¹ Ili twapusukile, eli twaishibile ukwebati twafika pa nsumbu apa lukwitwa ati Malita. ² Abekashi twasanjile bali tusangulicile, neku tukuncila umulilo neku tusansamusha pakuti kwali lokele infula ne mpepo. ³ Sombi ili Paulo alonganikile inkuni neku shibika pa mulilo, mwafumine insoka ku cibe ca mulilo neku mupomba ku maboko. ⁴ Ili injikale shabwene insoka ili pombene ku kuboko, shalilabila kuli umo nemu byakwe, "Uyu muntu kapondo nangabati apuluka cishiba, icine tachisuminepo ukweba ati abene mweo." ⁵ Sombi ili asubenye ukuboko insoka kaiponena mu mulilo ye taumfwilepo ne kusomena. ⁶ Bo balu kulolela ukwebati babone ngacakwebati alu kwikatwa nebusungu ububipile apone ne panshi pekapo afwe. Sombi bali loleshe impindi ikulu makosa kabasanga neli cimo icacitilwe pali ye, pekapo kaba pilibula ne langulushi ukweba ati uyu Lesa. ⁷ Nipapo mumitala yakwe nkoko emwali ne mabala ya mfumu kweka umitala ya yansumbu, neshina lya Pabuliyasi. Ali tusangulucila umutende neku tusunga pa nsiku shitatu. ⁸ Calicitilwe pali ilya impindi ili ba wishi bakwa Pabilyasi balwele ubulwele bwa mpepo neku polomia. Ili Paulo aile kuli ye ali tembele neku bika amaboko pa mutwe wakwe, nekupola kapola. ⁹ Panuma yafifi, ibumba lya bantu abali pa nsumbu abalwashi balishile neku poshiwa. ¹⁰ Ne bantu balipele ubuleme mu fintu ifinji. Ili twali kupekanya ubulendo bali tulongeshe ifitwabulisheko. ¹¹ Pali pitile imyenshi shitatu twalimine ulwendo mu bwati bwa ku Alekisiandala ubwaikele pa nsumbu, umwela ubwato bwakwa Alekisiandala, na keshilo ni balalume. ¹² Ili twafikile ku musumba wa Sulakusa, twalilinshisheko inshiku shitatu. ¹³ Ukufumako twalindele ubulendo nekufika ku musumba wa Lesa. Pali pitileko akusuba kamo icipupu icha salifu cali bucile. Panuma ya nshiku shibili twalificile ku musumba wa Potyolu. ¹⁴ Kulya eko twasangile abakwebesu nekuba kombetela ukwebati twikale nabo inshiku shisano na shibili. Mpenkapo twafikile na Loma. ¹⁵ Ili abakwabesu, baumfwile ifyesu, bali tucinsishe, nekufika ku mansa shakulilapo isha kwa apyo ne nanda sha bensu shitatu. Naye Paulo ili abwene abakwabesu ali totele ba Lesa neku kosha umutima wakwe. ¹⁶ Ili twainjile mu Loma Paulo bali musumishe ukuli kalila enka ne mushilika uwa kumu lama. ¹⁷ Ili papitile inshinku shitatu abakulu baba yuda. Ili ba longene alabile kuli bo, "Mwe bakwabesu, nebo nangabait nsunacitilepo akantu nelu kamo ku bantu neli niku fishilamo fya bawishifwe, bali mpintile umufungwa ukufuma ku Yelusalemu neku mposela muminwe yaba Loma. ¹⁸ Abo paku njipusha nebo, balu kufwaya uku ndekako, pakuti muli nebo tamulipo icebo icaku ngipailapo. ¹⁹ Sombi aba yuda bali langulwile, ica lengele ukwebatinkakatile ukuleta umulandu kuli ba kaisa, neli nacingabafyo takwalipo ukweba ati susha umushobo wanji. ²⁰ Pakuti palifyefyo namu kombetelenipakweba ati mumbone twise tulabila ne mwebo, nipa licici capabena Islaele ici kalwepo iminyololo." ²¹ Ili balabile kuli ye, "Tatunga pokelela isebo ukufuma ku Yudea iya pali webo, neli abakwabesu ukwisa muku kwebelela neli ukulabilapo ifibipile pali webo. ²² Sombi tulu kufwaya ukumfwa kuli webo ifi ulu kulangulucila pacici, pakuti cilishibicilwe kuli fwebo nekulu kulabilwa monse. ²³ Ili basalile ubushiku bwakwe, icina bwingi ca bantu calile kunanda yakwe. Alitacile ukushimika pafya bufumu bwa ba Lesa. Katampa neku labila pali ba Yesu ukufuma mu mafunde yakwe Mose nakuba kushimika ukufuma ulukelo ne kufika ku mpindi ya cungulo. ²⁴ Abenji bali sumine ku fintu ifya labilwe, kuli bo bambi nabo taba suminepo. ²⁵ Ili tabasuminishenye umu ne mubaykwe, bali mushile pakuti Paulo alilabile amashiwi aya, "Umupashi uswetele wali labile bwino kuli ba wishinwe mukanwa kakwa Isaya kashimika. ²⁶ Koya ku bantu aba, uka labila ati, "Ukufuma mukomfwa sombi tamukomfwishapo neli panini; neku bona mukabona sombi tamukabweneshapo neli panini. ²⁷ Pakuti imitima yabo ilikosela ne matwi yabo nayo alishincille, ne menso yabo nayo bali yashiticile, neku fuma ku matwi yabo, nekwishiba ku mitima yabo ne kwaluluka na nebo neku busha. ²⁸ Ishibeni ukweba ati ukupulusha kwaba Lesa kwali tuminwe kubena fyalo, nabo balyumfwile. ²⁹ Ili alabile ifi fintu, aba yuda bali mushile ne kupikisha ukwakuti. ³⁰ Paulo alicele imyaka ibili ibulungene mu nanda yakwe, nekulu kupokelela bonse bonse abalu kuya kuli yee. ³¹ Ali kusambisha ubufumu bwaba Lesa nekulu ku sambisha ifintu ifnji ifyaba Shikulu ba Yesu Kilisitu ne mitima ukosele neli umo uwa kumukanyako.