¹ Chipupila kalabila, "Ifi fyonse fintu fyacine?" ² Sitefeni ka labila, "Mwebakwasu naba wishifwe kutikeni kuli nebo: Ba Lesa aba lulumbi bali bwenekele kuli wishifwe Abulamu ili ali mu Mesopotamya, ili tali tangekala mu Halani; ³ Ka labila kuli ye, "Fuma mu mpanga yobe ne lupwa lobe, uye mu mpanga iyo iyi nkakulanga." ⁴ "kabili kafuma mu mpanga yaba Chaideya nekwikala mu Halani; uku fumapo, panuma ba wishi bafwa, ba Lesa kaba muleta mu mpanga iyi, iyi ekelemo bukumo. ⁵ Taipelepo kuuli ye neli lubali lwaiko ikuba ebwikalo kuli ye, yo, neli apo anganyanta ulukasa. Sombi ali mulaile-naga ati Abulahamu tangaba ne mwana-ukweba ati aka upela impanga iyo ako kwikala naba kamufyalwa bakwe panuma yakwe. ⁶ Ba Lesa bale labila kuli ye ifili nififi, ukwebati baka mufyalwa bakwe ba kekala pa kapindi mu mpanga ya bwensu, kabili ati aba ikelemo bakabaleta mu busha neku bekalika ukubipile pa myaka imyanda ine. ⁷ Kabili nka pingula imushobo uyo uubakale mpungila,' efi ba Lesa balabile, , Kabili panuma ya fifyo baka fuma nww=ekwisa muku ndemya mu mupando uyu. ⁸ Kabili ba Lesa ka bapela Abulahamu icipangano caku sembululwa, panwefyo Abulahamu alishile ukuba ni wishi wakwa Isake kabili naye ka semubululwa pa bushiku bwa cisano na shitatu; Isake naye kaba ni wishi wakwa Yakobo , Yakobo naye kaba ni wishi wa fikolwe ikumi limo na fibili. ⁹ "Pakuti ifikolwe fyali nekasano Yosefu, bali mushitishe mu Ijipiti, sombi ba Lesa bali naye ¹⁰ kabili bali mupulwishe ukufuma ku kupenshiwa kwakwe konse. Ba lipele Yosefu ubutemwe ne mano pa menso yakwa Falao, imfumu ya mu Ijipiti, iya mu sontele ukuba ni cilolo wamu Ijipiti napa nanda ya iyo yonse. ¹¹ Pano mwali ponene insala mu Ijipiti monse na Kenani, neba Fyashi besu taba sangilapo ifyakulya. ¹² Pano ili Yakobo amfwie ati muli insangu mu Ijipiti, ali tumine afyashi besu nekuya pa lwendo ulwaku tanga. ¹³ Palwendo la cibili Yosefu alilishibishe ku bakwabo, nefisolo fyakwe Yosefu fyali shibikwe kuli Falao. ¹⁴ Yosefu ali tumine abakwabo ukubwelela mukwita ba wishi ukwisa ku Ijipiti, pamo ne lupwa lonse, bonse pamo bali ama kumi asanu na babili bna basanu. ¹⁵ Pano Yakobo alile kulya ku Ijipiti, kulya eko afwilile, ye naba wishifwe. ¹⁶ Bali pintilwe ukubatwala ku Shekemu uku ba bambile imanda ishi Abulahamu ashitile pa mulo we silufele ukufuma ku bana bakwa Hama mu Shekem. ¹⁷ "Ili mpindi yaci pangano yafikile, ubulayo ubu ba Lesa ba laile kuli Abulahamu, abantu bali kulile neku funuka mu Ijipiti, ¹⁸ mpaka ka kubikwa imfumu imbi mu Ijipiti, imfumu iyitayaishibe oa mulandu wakwa Yosefu. ¹⁹ Yali tumpaikile abantu besu neku bapatikisha ba wishifwe ukufisulula abana aba lefyalwa incece ukweba ati ba balama ne mweo. ²⁰ "Pali ilya mpindi Mose alifyelwe; ali uwa bulombe pa menso aba Lesa kabili ali lelelwe bwino pa myenshi itatu mu nanda yaba wishi. ²¹ Ili ba