¹ Chalishile mukubaati ili Apolosi ali mukolinto. Paulo alile ukupita kuntulo ya calo nekwisa ku musumba wa Efisasi, nekusanga umusambi umbi kulya. ² Paulo kalabila kuli bo, ''Kanimwebo mwali pokele Umupashi Uuswetele ili mwasumine?'' Balilabile kuli ye, ''Iy, tatwa umfwilepo kabili ifay mupashi Uuswetele.'' ³ Paulo kasuka, ''Nimundo lomba mwebo mwabatishiwile?'' Kalabila, ''Nimulubatisho lwakwa Yoane.'' ⁴ Pano Paulo kaasuka, ''Yoane alebatisha ulubatisho ulwakulapila. Kaeba abantu ati balingile ukusumina muli umo uyo uukesapanuma yakwe, ico icili nimuli Yesu.'' ⁵ Ili abantu baumfwile ifi, balibatishiwile mwishina lya Mfumu Yesu. ⁶ Pano iliPaulo atintilepo amaboko pali bo, Umupashi Uuswetele walishile pali bo kabili kabalabila mumilaka imbi kabili nekusesema. ⁷ Mubwingi bwabo bonse bali apepi ikumi limo nababili abalalume. ⁸ Paulo alile mwisunangoge nekulabila ukwamushikamana pamyenshi itatu, ukupikisha nekubatekenesha pamulandu wa bufumu bwa ba Lesa. ⁹ Paulo ili aba Yuda bambi bakoseshe nekubula icumfwilo, balitatikile ukulabila ifibipile munshila yafyonse kuntangile ya cibumba. Sombi Paulo ali bashile nekupinta abasambi kaya nabo, ukwambawila pamo nabo inshiku shonse mu ng'anda ya kusambila nshanya iya kwa Taitanyasi. ¹⁰ Ici calitwalilile ukwamyaka ibili, ukweba ati bonse abaliikele mu Esha bomfwe ishiwi lyaba Shikulu, bonse aba Yuda naba Giliki. ¹¹ Ba Lesa balecita ifi mpelampela ifikulu ukupitila mumaboko akwe Paulo, ¹² icakweba ati netutambala netwakufwala uto utwamukumine twalitwitwe kuba iwele nemalwele alefumamo nemipashi iibipile yalefumamo muli bo. ¹³ Sombi kwali aba Yuda abatabaleikalako abaleenda ukamuncende mulya. Balitilepe shina lyaba Shikulu Yesu pakuti ba kwate amakosa aapamipashi afibanda kani balabila, ''Ukupitila muli Yesu uyo Paulo alebilisha, nakweba ukufumamo. ¹⁴ Chipupila umukulu uwaba Yuda, uweshina lya Siva, aline bana basanu nababili abalalume abacitefi. ¹⁵ Umupashi uubipile walibasukile, ''Yesu ndimwishi, na Paulo ndimwishi; pano webo niwe bani?'' ¹⁶ Umupshi uubipile uwali mumuntu kautenkana pali babo abakwenda uka nekubakomeka nekubapuma. Pano kababutuka ukufuma muli iyo ng'anda nduno nduno kabili nekuba cenaula. ¹⁷ Ici calishibikilwe kuli bonse, pamo aba Yuda neba Giliki, abo abaikele mu Efisa. Balibele ne mwenso ukwakuti, neshina lya ba Shikulu Yesu lyali cindikilwe. ¹⁸ Kabili, abengi abasumini balishile nekusasa nekulabila fyonse ifibipile ifi balecita. ¹⁹ Nabengi abo abakubuka baliletele amabuku abo pamo neku oca mumenso abonse. Ilibapendele amaboni amabuku ayo, wali amakana asanu aalupeswatwa silufele. ²⁰ Panwefyo ishiwi lyaba Shikulu kali palangana konse mushila iya makosa. ²¹ Pano pnuma Paulo apwishishe umulimo wakwe mu Efeso, kalanguluka mumupashi ukupita mu Mesidanya na Achaya ukuya ku Yelusalemu, kalabila ''Panuma naikala kulya, ndingile kabili ukuya