¹ Ili cali ati tulukunina ubwato ukuya ku itali, nabakaili bambi cilolo cafisa umwanda icainikilwe ati ni yulya icapebumba lyakwe Ogusto. ² Fyefyo ili twaingile mulwato ubwaku Adila muteno ubwalukufwayo kuya kumishi iyakumpelo yacalo ca Asha twalimine ulwendo. Na Alisitako naye mumakedonya uwaku Tsalonike twali nakwe. ³ Ngamailo twalifikile ku Sidone, naye yulyo alimucitile mkumbu Paulo nekusumina ati aye kufibusa fyakwe mukukatuluka. ⁴ Pakwimako twaliendele mubwato apashitepa kupilo, pakuti ifipupu fyalukucilingene. ⁵ Sombi ili twabukile icishiba icatamba kenenecalo ca cilica neca pamfulya, twalifikile ku mula, uwamucalo ca Luca. ⁶ Fyefyo, icilolo ico icafita mwanda calibusangile ubwato ubwaku Alekisandala ubwalukuya ku calo ca Italya. Naco calitwingishe umo. ⁷ Fyefyo ili twaendele bwino bwino inshiku ishingi nwkufika nefyakukatasha apashinkamene papa Cnido, pakuti icipupu calitukenye ukufika uko, twaliendele apashiteme pa Cailete, apashiteme napa Salimone. ⁸ Fyefyo twaliseseshe nefyakukatasha, nekufika kumbi ukwainikilwe ati Myabu Iweme, apepi nakoko kwali umushi wa Lasaya. ⁹ Lomba ili inshita yapitile impindi ikulu nelwendo nekuba lwakulitakata pakuti impindi yakukana ukulya. Lomba kale ipitile, Paulo alibacengeshe, ¹⁰ nekulabila kuli bo ati, ''Mwebaume, ndukubona ati ulwedo ulu lukaba nefyakukatasha nekupengo kwakuti, tekubwato, noku fyakusenda fyenka, sombi nakumyeo yesu.'' ¹¹ Sombi icilolo cafita mwanda caliumfwile ifyakwe kalama wabwato nemwine wabwato ukucila napanfintu ifyo ifya labilwe kuli Paulo. ¹² Fyefyo, pakuti icishi tacali cikulu icakwikalamo pamwela, abenji balibulanshenye ati ngatufumeko kuno, tukeshe ukufika ku Fainika, nokwikaloko pamwela. uko ekucita icaku cilete icalalele kumutulesuba. ¹³ Fyefyo, pakupupa bwino bwino icipupu icakufuma kusaufu, balukweba ati caisa ici tulukufwaya nekukakulula nebwato, nekusesha cilete apepi nemutunta. ¹⁴ Sombi ili tangapita impindi ikulu, caliishile ukufuma kumutunta icipupu icikali icainikilwe ati ni yulokwilo. ¹⁵ Fyefyo pakwikatwa ubwato nekubula kwishiba ukuloloko ukwatulile icipupu, twalicilekelelukoso lomba nekutwalwa. ¹⁶ Fyefyo ili twaendele ukufika apashiteme pansumbu unini iyainikilwe ati Nikoda, twaliishibile ukukakakisha kabwato nefyakukatasha. ¹⁷ Eli bakemishe balipishishe kunshi ifyakubukosha ubwato nekufika, penko, pakuti na ati twangsa kuposwa pantikuli, baliselwishe ifyamilimo yabwato nekutwalwa. ¹⁸ Fyefyo pakuti icipupu calukutukaka nekutukatasha ukwakuti, ngamailo balitatikile ukupasaila ifyasendelwe mumenda. ¹⁹ Ngamasoshi nekuposaila abene nefintu ifyamilimo ya bwato, nekubofya amaboko yabo. ²⁰ Fyefyo pakubula ukutula neli kasuba neli tutandala inshiku inshingi, nakabili pakulukutukako kwakuti icipupu ukucetekele kwesu konse ukwakupuluka fwebo kwalifumine. ²¹ Pakwikala impindi ikulu neli kulya, Paulo liimakene pakati pali bo nekulabila ati, '''Mwebaume, nga mwalingufwile, nekubula ukwima ulwendo ukufuma ku Celete, ngatamubele nekukatasha