¹ Panuma ili ba pitile pa misumba ibili ya Amfipolisi neya Apolnya balificile naku ku musumba wa Tesalonika, ukwali ne sinagoge lyaba Yuda. ² Paulo nekwishibila kwakwe alile kuli bo pama sabata yatatu neku tatika uku pikishanya nabo ifya mu malembo. ³ Ili ataticile ukwisula mu malembo alitaticile uku bulishisha pafya kucula kwakwa Yesu ne kwima ku bafwile. Kalabila ati, "Uyu yesu nduku shimika kuli mwebo ee Yesu." ⁴ Bambi aba yuda abasumine bali ibumbile kuli Paulo na Sailasi, ne bumba ilikulu ilya ba Ela, na banyinefwe abacindeme. ⁵ Sombi aba yuda, balibele ne cikani, ne kupintapo abongwa ku cisankane, neku longanika ibumba ilikulu, neku busha icongo icikulu mu musumba. Uku pumaula inanda yakwa Yosoni, balu kufwaya kubula Paulo na Sailasi neku baleta pesonde ku bantu. ⁶ Sombi tababa sanjilepo bali bulile Yosoni nebakwabesu neku natwala ku bakulu ba musumba neku labila, "Aba bantu balyalwile icalo cesu baisa nakukuno. ⁷ Aba bantu abo Yasoni apokelele baishile ne funde ilyakunya kaisa, ukweba ati tepo ni mfumu eko ili imfumu-Yesu." ⁸ Ibumba lya bantu ne mpemba sha mu musumba ili baumfwile fyafyefyo. ⁹ Sombi ili ba umfwile icishinka kuli Yasoni neba byakwe bali balekeloko neku beba ati balu kuya. ¹⁰ Penka ubushiku abakwabo ba tuminePaulo na Sailasi ku Beleya. Ili ba ficile kulya, balile mwi sinagoge lyaba Yuda. ¹¹ Abo bantu bali ne mucinshi ukucila aba ku Teselonika, pakuti bali pokelele icebo ne mitima yalisucile ili balu kupelulula amalembo inshiku ne nshiku ukwesha ati kani ifi fintu fya cine. ¹² Na benji bali sumine, ne banakashi aba Ela aba cindeme ne balalume abenji. ¹³ Sombi aba yuda ba ku Teselonika ba umfwile ukweba ati Paulo alu kusambisha icebo caba Lesa ku Baleya, balile kwenka uko mu kubusha impasase pe bumba. ¹⁴ Penkapo abanakashi mukwangufyanya bali tumine Paulo ku cishiba, sombi Sailasi na Timoti balishele kulya. ¹⁵ Abo aba mulanjilile bali mufishishre naku musumba wa Atenayi. Ili ba mushile Paulo kulya, bali pokelele insebo ukufuma kuliye isha kuya muku labila kuli Sailasi na Timoti ukwebati baye bwangu kuliye. ¹⁶ Paulo ulu aluku pembela mu Atena umupashi wakwe wali kalipile pakubona ifibumbwa bumbwa filiswile fulu mu musumba. ¹⁷ Penkapo ali langulucile neku pikishyanya ne ba yuda muma sinagoge na bambi abalu kusangwamo muku tembela ba Lesa, ne banntu abatekenye abalu kusangwa mu mansa shakulilamo inshiku shonse. ¹⁸ Sombi aba ku Epikuleyo naba ku Sitoliki abatemenwe akalango bali kumene nakwe. Bambi nabo bakalbila ati, "Ngoyu naye akulabila ndo?" Bambi bakalabila ati, "Aluku boneka koti ni ulya alu kushimika Yesu ne kubuuka ku bafwile. ¹⁹ Nabo bali mwikete neku mutwala kuli Alopegasi, ukulabila ati, "tubuleko ubusambishi walu kulabila?" ²⁰ Pakuti waleta ifintu ifya bukumo ku matwi yesu. Tulu kufwaya ukwishiba ifi fintu ubupilibulo bwafiko." ²¹ (Abena Atene ne balebeshi abalukwikala kulya baliposele mpindi yabo ukwikala shilishili sombi neli kualbila nangu ukumfwako ku fintu ifyabukumo.) ²² Paulo alimakene pakati kaba Alopagasi neku labila, "Mwebalalume, nabona ukweba ati mulatmbela munshila ishngi. Pakuti ili nalu ²³ kupitana ne kubona ifyo fintu mutembela kansangana ne cilebulo icilebelwepo amashiwi ati, "Lesa uteshibikilwepo." Pakuti mula tembela muli bumbulwa mano, ifi nalabila kuli mwe. ²⁴ Ba Lesa ni babo abalengele icalo conse ne fintu fyonse ifilimo, niba Shikulu ba mwiulu ne panshi, tabekalamo muma tempuli aya kulengwa ne maboko. ²⁵ Neli tabalabilwa ku minwe ya bantu, koti nibabo abalu kufwaya ifintu, pakuti bo abene bala fipela fyonse umweo neku pema ne fintu fyonse. ²⁶ Niku muntu umo balengele imishobo ya bantu, ukwebati balu kwikala pano pesonde ponse ili bayanshicile impindi shabo ne mipaka yakwi kalilamo mu cende shabo, ²⁷ pakweba ati bafwaye fwaye ba Lesa neli uku sangana ishila yabo neku palamina kulibo. Pakuti tabalipo ukutali nafwebo fwense. ²⁸ Pakuti muli bo emo tulu kwikalila ne kwenda nekulu kuli ne bumi, koti nifi filya ifya labila aba tatwishi bwino ukweba ati, 'Nafwebo nifwe baka mufyalwa wabo.' ²⁹ "Pakuti lomba btwaishiba ati nifwebi baka mufyalwa baba Lesa, tacalelwepo uku lukulanguluka fwebo ukweba ati bu Lesa buli koti ni golige, neli siliva, neli libwe ilipanjila ne mano neku cenjela kwa bantu. ³⁰ Pakuti ba Lesa bali loleshe ku mpindi ya kubula ukwishiba, sombi balyebele abantu bonse uku fitulucilwa. ³¹ Pakuti ba Lesa bali sontele ubushiku paka pingula isonde lyonse kuli uyo umulungami uusontelwe. Ba Lesa bali shinikishe uyo muntu kuli bonse paku mwimya ku ba fwile.". ³² Ili abalalume baku Atena ba umfwile ifyaku bushiwa ku ba fwile, abmbi kaba lenguluba Paulo; sombi bambi kaba labila ati, "Tukabwela mukumfwikisha pali li shiwi." ³³ Pa mpindi ilya, Paulo ali bashile. ³⁴ Sombi abalalume bambi bali mukonkele neku sumina ukubikapo likoso na Diniyasi umwina Aleopagete, umwanakashi uweshina Damalisi, nabo ali nabo.