mubikile panse , umwana wakwa Falao umwanakanshi ali mupintile neku mukusha koti mwana wakwe. ²² Mose ali sambilile mu mano aya bena Ijipiti, calishile mu mutima wakwe ukufakashisha aba kwabo, baka mufyalwa aba Isilaeli. ²³ Ili afishishe imyaka amakumi ane, ka cisa ku mutima uku tandalila abanankashi, ifikolwe fyabena Isilaeli. ²⁴ Pakubona um Isilaeli bale mukulusha, Mose ali mupokolweleko neku mukwilako neku mwipaya uyo uwale mupensha umu Ijipiti: ²⁵ ali langulukile ati abakwabo bali neku mfwisha ati Lesa mukuboko kwakwe alebapela uku ba pulusha, sombi taba umfwilepo. ²⁶ Pa bushiku bwakonkelepo ali bwene abalalume balelwa alyeseshe ukubika umutende pakati kabo, uku labila, 'Mwebantu, mwebo muli bana bankashi nindo mulelwila mwebene nebene?' ²⁷ Sombi umo pali babo balamwine umyabyakwe kamwasuka ukumu talamusha, neku labila, 'Ninani akusalile uwakuteka neku lubulula imilandu Yesu? ²⁸ Ulefwaya uku njipaya koti fintu waipeye umu Ijipiti mailo?' ²⁹ Mose ali butukile pakumfwa alyashi ilyo; alibele mwensu mu calo ca Midyani, uku abele ni wishi wabana babili abalalume. ³⁰ Ili amakumi ane yapitile, kwalibwenekele kuli ye inkalamba mu mpanta ya lupili lwa Sinai mu cimbilimbili ca mulilo muci mpukusa. ³¹ ili Mose abwene umulilo ali papile pa kubona, pano paku palamina mukucitontomeka, mwali fumine ishiwi lyaba Shikulu, kali labila, ³² 'Nebo nine Lesa waba wishinwe, uyo Lesa wakwa Abulahamu, kabili uwakwa Isaki kabili uwakwa Yakobo.' Mose ka tutuma kabili taeseshe ukuolesha. ³³ Ba Shikulu kaba labila kuli, 'Fumya inkwabila shobe ku makasa obe, pakuti pa mupunda apo wimakebe nipa mushilili apa swetele. ³⁴ Nabona mucine ukupenga kwa bantu bandi abali mu Ijipiti; nakutika kuku lilishika kwabo, kabili naisa muku ba pulusha; pano isa, ndi nekukutuma ku Ijipiti.' ³⁵ "Uyu Mose uu bakene, ili balabile. Ninani akusalile uwakuteka kabili uwakulubulula imilandu?'- ewenka untu umo ba Lesa batuma koti mutekeshi neku bapokolola kukupenga. Ba Lesa bali mutumine ukupitila mukuboko kwa nkalamba uwabwenekele mu cimpukesa. ³⁶ Mose ali batungulwile ukufuma mu Ijipiti panuma yakucita ifimpela nefi shibilo mu Ijipiti kabili cishiba ca Ridisi, kabili namu mpanta mu myaka amakumi ane. ³⁷ "Ni Mose untu umo uwalabile ku bantu abena Isilaeli. Ba Lesa bakemya kasesema ukufuma pa bakwa, benu kasesema koti ninebo. ³⁸ Uyu emuntu uwa kumene mumpanta ne nkalamba uwalabile kuli ye pa lupili lwa Sinai, uyo uwali naba wishifwe, kabili uwa pokelele amashiwi amwe aakutupela. ³⁹ "Sombi ba wishifwe balikene ukumumfwila; bali musunkile ukufuma kuli bo kabili mumitima yabo yali yalulukile ku Ijipiti. ⁴⁰ Pali ilya mpindi kaba labila kuli Aloni, tupangile tu lesa uto utukatutungilila, pano pali cici Mose, uyo uwatutungilile ukufuma mu Ijipiti, tatwishibilepo ifyacitika kuli ye. ⁴¹ Pano bali pangile aka mutepa ka ngómbe