nekupenga uku. ²² Nomba ndukumucengesheni ati, mwikalike imitima yenu, pakuti tapakalukulipo ukuposa umweo pali mwebo mwense, sombi bwato bwenka. ²³ Pakuti ubushiku buno yalimakene pali nebo inkalamba yaba Lesa abo abandibabo, aba mpyungila nebo kabili, ²⁴ nekulabila ati, 'Witina, Paulo. Ukwelelwa webo ukwima kana pamenso yaba Kaisa, fyefyo bona, ba Lesa balikupele bonse abo abo ulukwenda nabo.' ²⁵ Pakuti pali fyefyo, mwebaume! Ikalikeni imitima yenu pakuti ndukucetekela muli ba Lesa ati fikaba koti nifyefyo ifi nabuulwa. ²⁶ Nangaba fyo ukutwelelwa ati tukaposwe pasumbu.'' ²⁷ Pakufika ubushiku bwekumi nashine, ili twalukusebana pacishiba ca Adilia, koti nipakati kabushiku abobeshi balyebele ati tulukupalamina kumutunta kumbi. ²⁸ Fyefyo balieseshe pamenda nekubona koti mikwamba amakumi yabili;pantangile panini balieseshe libili nekubona koti mikwamba ikumi naisanu. ²⁹ Lomba pakuti pakutima ati twangesa kupaswa kumutunta kumabwe, balifumishe munuma ifyakwikata bwato fine, nekupemba akasuba. ³⁰ Fyefyo abobeshi baliseshe ukufyuka mubwato nekuselusha kabwato kanini mucishiba, ati tukashike nefyakwikata ubwato ku sanga kuntangile. ³¹ Sombi Paulo alilabile ku cilolo cafita mwanda nakufita ati, ''Kani abateshi balukwikele mubwato, teti mukapuluke mwebo.'' ³² Fyefyo ifita fyaliputwile imyando yaku bwato kanini ati kaye. ³³ Pakutatiko kuco bushiku, Paulo alibapapatilile bonse ati balye ifyakulya. Kalabila ati, ''Kanoekasuba kekumi nashine akakupembela mwe ukuisunga-nekubula ukulya neli kantu. ³⁴ Pakuti pali fyefyo ndukumupapatileni ati mulye ifyakulya, pakuti ifi ekulubuka kwenu. Pakuti imishishi yenu neli umo taukonaikapo pali mwebo mwense.'' ³⁵ Ili alabilefyo, nekubula muukate alibatotele ba Lesa pamenso yabo bonse, nekumokaula umuukate nekutatika ukulya. ³⁶ Elyo bonse baikalikile imitima yabo nabo abene nekulikulya. ³⁷ Lomba mubwato fwense twalikumene imyanda ibili nemakumi yasanu na yabili nebantu basanu naumo. ³⁸ Fyefyo pakwikuta, balipufishe ubwato nekuposa nengano mucishiba. ³⁹ Pakuco bushiku, tabaishibilepo kumutunta uko, sombi balibwene ikonko lyacishiba, limbi lili nepakutuntukila nabo baliipushanshyenye ati kani tulishi ukucinka ubwato kulya. ⁴⁰ Eli baliposele nefyakwikata bwato nekufika mucishiba. Nempindi iyo nekukakulula nemyando iya pafyakwalulula ubwato nabo balipatikile nensalu ya kuntangile kucipupu; nekulukuya kumutunta. ⁴¹ Sombi pakufika pamakumanino amashiba yabili ubwato bwalikate pamu canga. Yakuntangile yaliiketwe tekwishiba ukuitesha, sombi iya kunuma yalitatikile ukukonaika kumakosa ya mankapala. ⁴² Eli ifita fyalifundene ati ukwelelwa ukwipaya abafungwa bambi kuti basamba bafyuka. ⁴³ Sombi icilolo cafita umwanda pakuti pakufwayo kumupulusha Paulo, califikene ukufwaya kwafiiko; nekubabula ati abo abashi ukusamba ngabalipose mucishiba nekutango kufika kumutunta. ⁴⁴ Nebashelepo bambi pafipampa, bambi nabo pafintu ifyamubwato. Fyefyo palibele ati abantu bonse balipulukile nekufika nemakosa kumutunta.