¹ Paulo kalolekesha pe bungano lya nkalamba ne kulabila, mwebakwabesu nalukwikala pamenso ya balesa nemibele iweme ukufika na mukosuba akalelo.'' ² Umusambishi umukulu Ananiya alyebele abapalamina pali ye ukumupama pa kanwa. ³ Penkapo Paulo kalabila kuli ye, ''Balesa baka kupama na webo wecibumbula iciswetele. Ulikalile mukubulishisha nebo koti lifunde, nekubula abakupuma koti lifunde?'' ⁴ abo baimibila ati, ''Nshishibilepo, mweba kwasu ukwebati musambishi umukuli. Pakuti cilisobelwe, kale ukwebati tekwesha ukulabila ifibipile ku mukulu ulukutanjilila abantu benu.'' ⁵ Paulo kalabila ati, ''Nshishibilepo, mwebakwasu ukwebati musambishi umukulu. Pakuti cilisobelwe, kale ukwebati tekwesha ukulabila ifibipile ku mukulu ulukutanjilila abantu benu.'' ⁸ Paulo bwene ukwebati ulubali ulwebungano lwali lwa ba Saduke lumbi nalo lwali lwa ba Faliseyo, kabilikisha mwibungano, ''Mwebakwasu, nebo ndikwete isubilo ulyakubuuka kubafwile ecindukupingwilwa.'' ⁶ Ili alabile efi, palimine impasase pakati kaba Faliseyo nabasaduke ne bungano kalyabanika. ⁷ Pakuti aba saduke balabila ukwebati takupo ukubushiwa, neli ni nkalamba, neli umupashi, sombi abafaliseyo bo fyonse balifisumine. ⁹ Palimine cimfulunganya icikulu, nababo abale mbeshi babafalisayo balimakene, nekulabila, ati ''Tatubwenepo icilubene pamuntuy uyu. Ngakoni mupashi neli nkalamba shalabila kuli ye?'' ¹⁰ Penkapo kwalibucile ukupikishanya ukukulu, umukulu wabalinshi alitikinine ukwebati Paulo bangamusabala tunituni kuli bo, nekumusenda kumakosa ukumufumya pakati ne bungano ne ku mubwelesha mukati. ¹¹ Pakati kabushiku shikulu alimakene pali ye nekusosa, ''Sangalala pakumbela bumboni mu Yelusalemu, efi uukasangalala kumbela bumboni mu Roma .'' ¹² Ili bwacele, aba Yuda balipikene icipikwa ne kubika umulapo, nekwebati tatuklyapo ne ukunwa mpaka tukepaye Paulo. ¹³ Aba bantu bali amakumi yane abapikene icipikwa. ¹⁴ Balile kubakulu babasambishi ne basambishi nekulabila, ''Fwebo twabika umulopa uukulu tatu kalyapo iciconse mpaka tukepaye Paulo. ¹⁵ Nipapo, twalabila ukweba ibungano ukulabila kumukulu wa balinshi ukumuleta kuli mwebo koti mulukufwaya ukumulubwisha munshila iweme makosa, kuli fwebo, takalubeleme impindi akafikilapo ninshi fwebo twamwipaya kale.'' ¹⁶ Sombi umwana wakashi yakwa Paulo'aliumfwile ifyakubelama kwabo, alingile mwilinga mukubula Paulo. ¹⁷ Paulo alitilepo umo mulinshi nekumwebati, ''pinta umulumbwana umutwale kumulinshi, mukulu pakuti alikwete ifyalabila kuli ye.'' ¹⁸ ili umulinshi apintile umulumbwana nekumuntala kumulinshi umukulu nekulabila ati, ''Paulo umufungwa anjita ukuya kuli ye, nekulabila kuli nebo ukuleta umulumbwana kuli we. Alikwate ifyakulabila kuli webo." ¹⁹ Umulinshi mukulu alikete umulubwana pa kuboko nekuya nakwe mubunfisolo ya muputule nekumwipusha ye, ''Findo ulukufwaya ukulabila kuli nebo?'' ²⁰ Umulumbwana katacika ukulabila, ''Aba Yuda basuminanshinya ukwebati bebewebo ukutwala Paulo mailo ku bungano lyabo, pakwebati bakamulubwishe bwino pamulandu wakwe. ²¹ Sombi tekwesha ukubapela, pakuti kuli bumba lya balalume amakumi yane abalukulolela Paulo. Bali pikene icipikwa nekubika umulapo uwakuleka ukuya neli ukunwa mpaka bakamwipaye. Naino mpindi balibeleme ukulolela webo ukuti usuminishe.'' ²² Mpenkapo umulinshi umukulu alilekeleko ku mulumbwana ukuti aye, nekumusopesh ukwebati talingile ukwebako neli umo pafya alabile kumukulu wa balishi.'' ²³ Penkapo calitile abalinshi babili nekubeba, ''Pekanyenifita imyanda ibili filibambe ukuya ku Kaisalia ne makumi yasanu na yabili bakafwalo, nemyanda ibili yabamafumo pampindi ya batatu ya bushiku.'' ²⁴ Alifyebele ukuleta nama iyakunenapo Paulo ne kumwensha umutende ukumufisha kuli Felikishiimpemba. ²⁵ Kalemba kalata muli uyu musango: ²⁶ ''Kalaudiyasi Lusiya kumpemba Felikishi iyo iweme makosa imitende. ²⁷ Uyo muntu bali mwikete aba Yuda balukufwaya nekumwipaya eli naiminemo nefita nekumupokololako, pakuti nalyumfwile ukwebati mwina Roma. ²⁸ Nalukufwaya ukwishibwino ifibalukumupinjila nalimuselushishe kwibungano lyabo. ²⁹ Nalisanjile ukwebati balukushupana cabe pamibelesha ntumbi shabo, sombi tapalipo umulandu uungalenga imfwa neli ukwinjila mucifungo. ³⁰ Ili kwaishile nsebo kuli ishakwebati balukufwayo ukumwipaya naba mwebelela ukwisa muleta imilandu akwete kuli mwebo. Imitende.'' ³¹ Nafyo ifita fyali umfwile ifunde ne kupinta Paulo pampindi yabushiku nekumutwala ku Antipatisisi. ³² Bushiku bwakonkelepo ifita fyalilekele aliba pali bakafwalo ukuya naye fyo kafibwelelamo kwilinga. ³³ Ili bali pali bakafwalo bafikile ku Kaisalia balibulile kalata kupela kumpemba, penkapo na Paulo naye kabamupela kumpemba ³⁴ Ili mpemba yabelengele kalata yali pwishe calo uko Paulo afumine. Ili yaishibile ukwebati alifumine ku Kilikiya, ³⁵ yalilabile, ''Nkomfwa ili abakukwebela ba kesa kuno.'' Kayilabila kuli ye ukwebati alukusungilwa mwilabililo lyakwa Elodi.