¹ ''Mwendume naba wishifwe, uumfweniko ifif ndukulipokollako ifi ndukulabila kuli mwebo.'' ² Ili icinabwingi chaumfwile uuko Paulo alukulabila mumulaka wa ciebele, bali kutumene. Kabalabila, ³ ''Nebo ndimu Yuda, uwafyalilwe mutashishi mu kilicisa, sombi ne kusambilila mumusumba weka ulya pa makasa yakwa Gamaliel. Nalyebelwe ukubela mufipope fya mafundisho yaba wishifwe. Ndine katina kuli ba Lesa, fyenka ifimuli namwebo mukasuba kalelo. ⁴ Nalitwalile inshita yi kumfwa ukukakane kutwala kucifungo abalalume neba ba nakashi, ⁵ nebasambishi ne bakulu bangasuminisha. Nalepoka nsebo ukufuma kuli bo ukuya kuba kwabesu ku Damasiko, nekuya mukubapinta munshishi nekubaleta ku Yelusalemu mukucushiwa. ⁶ Cali citikile ili nali pabulwendo bwakuya mupepi naku Damasikasi, mumpindi ya kasuba pakati pemkapo kwalishile ulubuto ulukulu maningi nekunshinguluka. ⁷ Penkapo nali wile panshi ne kumfwa shiwi lilukulabila nebo, 'Saulo, Saulo, nindo ulukuncushisha? ⁸ Nalyasukile, 'Nimwebani Shikulu?' Kalabila kuli nebo, 'Nine Yesu waku Nasaleti uwo ulukucusha.' ⁹ Abo nali nabo balibwene ulubuto, sombi tabaumfwilepo shiwi lyakuli uyo uwakulabila kuli nebo. ¹⁰ Nalilabile, 'Findo ningcits Shikulu?' Shikulu kalabila kuli nebo, 'IIma wingile mu Damasikasi. kulya ekukebwa fyonse ifisontelwe pali webo ifyo ukalukucita.' ¹¹ Nshalukubonapo pakuti ulubuto lwali sanikile makosa, nalisendelwe ne maboko yababo abo nali nabo, nekwingila mu Damasikasi. ¹² Kwenka kulya eko twakumene nemuntu uweshina lya Ananiya, umuntu mufukile uweme makosa ukulingana ne funde ne milabilile iweme kuba Yuda alukwikala nabo. ¹³ Alishile kuli nebo, nekwimakana apo nali, nekulabila , kuli nebo 'Wemukwabesu Saulo, lolesha.' Yke ulyo mpindi kamubona. ¹⁴ Ili alabile, 'Balesa aba bawishifwe bakusonta webo ukuti wishibe imibele yabo, ukubona abalungeme, ne kumfwa kwishiwi lyabo ili lukufuma mukanwa kabo. ¹⁵ Pakuti webo uukaba mboni yabo ku balalume bonse pafyo wabwenee ne kumfwa. ¹⁶ Pano findo ulukupembela? Ima, wibishiwe, ne kusamba ifibipile, winte napashina, lyakwe. ¹⁷ Pampindi na alulucile ukubwelela ku Yelusalemu, ili nalukutembela mwitempuli, nalibwene icakubona. ¹⁸ Nali bwene uwalabile kuli nebo, ''Endesha fuma mu Yelusalemu mukwangufyanya, pakuti tabakasuminapo icishinka pali nebo.' ¹⁹ Ili nalabile, 'Shikulu, aba bonse balishibile ukwebati nali posele abengi mucifungo ne kupumaula abasumine mwebo mumasunangoge yonse. ²⁰ Ili kalubula wakwa Stefani imboni yobe walukusuma, epo naiminine ne kusuminisha, nekulama fyakufwala fwababo abamwipeye. ²¹ Sombi alilabile kuli nebo, 'Koya, pakuti ndekutuma ukutali kubena fyalo.''' ²² Pano ili bakutikile kubulondoloshi. Balisanswile amashiwi ne kulabila, ''Talingilepo uuli fyefyo kuba pesonde, pakuti taciwepo ukwabati aleli umulabi.'' ²³ Balibilikishe, nekulukuposa fyakufwala, nekubula ulukungu nekulukuposa mwiulu, ²⁴ umukulu wafita alyebele Paulo ukwebati bamwingishe mukati, kapela amakosa akwebati bepushe bwino icalenga ukwebati bamupumaule, pakwebati umwine eshibe cindo calenga ukwebati basanswile amashiwi yamusango yu pali ye. ²⁵ Ili bamukacile ikakilo, Paulo kalabila kumulinshi uwainine, apo ali, ''Bushe cilyelelwe ukupumaula umuntu umwine Roma uwo tabangalibulwisha?'' ²⁶ Ili umulinshi aumfwile fi, alile ku mulinshi umukulu nekumubula ati, ''Findo mulukufwaya ukucita? Pakuti uyu muntu mwina Roma umwikashi.'' ²⁷ Umukulu waba linshi alishile nekulabila kuli ye, ''Mbulako, uli mwina Roma umwikashi?'' Paulo alyasukile, ''Ee.'' ²⁸ Umukulu wa balinshi alyasukile, nali posele amaboni ayenji pakuti mbe umwikashi.'' Sombi Paulo kalabila ati, ''Fyelwe umwina Roma umwikashi.'' sombi Paulo kalabila, ''Nebo ndimwikashi wa mu Roma.'' ²⁹ Nebalume abalukufwaya ukwebati bamwipushe ifipusho penkapo kamusha nekwangufyanya ukuya. Umukulu wa balinshi alibele ne nsoni pakwishibati Paulo mwina Roma umwikash, uwa akacile ifikakilo. ³⁰ Ubushiku bwakonkelepo, umukulu wabalinshi alukufwaya ukwishiba icine paba Yuda' pafyakubepesha pali Paulo. Ili amukakwile ifikakilo ne kweba abasambishi abakulu ne bungano ukukumana. Nekuleta Paulo ukumwikalika panshi ne kumutula pakati kabo.