¹ Bambi abalalume kaba tentemuka ukufuma ku Yudeya ukuya ku Antioke kaba sambilisha aba bwanankashi, ukweba ati, "Sombi kani mwasembululwa koti ni nkonka yakwa Mose, tekutipo mupuluke." ² Ici caletele uku tallikana ukubipile kuli Paulo na Banaba pakati kabo. Eci Paulo na Banaba ukubikapo na bambi abali mwibumba lyabo, bali sontelwe uku tuntuka ukuya ku Yelusalemu naku kukumanya aba tumikishi ne bakulu ba filonganino pali ciici cipusho. ³ Pano bo, pakutumwa ne cilonganino, bali pitile monse mu Foenisha namu Samaliya ili ba shimika ukwaluluka kwa bene fyalo. Bali letele uku sangalala ukukulu kuba bwanankashi. ⁴ Ili baile ku Yelusalemu, pokelelwe ku cilonganino nakuba tumikishi naba kuli ba cilonganino, ne kushimika fyonse ifi Lesa abakitile. ⁵ Sombi bambi abalalume aba sumine, abali mwibumba lyaba Falise, kabemakana neku labila ati, "Cilyelelwe ukuba sembulula neku bakonkomesha ukulama ifunde lyakwa Mose." ⁶ Eli abatumikisha nabakulu ba filonganino balongene pamo uku languluka pali aya amashiwi. ⁷ Sombi pa bwingi bwaku talikana, Petulo kaimaka ne kulabila kuli ati, "Mwebakwasu, mulishi ukweba ati munshiku shakukale Lesa ansalile muli mwe, ukweba ati ukuptila mukanwa kandi abena fyalo bakomfwe amashiwi aaweme, ne kusumina. ⁸ Sombi Lesa, uwishi imitima apeela bumboni kuli bo pakubapa umupushi uswetele, koti paku lungamika imitima yabo mu cisumino. ⁹ Sombi tapatulwilepo palifwebo nabo, pakulungamika imitima yabo mu cisumino. ¹⁰ Mba pano nindo mulu kwesesha Lesa, ukubika ikoli pa mikoshi ya ba sambile ifi neli niba shifwe beli nifwebo tatwalipintilepo? ¹¹ Sombi tuli sumine ati tukapulukila mu nkumbu shaba Shikulu yesu, koti fintu baali." ¹² Pano ibumba lyonse kalili kelele ili balo kumfwa kuli Banaba na Paulo ukulabila ifishibilo ne fipapwa Lesa abombele mu bene fyalo ukupitila muli bo. ¹³ Ili balekele uku labila, Yakobo ka asuka, ati, "Mweba bwanankashi, kutikeni kuli ne. ¹⁴ Simoni ali labila ifi Lesa abaliile ukwendala abena fyalo mukweba ati abulilemo limo b abantu be shina lyakwe. ¹⁵ Amashiwi aba kusesema kasuminisha muli fiifi, koti nifyefyo ifi cilembelwe, ¹⁶ panuma pali fiifi nkabweluluka, nkemaka nakambi inanda yakwa Dafiti, iya bongolekele; nkemika ne bukulishi bwa iko na kambi, ¹⁷ ukweba ati bonse abo abashelepo ba fwailishe Shikulu, bonse nebene fyalo abecilwe mwishina lyanji. ¹⁸ Ifi ba Shikulu ba labila, uwacita ifi fintu ifyaishikilwe ukufumuma ku kale. Ifi efi ba Shikulu ba labila kuwashibikilwe imikitile yakwe ukufuma ku kale. ¹⁹ Epapo, nalanguluka ukweba ati twishupapo abo abena fyalo abalulukile kuli Lesa. ²⁰ Sombi tukaba lembela ukweba ati bataluke ku fikowelele fya tulubi, ne bulalelale, ne kukulya inama iifwile ububi, nakuli kalubula. ²¹ Sombi Mose naye alishimile mu misumba ukutampila kuu nkulo yakukale eci alashimikwa muma sunagoge onse ama sabata." ²² Ciboneke bune ku batumikishi neku bakulu ba filonganino, ukusala Yudasi uwali kwitwa Basaba, na Sailasi, aba abali abaku tangilila aba bwanankashi, neku batuma ku Antioke na Oaulo na Banaba. ²³ Kaba lemba ne minwe yabo, "Ukufuma ku batumikishi ne bakulu bafilonganino, ababkwanu, kubene fyalo ku Antioke, Sailia, naku Kilikia: Imitende! ²⁴ Pakuti tulyumfwile ati bambi bali fumine muli fwe, kabili bali mulufyenye ku fyebo fyabo ifi fulunganya imitima yenu, ²⁵ ciliweme kuli fwe, fweba kwete ilangulushi limo, ukusala abalalume neku batuma kuli mwe abakwasu Banaba na Paulo, ²⁶ abalalume abaibikile mukumfwa pa mulandu we shina lyakwa Shikulu Yesu Kilisitu. ²⁷ Epapo twatuma Yuda na Sila, abaka labila kuli mwe ifi fintu mwenka mu mashiwi aabo. ²⁸ Caliweme ku Mupashi Uswetele nakuli fwe, tekuti tumutwike ifileme sombi ifintu ifiweme. ²⁹ Ukwebati muli funeko ku fintu ifipailwe utulubi, kalubula, ne fipayana, neku fuma ku bulalelale. Kani mwailama kulifi, cikamuwamina. ukuwaminina." ³⁰ Pano, ili ba patukene, kaba tentemukila ku Antike, ili ba bungene ibumba pamo, eli ba fumishe inkalata. ³¹ Ili bai pendele, bali sekelele pakuti paku ³² konkomesha.Yuda na Sila, naba kasesema, kaba konkomesha aba bukwabo mu mashiwi ayengi ne kuba kosha. ³³ Ili ba posele impindi bali fumineko mu mutende kuba bwanankashi ku babo ababa tumine. ³⁴ Cali wamine Sila ukwikalilila kwenka kulya. ³⁵ Sombi Paulo na Banaba kabali ku antioke, ili basambilisha neku shimika (pamo na bambi abenji) amashiwi aba Shikulu. ³⁶ Ili papitile inshiku ishingi Paulo ka eba Banaba, "Katuya tubwelele pamo tukabone aba bwanankashi monse mu misumba umu twalabile amashiwi aba Shikulu tukabone ifi bali." ³⁷ Sombi Banaba ye kalu kufwaya ukweba ati bele pamo na Yowane uwalo kwitwa Mako. ³⁸ Sombi Paulo kabona ati taciwemepo ukupinta Mako, uwa bashile mu Pamfilya uuta twalililepo ukuya nabo mu milimo. ³⁹ Eli kwafilile kumitima yabo, eli ba patukene, na Banaba ka pinta Mako kabanina ubwato ukuya Kupio. ⁴⁰ Naye Paulo kasala Sila kabaya, eli bapeelwe kuba bwanankashini ku kupokelelwe ba Shikulu. ⁴¹ Eli aile ukupita Silya namu Kilikia, kaluku kosha ifilonganino.