¹ Panuma yakushila kwa congo, Paulo alitile abasambi kabili panuma yakubakoselesha, kalabila shalenipo nekubasha kaya ku Mesidonya. ² Ili aileukupita mumitala yo kabili nekulabila amashiwi akubakoselesha, alishile ku Griki. ³ Panuma yakwikala imyenshi itatu kulya, ukumufwailisha kwalipangilwe ukwakumwikata neba Yuda ili alyapepi nekuya ku Silya pano alifwaile ukubwelela ukupitila ku Mesidonya. ⁴ Abaile nabo ukuya mukufika ku Esha balini Sopata umwana wakwa Pailasi ukufuma ku Beriya; Aristakasi na Sekundusi, bonse babili babililibali basumini baku Tesalonika; Gayasi uwaku Debe; Tomoti na Tichikasi na Trofinasi ukufuma ku Esha. ⁵ Sombi ababantu balile ili fwebotatungaya kabili baletupembelela pa Trosi. ⁶ Twalyendele nebwato ukufuma kuFilipo panuma ya nshiku isha shinkwa uwakubula oposhi, kabili mushiku shinu twalishile kuli bo mu Trosi, uku twalikele inshiku shisanu na shibili. ⁷ Pabushiku ubwakutanga ubwamulungu, ili twabungene pamo mukukumaula shinkwa, Paulo kalabila kubasumine. Alelibambila ukuya pabushiku ubwakonkapo, pano alikokwele ukulabila icebo mpaka pakati kabushiku. ⁸ Mwali inyali ishingi mucipinda capeulu umo umutwaishile mukubungana. ⁹ Eulu pambeluka palikele umulumbwana uwainikilwe Yutikasi, uyo uwaponene mutulo utwingi. Paulo kalabila ukwakutalimfya, uyu umulumbwana, nishi acili alilele, kaponapanshi ukufuma pacipinda icabutatu kabili alimishiwe umufwile. ¹⁰ Sombi Paulo kaselukila panshi, kalitandabalika umwine nekumusamina, nekumulela. Eli alabile, ''Mwefulungana nakabili, pakuti ali nemweo.'' ¹¹ Kabili kanina peulu nakabili nekubula icishinkwa nekukumaula nekulya. Panuma yakulabila nabo impindi iitali ukufika kulucelo, alile. ¹² Baliletele ukumubwesha umulumbwana uwamweo kabili bonse balisangalele makosa. ¹³ Fwebo fwebene twalile pantangile yakwe Paulo nebwato nekoba ukuya ku Asosi uko ukutwayanishishe Paulo ukumininika. Ifi efyo ye umwine afwaile ukucita pakuti alyalikile ukwenda nemusebo. ¹⁴ Ili atukumenye pa Asosi, twalimutwite mubwato nekuya ku Mitileni. ¹⁵ Pano elitwaenda ukufuma konekufika ubushiku bumbi ukucilinganya icishi ca Chiyosi. Ubushiku ubwakonkelepo twalifikilepa cishi ca Samosi, nebushiku panuma ili twaishile kumusumba wa Miletasi. ¹⁶ Pakuti Paulo alifwaile ukoba ukusesha Efeso, ukweba ati eposa impindi mu Esha, pakuti alefwaisha ukwendesha ukuba mu Yelusalemu pabushiku bwa pentekositi, kani calyalelwe ye uucite fyo. ¹⁷ Ukufuma mu Miletasi alitumine abantu ku Esha nekumwitila abakuluba cilonganino. ¹⁸ Ili baishile kuli ye, kalabilakuli bo, ''Mwebo mwebene mulishi, ukufuma pabushiku bwakutanga ubunanyantile ulukasa lwandi mu Esha, ifi impindi shonse naleposa impindi yandi na mwebo. ¹⁹ Nalilipele ukupyungilo ba Shikulu mukulicefya konse ukwa kalango neminsoshi, namukweshiwa konse ukwalecitika kuli nebo pakuti pakungalukila aba Yuda. ²⁰ Mulishi nshakutumenepo ukufuma kukumwebeni conse cintu ica kumofweni nefinamusambilisheni apaswetele kabili ing'anda ne ng'anda, ²¹ ukulabila kuli bonse aba Yuda neba Giliki pamulandu wa kulapila kuli ba Lesa nefyabusumino muli ba Shikulu Yesu. ²² Pano boneni, Ndeya ku Yelusalumu, ukuptikishiwa ne Mupashi, ukwakubula ukwishiba ifikancitikila kulya, ²³ sombi kani Umupashi Uuswetele walabila kuli nebo mu musumba onse ukweba ati iminyolone mapensho fili mpembelele. ²⁴ Sombi nshilefwaishapo umweo wanji ukuba nemutengo kuline nemwine, kani lukoso nashilisha ukubutuka kwanji nekushilisha umulimo uunapokelele ukufuma kuli baShikulu Yesu, ukulabila kucebo iciweme icankumbu shaba Lesa. ²⁵ Pano boneni, Ndishi ukweba ati mwebo mwense pali babo abo naile konse ukutulisha ubufumu, tamukabonapo icinso canji nakabili. ²⁶ Pali fifyo nalabil kuli mwebo oali buno bushiku ukuba ati nshikwetepo mulandu uwamulopa uwamuntu uuli onse. ²⁷ Pakuti nshaikelepo ukwakubula ukulabila kuli mwebo ubufwayo bwaba Lesa bonse. ²⁸ Palififyo mucenjele mwebo mwebene, napetanga uyo uyu Umupashi Uuswetele usontele mwebo ukubabakulama. Mucenjele ukulangilila iciilonganino caba Lesa, icibashitilene mulopa wabo abene. ²⁹ Ndishi ukweba ati panuma naya, imibulu iikali ikesa mukwingila muli mwebo kabili taikapulushaponetanga. ³⁰ Ndishi ukweba ati ukufuma kabili pali mwebo abantu bambi bakema nekulabila amashiwi aakupulusha ukweba ati batinte aba sambibese kuli bo. ³¹ Pano beni abakulisopa. Mulanguluke ati pamyaka itatu nshalekelepo ukusopesha mwebo umo umo ubushiku ne kasuba neminsoshi. ³² Pano na mupeleni kuli ba Lesa nakucebo ica nkumbu shabo, ico icilinemskosa baakumwibakeni neku mupeleni ubupyani pakati pali mwebo bonse abo abalinekusweshiwa. ³³ Nshakumbilwepo silufele, golide, neli fyakufwala. ³⁴ Mwebo mwebene mulishi ico aya maboko alapyunga ifyakufwaya kwanji nefyakufwaya fya babo abali na nebo. ³⁵ Mufintu fyonse nali mupeleni icilangililo ica kofweleshako abanakile mukubomba, nefimungalanguluka amashiwi aba Shikulu Yesu, amashi ayo ye umwine alabile: Chiliceshuko ukucilapo ukupela ukucila ukupokelela.'' ³⁶ Panuma albila muli iyi inshila, alifukeme panshi nekutembla pamo nabobonse. ³⁷ Kwali ukulila ukukulu bali mukumbatile Paulo nekumufyompa. ³⁸ Balibombomene bambi pali bonse pakuti pafintu ifi alabile, ukwebati tabakabonapo icinso cakwe nakabili. Pano elibamushindikishe mukunina ubwato