muli shisho inshiku kabili bali letele ifya malambo kuka lubi, neku sangalala pakuti pa milimo iya kuminwe yabo. ⁴² Sombi ba Lesa ba pilibukile neku bapelabo ukupupa utu bangabanga ntwa mwiulu koti fintu ificilembelwe mwibuku lya ba kasesema , mwebo mwali mpele nebo utpimfwa twamilambu shanama mumoanta , mwe ngánda yakwa Isilaeli? ⁴³ Mwali pokelele icelesha lyakwa Moleki kabili netubanga banga twa ka lesa ka Rifani, kabili nefi bumbwa ifi mwapangile neku fipupa; kabili ndine kumipinteni ukuya kuntanshi ya babiloni. ⁴⁴ Ba wishifwe bali ne celeta lya kulayana mumpanta, koti fintu ba Lesa balabile ukucita ili balabile kuli Mose, ukweba ati, alilingile ukupalanya kuli lilyo abwene. ⁴⁵ Panuma, bawishifwe, muku tangililwa na Yoshiwa, bali pokelele icelesha nekuli leta pamo namo ili babukwete ubwikalo muliya mpanga. Ba Lesa bali bulile impanga ukufuma ku mishobo neku ba fumyamo pa menso yaba wishifwe. Icelesha lyali mpaka namu mpindi yakwa Dafiti. ⁴⁶ Uyo wasangile inkumbu pa menso yaba Lesa, kabili ali puswishe kani angasana icifulo cakwikalamo icaba ngánda bakwa Yakobo. ⁴⁷ Sombili ni Solomoni uwaibeke ingánda yaba Lesa. ⁴⁸ "Nacingabefyo, uyo uucilile taekalapo muma ngánda aapangilwe ne minwe, koti fintu kasesema alabila, ⁴⁹ "Umulu ecipuna ca bufumu bwandi, kabili ne calo cipuma ca makasa anji. Ni ngánda ya musanga shani munganjibakila? Efyo balabila baShikulu, nangu nicisa cifulo ici nebo ninga tushishamo? ⁵⁰ Kanshi ukuboko kwanji tali ekwapangile ifi fyonse?' ⁵¹ Mwebantu mwe mukoseshe imikoshi, aba tabasembulwilepo mu mitima ne matwi, mwebo impindi yonse mula talika umupasha uswetele; mulacita koti ba wishinwe balecita. ⁵² Ni wisa kasesema uyo ba wishinwe taba penseshe? Bali peye baka kasesema abo aba bwenekele pantanshi iya kwisa kwa uyo uulungeme; pano mwaba ba kulobela akabili abakwipaya nauyo na mwebo, ⁵³ mwe bantu mweba pokelele ifunde ili kalamba shasufishe, sombi ta mwali laminepo. ⁵⁴ Pano aba mukabumba ako ili baumfwile ifi fintu bali smenenwe mu mitima, kabili bali suminye ameno pali Sitifini, ⁵⁵ sombi ye, mukwisushiwa ne Mupashi Uuswetele, katontomeka mwiulu shika neku bona Yesu alimakene ku kuboko kwa lwine lwaba Lesa. ⁵⁶ Sitifini ka labila, "Boneni, nabona imyulu yaisuka, ne mwana wa muntu ali makene ku kuboko kwaku lwine lwaba Lesa." ⁵⁷ Pali cici aba mukabumba kabesala namatwi abo, neku bilikisha mwishiwi lyape ulu, bali butukile pali ye ne pange limo. ⁵⁸ Kaba muapatikisha ukufuma mu musumba neku tatika uku mutuba amabwe. Ba kamboni kaba tulika ifyakufwala fyabo ifya peulu pamakasa amulumbwana we shina lya Saulo. ⁵⁹ Ili bale toba Sitifini amabwe, aleita kuli ba Shkulu neku labila, "Mwe ba Shikulu Yesu, pokeleleni umupashi wanji." ⁶⁰ Kafukama panshi nekwita mwishiwi ilya kubilikisha, "Mweba Shikulu, mwibika ici icibipile palibo." Ili alabile fi, kalala mutulo.