mukubona ku Roma.'' ²² Paulo katuma babili abo ababomfi bakwe ukuyaku Mecidoniya, Timoti na Elastasi. Sombi ye umwine kaikala mu Esha pakapindi akanini. ²³ Pakapindi akokenka takwalipo icakufulunganya mu Efeso pamulandu wa nshila. ²⁴ Umbi umufushi uwainikilwe Dimetryasi, uwalepanga ifilubi fya silufeli uwaku Atemis, aliletele ubukwebo webo kuba fya kubasa. ²⁵ Pano alibungenye pamo abapyungishi aba iyo ncito nekulabila, ''Mwebantu, mulishi ati muli yiyi ncito tulapanga indalama ishingi. ²⁶ Muli bwene nekumfwa ati, temu Efeso mwenka, sombi mupepi ukucisha monse mu Esha, ici Paulo alipatikishe nekubafumyako abantu abengi. Alelabila ati tulesa utupangwa neminwe tatulipo nitu Lesa. ²⁷ Tefifyo lukoso fingalenga ubusanso ukweba ati ubukwebo bwesu bungesakusulwa, sombi nefyetempuli lya ka lesa akanakashi akakulu Atemis akalengwa ukuba uwalukoso, nebukulu bwakwe bukaletwa panshi, uyo uu onse Esha ne calo citembela.'' ²⁸ Ili baumfwile ifi, baliswilemo nebukali nekulila ukubilikisha, ukulabila, ''Umukulu Atemisi uwaba Efeso.'' ²⁹ Umusumba onse waliswilemo nekufulungana, nebantu kababutukila kwilangulushi limo mung'anda bali. Balikete ifibusa fya kwa Paulo ifi aleenda nafyo, Gayasi na Alistakasi, abo abafumine ku Mecidoniya. ³⁰ Paulo alefwaya ukwingilo mukati kebumba lya bantu, sombi abasambi balimukenye. ³¹ Nabambi abakulu bamucalo ca Esha abo abali fibusa fyakwe bali mutumine icebo ica kumupapata ukumukanya ukwingila muli cico ciyanda. ³² Bambi abantu balukusabaila ukulabila abefi, nabambi fimbi, pakuti icibumba cali fulungene, bambi pali babo tabaishibilepo nindo baishile pamo. ³³ chimbi ici bumba kaceba Alekisanda, uyo aba Yuda baletangishako . Pano ukufwaya ukupela ukucingilila ku cibumba. ³⁴ Pano ili baishile mukwishiba ati ali mu Yuda, bonse balibilikishe pampindi apepi insa shibili mwishiwi limo, ukulabila, ''Umukulu Atemisi uwaba Efeso.'' ³⁵ Ili umulembeshi wamushi aikalikile celele icibumba, kalabila, ''Mwebo mwebantu ba mu Efeso, niwisa muntu uutaeshipo ati umusumba waba Efeso ulamishi we tempuli lya kwa Atemisi umukulu kabili icipasho icaponene panshi ukufuma kwiulu? ³⁶ Pano mukubona ati ifi fintu tafikanishiwilepo, mwalilingile ukukumana nekubula ukucita neli cimo mulibilo. ³⁷ Pano mwaleta aba bantu kwisolololo abatabalipo niba shilumfundi betempulo neli abamicobwe kuli kalesa kesu akanakashi. ³⁸ Panwefyo, kani Demetryasi neba fushi abo abali nabo bali necakubapelelapo umulandu kuli umbi umuntu, amasolololo alisukile kabili nebakupingula epo bali. Balekeni bapele nshanye imilandu. ³⁹ Sombi kani mulefwaya cimbi pamulandu wafintu fimbi, fikalungamikwa mukubungana kwa nshiku shonse. ⁴⁰ Sombi muchine tuli mu busanso ubwa kwebaulwa pa mulandu wakulwishanya ukwabushiku bwa lelo. Tapapo icacitikapalicici icakubula ukumfwana, kabili tukabula ukucilondolola. ⁴¹ Ili alabile ifi, kapalangnya nekubungana.