¹ Pano Petilo na Yoane balu kuya kwi tempuli paka mpindi kaku tembela, paka mpindi ka lusanu matune. ² Pano amuntu uwali icileme ukufuma kuku fyalwa kwakwe ukufuma mu kapafu muli ba nyina balu ku mupinta pa mulyango we tempuli lyali kwitwa ati Ubusuma. Balu ku mubika pa mulyango inshita shonse ukweba ati alu kulomba kuli balya abalu kwingila mwi tempuli. ³ Ili abwene Petilo na Yoani bali mupepi ne kwingila mwi tempuli, kabepusha pafya bwafwilisho. ⁴ Petilo, uku mutontomeka amenso paliye, na Yoani kalabila ati, "Tontomeka amenso kuli fwe." ⁵ Ichilema ka citontomeka amenso, uku cetekela ati alepokelelapo fimbi fintu ukufuma kuli bo. ⁶ Sombi Petilo kalabila ati, "Silver na Golide nshikwetepo, sombi ifi nkwete ndukupela. Mwishina lyakwa Yesu KIlisitu uwa ku Nazareti, enda." ⁷ Uku mwimya ne kuboko kwakwe ukwa ku lwine, Petilo ka mwimya, penkapo amakasa yakwe utu muntu ne tuboboto twakwe katu kosa. ⁸ Uku suntanshika umuntu icilema ka cima ne kutatika ukwenda; ka ingila na Petilo ne Yoane mwi tempuli, ukwenda, uku sotauka neku tota ba Lesa. ⁹ Bonse abantu kaba mumona alu kwenda neku ntota ba Lesa. ¹⁰ Kaba bona ati ni ulya muntu uwalu kulomba lomba ubupe pa mulyango wa Busuma. ¹¹ Ili aikatilile kuli Petilo na Yoane, bonse abantu kaba butukila kulibo ku cipinda ici balu kwita Solomoni, ne kupapa ukukulu. ¹² Ili Petilo abwene ifi ka usuka abantu, "Mwe bantu aba Israeli findo mulu kupapa? Nindo mulu kutontomekela amenso kuno? Kuti ninfwe twa mulenga ukutila ende? ¹³ Lesa wakwa Abrahamu, na Isaaki, na Yakobo Lesa waba shifwe, asuntula umusha wabo ba Yesu. eumwapele ne kumu kana pa menso yakwa PIlato, ili afwaile uku muleka. ¹⁴ Mwali mukene umweswetele kabili umuweme. Ka mulomba umwipaishi ati ba mukakule. ¹⁵ Ka mwipaya icitati ca mweo, uyo Lesa abushishe ukufuma ku ba fwile. Fwebo tuli ba kamboni kuli ifi. ¹⁶ Icitati calu cetekelo mwishina, lyakwe, ishina lwakwe kali panga uyu muntu, uyo mule bona ne kwishiba, ne kukosa. Ulu cetekelo ulwa kupula muli Yesu lwamu pela ubumi ubuweme ili bonse mulebona. ¹⁷ Pano mweba kwasu, ndishi ati mwalicitile fi ukwa kubula ukwishiba ifi mulecita, kuti nifyenkafyo shacitile intungulushi shenu. ¹⁸ Sombi ifi lesa alabila kutunwa twaba kasesema ukweba ati alingile uku penga, apano aisushisha. ¹⁹ Lapileni, pelifyefyo, mwaluluke, ukweba ati ifya kubifya fyenu fingafutwa, ²⁰ UKweba ati kungaba impindi yakutusha uku fuma ku cinso caba Shikulu; nekweba ati enga tuma Kilisitu uyo utuminwe kuli mwe, Yesu. ²¹ Niye enka lukoso ulu lyelelwe uku pokelela ukufika impindi yaku bukulusha ifi fyonse, kuti nifyefyo ifi Lesa alabile ukufuma ku mpindi yakale neku labila ku kanwa kaba swetele baka kasesema. ²² Mose icine ka labila ati, "Ba Shikulu Lesa baka kasesema uli kuti nine ukufuma pakati kaba kwanu. Mukale kutika ifyo fyonse akale mwebani. ²³ Fika citika ukweba ati umuntu onse ukakana uku kutika kuli uyu ka sesema akonaulwa ukufuma pakati ka bant. ²⁴ Ee, na bonse ba kasesema ukufuma kuli Samwele na babo abashile pa numa yakwe, kabalabila neku bilikisha ifya nshiku ishi. ²⁵ Muli bana baba kasesema na kucipangano ico ici Lesa apangile naba kakulu wesu, kuti fintu alabile kuli Abrahamu, 'Mumbuto shobe emo indupwa shamu calo shikashukila. ²⁶ Panuma Lesa asuntula aba bomfi bakwe, kaba mutuma kuli mwe ukutanga ukweba ati ba mushukisheni muku mwaluleni ukufuma kufipile."