwalika kwabo kwalishibikilwe kuli Saulo. Balipembelele mu snhila shakupitab mumilyango nebushiku ukweba ati bamwipwye. ²⁵ Sombi abasambi bakwe balimufyushishe ubushiku nekumufumya panshi ukupitila mucibumba, ukumuselusha mumutanga. ²⁶ Ili afikile ku Yelusalemu, Saulo kaeha ukubapamo nebasambi, sombi balimutinine bonse, tabacetekele ati naye musambi. ²⁷ Pano Banabasi alimupintile nekuletakubatumwa, nekubulishisha ifi Saulo abwene ba Shikulu pa musebo nakabili ati ba Shikulu balilabile kuli ye, nefi mu DamasikasiSaulo alabile mukukosa mwishina lya kwa Yesu. ²⁸ Ali nabo, mukwingila namukufuma munchingo yo Yelusalemu. Alilabile ne makosa mwishina lyaba Shikulu Yesu; ²⁹ nekupikisha neba Yuda abena Gileshani; sombi balitwalilile ukwesha ukumwipaya. ³⁰ Ili abakwabo baishibile ifi, balimutwite ku Kaesaliya nekumutumo ukuya ku Tesasi. ³¹ Panwefyo, icilonganino muncingo yonse iya Yudeya, Galili, na Samaliya mwali umutende kabili walibekwe; kabili, nekwenda mukutina ba Shikulu kabili na mukusangalashiwa nemupashi Uuswetele icilonganino caliawile nebantu. ³² Pano calishile mukuba koti nififi, ili Petilo aile mufifulo fyone ifya mufifilo ifyo, alishile kabili kubantu abaswete abakwa Lesa abaikele mumushi wa Lida. ³³ Uko eko asangile umuntu umbi uwainikilwe Aenisi, uwali mubulo bwakwe ukwa myaka isanu naitatu, pakuti alinebulebe. ³⁴ Petilo kalabila kuli ye, ''Aenisi, Yesu Klistu akutendulusha. Imakabi anshika ubulo bobe,'' kabili yenkeyo mpindi alimine. ³⁵ Pano bonse abaikele mu Lida namulilikule kuli ba Shikulu. ³⁶ Pano kwali mu Yopa umusambi umbi uwainikilwe Tabith (icilukwalula "Dokasi''). Uyu mwanakashi aliswilemo ne milimo iiweme nefyakucita ifya nkumbu ifyalecitila abapengele. ³⁷ Chalishile mukuba mulushisho inshiku ka ponenwa mukulwala kabili nekufwa; ili ba musamfishe, bali mulalikile mucipinda icapeulu. ³⁸ Pakuti Lida ali apepi na Yopa, nebasambi balyumfwile ati Petilo ekoali, balitumine abantu babili kulinye, mukumukombetela, ''Isa kuli fwebo wikokola.'' ³⁹ Petilo alimine nekuya nabo, kabili banse bamu kamfwilwa kabemakana apepi nwye ili balila, ukumulangisha imingila nefya kufwala ifi Dokasi apashile ili acili nabo. ⁴⁰ Petilo alibafumishe bonse mucipinda, kafukama panshi, nekutembela; pano, ukwalukila kumubili, kalabila, ''Tabita, buka.'' Pano aliswile amenso, kabili mukubona Petilo kaikala. ⁴¹ Petilo pano kabika ukuboko kwakwe nekumwimya kabuka; kabili eli aitile abantu bwakwe Lesa abaswetele naba mukakushala, alibatambikile umulabi kuli bo. ⁴² Ili lyashi lyalishibikilwe monse mu Yopa. nebantu abengi balicetekele ba Shikulu. ⁴³ Chalicitikile ati Petilo alikele inshiku ishingi mu Yopa nemuntu uwainikilwe Saimoni, kanyuka.