¹ ili twaile ukufuma kuli bo nekwenda mubwato twalibulilo lwendo ulwa kubula ukupasuka ukufika kumusumba wa Kosi, napabushiku bwa konkelepo katufika kumusumba wa Rodsi, kabili ukufuma kulya katufika kumusumba wa Patala. ² Ili twasangile ubwato ubwaleya kuFainesia, twalininine nekutwalilila ukuya. ³ Panuma yakubona Saiplasi, ukuushila kulubali lwa cipiko cabwato, twalile ukuya ku Sika ne kufika pa Taya, upo ubwato bwaselwishe ififpe. ⁴ Panuma twasanga abasambi, twalikele kulya inshiku shisanu nashibili. Ukupitila mumupashi balitwalilile ukukaselesha Paulo ukumukanya ukuya ku Yelusalemu. ⁵ Ili inshiku shesukulya shashilile, twalifumineko nekuya palwenda lwesu, kabili nabonse, pamo nebakashi babo nebana, kabatukonka ukufuma mumusumba. Eli twafukeme pacitunta tunta ne kutembela. ⁶ Nekulayana ukwakulekana. Eli twaile mukunina ubwato eli babwelele kwabo. ⁷ ili twahilile ulwendo ukufuma ku Taya, twalifikile pa Foinesia. Kulya twalisekele abakwabesu nekwikala pamo na bo ubushiku bumo. ⁸ Pabushiku ubwakonkelepo twalifumenepo nekuya ku Kaesalia. Twalingile mu ng'anda yakwa Filipo, umutumikishi, uyo wali pali babo abali basanu nababili, kabili twalikele naye. ⁹ Pano uyu muntu ali nebana abanakashi bane abatabangopwa abalesesema. ¹⁰ Pano pa kwikala kulya ukwanshiku, kulya kwalisjile kasesema umbi ukufuma ku Yudeya uwainikilwe Agabasi. ¹¹ Alishile kuli fwebo kapinta umushipiwakwa Paulo. Kuli uyo kkakako amakasa akwe umwine ne maboko akwe nekulabila, ''Ifyoefyalabilea Umupashi Uuswetele, 'Ifyoefyo aba Yuda mu Yeluselamu bakakaka umuntu uukwete uyu mushipi, kabili balinekumutulila mu maboko abena fyalo.'' ¹² Ili twaumfwile ifi fintu, bonse pamo fwebo nebantu abekala muncingo ilya katupapatila Paulo ukweba ati eyako ku Yelusalemu. ¹³ Pano Paulo kaasuka, ''Findo mulecita ukulila nekutoba umutima wanji? Pakuti ndilibambile, tekunkaka kwemka, sombi nekufwa kabili mu Yelusalemu pakutipe shina lyaba Shikulu Yesu.'' ¹⁴ Pakuti Paulo tekuti apakatishiwepo, twalikele celele eli kabili twalabile, ''Kani ubu ebufwayo bwaba Shikulu bucitikwe.'' ¹⁵ Panuma yanshiku ishi, twalipintile ifyola fyesu nekuya ku Yelusalemu. ¹⁶ Kwalilekabili nafwebo bambi abasambi ukufuma ku Kaisalia. Baliletele nabo umuntu uwa imikilwe Mnasoni, umuntu ukufuma ku Saiplasi, umusambi uwatangilepo, nauyo uutungekala naye. ¹⁷ Ili twalifikile mu Yelusalemu, abakwabesu kabatupokelela nensangalashi. ¹⁸ Ubushiku ubwakonkelepo Paulo alilena fwebo kulinYakobo, nefilolo fye celesha fyonse epo fyali. ¹⁹ Ili abasekelemitende, alipele insebo cimo cimo ifintu ifyo ba Lesa bacitile pabena fyalo ukupitala mumulimo wakwe. ²⁰ ili bafyumfwile kabalemya ba Lesa, kabili eli balabile kuli ye, ''Wabona, wemukwasu , nibanga abacetekela paba Yuda. Bonse balafwaisha ukulama ifunde. ²¹ Balibebele pali webo, ati ukasambilisha bonse aba Yuda abo abekala pakati kabena fyalo ukufumako kulin Mose, nakabili ati ulabeba ukukana ukusembululwa abana babo, kabili nekubulakwenda