¹ Penkapo panshiku isho, pakufula aba sambile, aba Ela abaalucile ba Yuda bali tacile ukulilishanya aba Ebeya, pakuti bamuka kushala balu kulubako kukwabanya nekwafwilisha kwa cinabushiku. ² Popele apo abe kumi na babili balicile necinabwinji caba sambile kuli bo neku labila ati, "Tacelwe kulifwebo ukuleka amashiwi aba Lesa nekula mpungila kumatebulo. ³ Pakuti palifyefyo salululeni, mwebakwasu pebumba abantu ba sanu nababili, aba mpumpo ishiweme, abeswilemo umupashi ne mao, ati tuba tume imilimi iyi. ⁴ Sombi fwebo, twalu kutembela nekucita imilimo ye shiwi. ⁵ Penka amashiwi ayo yalitemweshe icina bwinji conse. Nabo bali salulwile Stefano, umuntu uwaswilemo neku cetekela ne Mupashi, uswetele, pamo na Filipo, na Polokolo, na Nikano, Timoni, na Pamena, na Nikola, ukufuma ku Antioke. ⁶ Abasumine bali balibaletele neku bekalika pa menso antanjishi ili shatembele nekuba bikapo iminwe. ⁷ Popele apo ishiwi lyaba Lesa lyalifulile, ne basambile nabo nekufula ukwakuti mu Yelusalemu, nakabli neba papatilishi ibumba ilikulu balisumine ukucetekela. ⁸ Lomba Stefano, uwa iswilemo uluse ne makosa, uwalu kucita ifimpelampela netwishibilo utukulu pakuti ku bantu. ⁹ Sombi balimine abantu bambi abamwi sunagoge ilyaitilwe ati lyafumine muli bukalume, pamo neba kulene, neba ku Alecisansala, neba kufyalo Cilica na Asha. ILi aba bantu balipitilishe ukuba nakwe Stefano. ¹⁰ Sombi tabaishibile ukwacicila amano ne mupashi uyu Stefano alu kulabila nabo. ¹¹ Penka bali tekeneshe abantu bambi abo nekulabila ati, "Twalyumfwile ali ku cobola Mose naba Lesa." ¹² Nabo bali musungwilile abantu nebakulu, neba lembeshi, neku muficila neku mwikata neku mwinjisha mwibungano. ¹³ Balishikatile imboni shakubepa, isho neku labila ati, Uyu muntu inshiku shonse taalepo ukupufya inanda iyi iswetelele ne mafunde. ¹⁴ Pakuti twali mumfwile alu kulabila ati, "Uyu Yesu waku Nazaleti akonaula inanda ino nekwalula ukwishibila uko utubulile Mose." ¹⁵ Penka bonse abaikele mwibungano bali mutontomeke neku mubona pa menso akwe koti nipa menso ankalamba.