¹ Panuma ya fifi fintu Paulo kasha Atenis nekuya ku Kolinto. ² Kulya ka kumanya umu Yuwishi we shina lya Aquila, untu alakwikala mucitungu Pontus, uwo wlu kufuma ku ncende ya Italy ne mukashi Pulisila, pano Claudi ka isosa aiti aba Yuwishi balu kubwekelemo ku Roma. Paulo kaya kulibo, ³ pano alu kubomba ku makwebo kumo, alu kwikala nabo neku bomba nabo, ico bali bakubombela pamo mu makwebo. ⁴ Paulo ka pyunga nabo mu sinagonge pa sabata lyonse ukulu kwesha ukusembeleka aba Yuwishi neba Giliki. ⁵ Penka apo ili Sailasi ne Timoti ebesa ukutula ku Makedonia, Paulo kaipela umwine ku ebo, ku kupela bunte ku ba Yuwishi ukuti Yesu ali ni Kilisitu. ⁶ Sombki ili aba Yuwishi ba mwimine neku mu tukana, Paulo ka kunta ica koti cakwe kuli neku labila ati, "Lekeni umlopa wenu ungaba pa mitwi yenu; Nebo ndiwakayele. Pano ndukuya ku bena Fyalo. ⁷ Palya kabasha nekuya ku ngánda yakwa Titasi Jastasi, umwanalume walu kupepa Lesa. Ingánda yakwe kaili mu mulyango we sinangoge. ⁸ Clisipasi, intungulushi ya mu sinangoge, yalicetekele muli ba Shikulu, pamo nebo bonse aba ng'anda yakwe; and ne bengi ebena Kolinto abaumfwile bali co balicekele neku batishiwa. ⁹ Lesa kalabila kuli Paulo ubushiku mu cimonwa, ¹⁰ "Wilu kutima, sombi labila wibapo shilili. Pano ndina we, eli takupo nagula umo ulu kucena, pano ndi na bantu abengi mu citungu. ¹¹ Paulo ka ikala kulya umwaka umo ne myenshi mutanda ukusambisha icebo palibo. ¹² Sombi ili Galio abele cilolo wamu sumba wa Achaia, aba yuwishi kabemina Paulo ne kutontokanya kumo neku muleta kucipuna cabungushi, ¹³ balilabila, "Uy muntu alisembelekele abantu ukupepa Lesa munshila imbi ne funde." ¹⁴ Ili Paulo alukufwaya ukulabila, Galio kalabila ku ba Yuwishi, "Mwe ba Yuwishi, nga kuti cili bwafya bwa cibi nengula umulandu, cili lingila ukubomba namwe. ¹⁵ Sombi nga kuti mepusho pa mashiwi ne mashina ne mafunde enu, lobololeni mwenka mwebene. Shilukufwayapo ukuba kampingula wafi fintu. ¹⁶ Galio kabona ukuti bafuma ku cipuna cibupingushi,. ¹⁷ Pano kaba tamfyaSosithenisi, intungulushi yamu sinangoge, neku mupuma pa menso yacipuna cabupingushi. Sombi Galio talukusakamana ifi bacitile. ¹⁸ Paulo, panuma yakwikala inshiku ishifulile, kasha abanankashi nukuya ku Silya ne Pulisila ne Aquila. ¹⁹ Pantu talukufumako kasha icikomanino ca mumana, Cenchrea, ali putwile nefya mishishi pano nemashiwi apangena. Ili baishile ku Efeso, paulo kasha Pulisila na Aquila kulya, sombi umwine kaya kwi Sinagongue ne kushimika naba Yuwishi. ²⁰ lli baimpwishe Paulo ukuti engekala pa mpindi ikulu, ka kana. ²¹ Sombi ka tatika ulwendo pali bo, nekulabila, "Ndukubwela nekabili ngabati ukufwaya kwaba Lesa. Ili ka tatika ulwendo lwapa menshi ukutula ku Efeso. ²² Ili Paulo afikile ku Caeselia, kaya pe ulu nekuposha abe kelesha lya Yelusalemu ukufika neku Antioch. ²³ Panuma yakwikala nabo pa mpindi inono, Paulo kafumapo ne kuya ku ncenda ya Galatiya and Filigiya ne kukosha abasambishi bonse. ²⁴ Penka palya umu Yuwishi weshina lya Apollosi, umu Alexanda muku fyalwa, kaisa ku Efeso. Uli muntu uwishibila muku ukusosa eli umupwilike ku filembelwe mu cipingo. ²⁵ Apollosi ka tungululwa mu fipope ifya ku sambisha kwaba Shikulu. Uli utalele mu mupashi, ka labila ne kufunda ukupwilike ukwapali Yesu, sombi kaishibafye ulu batisho lwakwa Yoane. ²⁶ Apollosi katatika uku labila nemaka mwi sinangoge. Sombi ili Pulisila ne Aquila bamumfwile, kaba musenda panse neku mulondolwela kuliye Lesa ubune. ²⁷ Ili balu kufwaya ukupita ku Achaia, aba bwana nkanshi kabamukoselesha nekulamba kuba sambishi ku Achaia uku mupokelela. Ili afikile, Ka afwa aba cetekele ku kuseneminwa. ²⁸ Apollosi nemaka kabacimfya aba Yuwishi ukupitila mumalembo yacipingo uku balanga ukuti Yesu ne Kilisitu.