ukulingana nenshila shacishilano. ²² Nifindo tungacita? Balinekumfwa mucine ati waisa. ²³ Pano cita ifi tulekweba. Tulinkwete abalalumebane abo abalaile. ²⁴ Buka aba abalalume uliwamye wemwine pamo nabo,m kabili ubalipilileifyo ifi bonawile, ukweba ati babeye imitwi yabo. Ifyo onse akeshiba ati ifintuy ifi baebelwe pali webo fyabufi. Bakasambilila ati nawebo ulekala ukulungeme, ukusuga ifintu. ²⁵ Sombi ukulingana nebena fyalo abo abcetekele, twalilelembele pelangulushi lyesun ati balingile ukulilama abene benka ukufuma kufintu ifi pelwa amalambu kutulubi, ukutalamuka ku milopa ukutalamuka kufinama ifi fwila kufya kukakila, kabili ukuuma nakubucencemeshi. ²⁶ Pano Paulo kapinta abo abalalume, nebushiku ubwakonkepo ali lisweteshe umwine enka pamo nababo. Pano eli bailenamwitempuli, ukupela bukafikishiwa kabili nebupe bukapelwa bwacila umo umo. ²⁷ ili inshiku shisanu na shibili shali apepi ukushila, aba Yuda bambi ukufuma ku Esha, pakubona Paulo mwitempuli, kaba kundula ibumba lyonse ilya ba Yuda nekumwikata. ²⁸ Balebilikishe, ''Mwebalalume abamu Isilaeli, tofweni. uyu emuntu uusambisha abantu bonse konse ifintu ifi abantu tabacitapo, ifunde, nauyu umupunda. Pakabeyakambi aliletele kabili aba Giliki mwitempuli kabili ali koweseshe uyu mupunda uuswetele." ²⁹ Pakuti bali mubwena ukuba na Tolofimasi umu Efeso kunshiku shakunuma mumusumba, kabalanguluka ati Paulo ewamuleta mwitempuli. ³⁰ Umusumba onse walisakatukile, nebantu kababutuka pamo nekuya mukumwikato Paulo. Kaba mutintanya ukumufumisha panse yetempuli, nelilyango bwangu yaliselwe. ³¹ Pano ili ba leesha ukumwipaya, ilyashi lyalifikile kukilolo icikulu icakulonda ati onse Yelusalemu aba mu cipupa. ³² Penkapo alintile ifita nefilolo fya pamyanda nekututukila ku cibumba. Ilyabantu babwene icilolo icikulu nefita, kabaleka ukumupuma Paulo. ³³ ili icilolo icikulu cafikile nekwikata Paulo, nekumweba ukumukaka neminyololoibili. Eli aipwishe uyu ninani kabili nindo acita. ³⁴ Bambi mucibumba balebilikisha icintu cimo bambi nabo cimbi. Pantu icilolo tacasambililepo icacine pamulandu wa congo conse calibebele ati Paulo aletwe mucilamino. ³⁵ Ili aishile ku fitantilo, alipintilwe ne fita pakuti pa cimfulunganya ca mabumba. ³⁶ Pakuti ici bumba cabantu calikonkele panuma ili ciya cilebilikisha, ''Mufumyenipo!'' ³⁷ Pano Paulo ili alyapepi ukumuleta mucilamino, kalabila ku cilolo icikulu, ''Chingasuminika nebo ukulabilapo ifintu kuli mwebo?'' icilolo kacilabila, Ulalabila ici Ela? ³⁸ Kanshi tauli mwina Ijipiti uyo impindi yakunuma atatikile ukwalukila nekutangilila abalalume amakana ane aya babo inkutushi abaile mumpanta. ³⁹ Paulo kalabila, ''Nebo ndi mu Yuda, ukufumas ku musumba wa Tasasi mu Silisia. Ndi mwikalikishi wa mumusumba uutauli uunini. Namulombeni, nsuminisheni ndabilekubantu.'' ⁴⁰ Ili icilolo camusuminishe, Paulo kaimakana pa fitantilo nekulabila nekuboko kubantu. Ili kwabele ukukutumanaa ukwakuti, kalabila kuli bo mumulaka uwa ci Ebele, kalabila,