¹ Shauli ali muku suminishanya nemfwa yakwe. Pano apo ka tatika pa bushiku bulya ukupenshiwa ukukulu ukwa kupensha icelesha ilyo ilyali mu Yerusalemu; neba cetekele bonse bali palangene monse muncingo ya Yudea na mu Samalia, ukufumyako abatumwa. ² Incenshi shabalalume kabashika Sitifini kababa neku tongela ukukulu pali yee. ³ Sombi Sauli kaesa ukanaula ikelesha. Ale ingila inanda ne nanda, ukufumya bonse umwalalume ne mwanakashi, neku bengisha mwikati. ⁴ Kabili aba cetekela abo apalengenye balile ili bashimikile icebo. ⁵ Filipo kaya ku musumba wa samalia neku bashimikila pa mulandu wakwa Kilisitu. ⁶ Amabumba abantu alyumfwilishe ku fintu ifyalelabilwa na Filipo; ne langulushi limo bali mukutikile, kabili balibwwene ifilangililo acitile. ⁷ Imipashi iibipile yalifumine mu bantu abengi abo abakwete, ukulila ne mashiwi aya kubilikilisha, ne bengi abali ne bulebe neba lema bali polele. ⁸ Pano mwali uku sangalala ukukulu muli ulya umusumba . ⁹ Pano kwali umwalalume umo mu musumba uweshina lya Simoni, uyo uwa tatikile uku bomba nefya bwanga; ali waku kankamusha abantu mu Samalia ili ale libika ukuba umuntu uucindeme. ¹⁰ Bonse aba Samalia, ukufuma ku munini ukupela neku mukulu makosa, ale kutisha kuli ye, kalabila, "Uyu muntu ni alya amakosa aba Lesa ayo ayetikwa aakulu." ¹¹ Bale kutika kuli ye pakuti aleba kankamusha ukwa mpindi iitali ne manga akwe. ¹² Pali ili ba cetekele Filipo baku tulisha icebo iciweme pa mulandu wa bufumu bwa ba Lesa ne shna lyakwa Yesu Kilisitu, bali batishiwile, pamo abalalume ne banakashi. ¹³ Na Simoni wine ka cetekela, panuma abatishiwa alikele na Filipo impindi yonse ili abwene utwishibilo ne milimo iikulu ilecitika, ali kankamene. ¹⁴ Pano ili abatumwa mu Yerusalemu ba umfwile ati Samalia apokelela icebo caba Lesa, bali tumine kuli bo Petilo na Yoane. ¹⁵ Ili bafikule, bali batembelele, ukweba ati banga pokelela umupashi uswetele. ¹⁶ Apo mpaka ilya mpindi umpashi uswetele waishile neli nipali umo uwapali bo, bali batishiwe likoso mwishina lyaba Yesu. ¹⁷ Eli Petilo na Yoane ba bikile amaboko yabo pali bo, eli ba pokelele umupashi uswetele. ¹⁸ Pano ili Simoni abwene ati umupashi uswetele walipelwe ukupitila mukubikwapo ukwa maboko abatumwa, alibapele indalama. ¹⁹ Kalabila, "Mpeniko aya makosa, na nebo, ukweba ati uyo onse natintilapo amaboko anji enga pokelela umupashi uswetele." ²⁰ Sombi Petilo ka labila kuli ye, "Silufele yode ngailobe pantu pamo namweba, pakuti walilangulikile ukupoka ubupe bwaba Lesa ne ndalama. ²¹ Taukwetepo akabeya neli cakwabana muli uyu mulandu, pakuti umutima obe taulingenepo naba Lesa. ²² Palififyo lapila ici icipile cobe, neku tembela kuli ba Shikulu, ukweba pambi banfga kufitulikla pakwalika ukwa mutimwa obe. ²³ Pakuti nabona ati uli mukululu ko bulembe kabili namu kukakwa ukwa cibipile. ²⁴ Saimoni ka asuka neku labila, "Ntembeleleniko kuliba Shikulu, ukweba ati pebapo nagu cimo pali nebo palififyo ifi walabila ukucitika." ²⁵ Ili ba shimile neku labila icebo icaba Shikulu, Petilo na Yone kaba bwelela ku Yerusalemu, uku tulisha icebo iciweme ku mishi iyingi iya mubema Samalia. ²⁶ Pano inkalamba ysba Shikulu ka ilabila kuli Filipo nekweba. "Ima uye ku mushi ku inshila iilola ukufuma ku Yerusalemu ukuya ku Gaza. "(Iyi inshila ili muciswebebe)" ²⁷ Alimine nekuya. Boneni kwali umuntu ukufuma ku Ethopia, muntungwi uwa makosa aakulu kuli na mfumu Kadasi uwa bena Ethopia. Alu kulama ububoni bwakwa na mfumu. Aisa ku Yerusalemu mukupepa. ²⁸ Alebwelela alikele mwi cheleta lyakwe, kabili alependa kasesema Isaya. ²⁹ Umupashi ka ulabila kuli Filipo, "Kabiye wikale mupepi naili cheleta." ³⁰ Pano Filipo kabutuka kuliye, neku mumnfwa alependa Isaya uwali kasesema, neku labila, "Kani ale umfwa ifi alependa?" ³¹ Eli alabila. "Ningomfwa shani, sombi kani umbi alentagilila nebo?" Ali mwitile Filipo ukwisa peulu mwi cheleta nekwikala naye. ³² Pano apo apalembelwe amalembo ayo umufu Ethopia alependa pali ifi. "'Ali tangililwe koti nimbelele mukwipaiwa, kabili koti umwana wa mbelele ka tangile ya ubeya ali kutumene panwe fyo ta cenamwinepo akanwa kakwe. ³³ Muku licefya kwakwe ukusololola kwali fumishiwepo ukufuma kuli ye. Ninani angalondolola bwino baka mufyalwa bakwe? Pakuti umweo wakwe walif pintilwe ukufuma pa calo." ³⁴ Pano umu tungulushi ka ipusha Filipo, neku labila, "Nakulomba, njeba ninani uyo kasesema alelabilapo, umwine enka neli ni umbi?" ³⁵ Filipo katatika uku labila, neku tatatika muli fifi ifilembele katulisha icebo iciweme icapali Yesu kuli ye. ³⁶ Ili baleya munshila, balishile apali amenshi na muntungwi kalabila, "Bona, amenshi pano. Cindo cingankanya ukutila nibatishiwa?" ³⁷ Filipo ka labila, "Kani wa cetekela ne mutima obe onse, ungabatishiwa."Umu Ethopia ka usuka. "Nacetekela ati Yesu mwana waba Lesa." ³⁸ Pano umwina Ethopia ka eba icheleta ukwimakana. Balile panshi mumenshi, bonse babili Filipona umutungwi, na Filipo ka mubatisha. ³⁹ Ili ba ishile mukutuntuka ukufuma mumenshi umupashi waba Shikulu wali pintile Filipo kafumapo, na mutungushi tamumwenepo nakabili, sombi alile mundhila yakwe ilyasekelela. ⁴⁰ Pano Filipo kabonekela pa Asotasi kabili kaya ukupinta muncingo ilya, kuli ukushimikila icebo iciweme ku misumba yinse mpaka kaisa ku kaisalia.