¹ Ili Petilo na Yoane balu ku labila ku bantu, ba shimapepo ne bakulu be tempuli neba saduki kabesa kulibo. ² Bali ba peseshe amano pantu Petilo na Yoane balu kusambisha abantu ne kulondolola muli Yesu pamulandu wa kubuka kwakwe ukufuma kuba fwile. ³ Kababika amaboko pali bo neku babaika mwikati nekufika ulucelo, pano impindi yali ku cungulo cabu shiku. ⁴ Sombi abantu abengi aba umfwile ili lyashi bali cetekele ne mpendwa ya bantu aba cetekele, yali yasano amakana. ⁵ Pakasuba akakonnkelepo kabesa abatekeshi, abakulu ne balembishi bali bungene mu Jerusalemu. ⁶ Annas chipupila mukulu nanye epe ali na Kefasi, na Yoane, an Alexanda, na bonse abali bakwabo baba chipupila abakulu. ⁷ Eli babikile Petilo na Yoane pakati kabo, neku bepusha ati, "Esa amakosa nangula ni mwishina lyabani mucitilamo ifi?" ⁸ Pano Petilo ali swilemo ne mupashi uswetele, kabeba ati, "Mweba tekeshi ba bantu, ne bakulu, ⁹ kani tuli mukweshiwa lelo pa mulandu wa fiweme ifya citilwe ku muntu umulwele, kabili ni isa nshila apolelemo. ¹⁰ Nga cishibikwe kuli mwebo neku bantu bonse aba mu Israeli ukwebati uyu muntu uwimakene apa kasanga ubumi bwakwe ukupula mwishina lyakwa Yesu KIlisitu uwaku Nazareti, umwatanikile, sombi Lesa kamu busha ukufuma kuba fwile. ¹¹ Yesu Kilisitu ali libwe ili mwebakulu mwakene sombi lili pangilwe libwe lyappa chifutu. ¹² Tamulipo ipusukilo mu muntu umbi, pantu takupo ishina limbi panshi pa calo nekupelwa pakati ka bantu umu fwebo tunga pulukila." ¹³ Pano ili ba bwene ukukosa kwakwe Petilo na Yoane ne kwibukisha ati bali bantu lukoso, abantu aba taba sambililepo, nbali papile, ili baishibile ati Petilo na Yoane bali na Yesu. ¹⁴ Pantu bali mubwene uyu muntu ba poseshe ali makene nabo, taba kwete nefya kulabila pali ifi fintu. ¹⁵ Sombi panuma yaku batamfya aba kushimika ukufuma mu chilye, kaba shala bale lanshanya benka. ¹⁶ Kabalabila ati, "Tucite shani kuli ababa bantu?" Pakuti utwishibilo twa cine twaboneka utu bale cita ukupula mulibo tulishibikilwe ku bantu bonse abekala mu Jerusalumu, ifi teti tukanepo. ¹⁷ Sombi ukweba ati ta filingilwe uku twalililaneli kumfwika pakati ka bantu. Ngatuba kalipile ukweba ati taba lingile uku labila ku muntu neli umo mwishina ili. ¹⁸ Pano eli ba betila mukati nekubeba ati tekwesha uku labila nangu ukusambisha mwishina lyakwa Yesu. ¹⁹ Sombi Petilo na Yoane ka basuka kuli ati, "Nangabati caboneka bwino ku cinso caba Lesa uku mumfwileni ukucila ye, pinguleni. ²⁰ Tatwakalekepo uku labila pa fintu ifi tubwene ne kumfwa." ²¹ Panuma yakuba sopesha Petilo Yoane, kaba balekako. Kabafilwa ukusanga imilandu iya ku bapela, pantu abantu bonse valu kulumbanya Lesa pa mulandu wafintu ifyacitikile. ²² Uyu muntu uwakwete ishiko ilya kupita mu twishibilo twaku poshiwa ali ne myaka iyaku fyalwa uku cila imyaka ama kumi ane. ²³ Panuma ba baleka, Petilo na Yoane kabesa ku bantu babo nekuba londolwela fyonse ifi ba chipupila ne bakulu balabila kulibo. ²⁴ Ili ba umfwile, kaba suntula amashiwi abo mwilangulushi limo kuli Lesa neku labila ati, Shikulu, mwali lengele iulu ne calo capanshi, ne fishiba na fyonse ifilimo. ²⁵ Mwali labila mu mupashi mukanwa ka mubomfi wenu, ba wishifwe ba David, 'Nindo ifyalo fyaba kwisonde ba fulungananina ne bantu ukulu kulanguluka ifyalukoso? ²⁶ Kamu labila ati, "Imfumu shumu calo capanshikashi libungika pamo, ne batekeshi nabo kaba libungika pamo muku lwisha ba Shikulu, ne muku lwisha ba Kilisitu. ²⁷ Ifyacine bobilo Herodi na Pontyasi Pilato, bonse pamo neba kwisonde ne bantu bonse aba ku Israeli, kaba bungana pamo mu musumba neku mu lwisha umu swetele mu bomfi Yesu, uyo umwasufishe. ²⁸ Kabangana bonse ukweba ati ifyo fyonse ifi ukuboko kwenu ne kwanshika kwenu uku mwanshikile ati ifi fikacitwe. ²⁹ Lomba, Shikulu, lolesheni pafya ku sopesha kwabo ne kupela amakosa kuba bomfi benu uku labila ukwa kubula umwenso. ³⁰ Fungululeni ukuboko kwenu, muposhe nekupela utwishibilo ne fipapusho ukupula mwishina lya muswetele umu bomfi wenu Yesu." ³¹ Panuma ya butembela, icende iyo balipo neku bungana kaba itenkanya, bonse kabe sushiwamo ne mupashi uswetele kaba tatika uku labila cebo caba Lesa ne mutinini. ³² Impendwa ikulu pakati kababo aba sumine bali ne mutima umo ne mweo umo. Takwalipo uwa labile ati ifyanonkele fyakwe enka, sombi bali kwete fyonse mukwikatanina pamo. ³³ Ne makosa akulu aba kushimika balu ku labila pafya bumboni pamulandu wakubuka kwaba Shikulu Yesu, ne nkumbu ishingi shali pali bo. ³⁴ Takwalipo umuntu neli umo pakati kabo uwabulishe, pakuti bonse aba kwete ifyuma kaba shitisha ne kuleta amaboni ukufuma ku fintu ba shitishe ³⁵ neku shitula pa makasa yaba kushimika, eli ba bulile neku shipela ku muntu onse uku linga nekubulisha kwakwa. ³⁶ Yosefe, uyo aba kushimika baleita Banabasi (ico icilu kwalulwa umwana wacikoseleshi), umwina Levi, umwanalalume ukutula ku Sipulasi, ³⁷ ka shitisha ibala ilyali lyakwe kaleta indalama ne kubika pa makasa aba kushimika.