¹ Califikile koti nimu Ikonya ili Paulo na Banabasi baingile mwi sinagoge iyaba yuda neku labila mu ndhila ya kuli ibumba ilikulu bonse pamo aba yuda naba Giliki bali sumine. ² Sombi aba yuda aba shakwetepo icumfwila bali lengele imitima ya bena fyalo uku kalipa kuba bwana nkanshi. ³ Eli ba ikele kwenka kulya ukwa mpindi iitali, uku labila mukushipa namu makosa yaba Shikulu, ili apeelebumboni mu fyebo fya kupokelelelwa kwakwe. Alikitile ifi muku langilila ifishibilo ne fipapwa ukukitwa mu maboko akwa Paulo na Banaba. ⁴ Sombi abantu ba mu musumba bali patukene; bambi bali patukile ku ba yuda, bambi ku nabo ku batumikishi. ⁵ Bonse lukoso abena fyalo naba yuda (bonse pamo neba ntungulushi shabo) bali pangile ukuba cuusha ne kuba lasaula amabwe, ⁶ sombi ili baishibile mfi, bali butukile ku misumba ya Laikonyani iya mu Laisitala naku Debe na muntingo ishishingulukileko, ⁷ uko uku ba twalililepo uku shimika amashiwi aaweme. ⁸ Pano pa Laisitala umbi umwalalume kaikele, usha kwetepo amakosa ku makosa akwe, uwalemene ukufuma mu mala muli banina , uushali kwendapo. ⁹ Uyu umwalalume ka umfwauku labila kwakwa Paulo. Pano Paulo katontomeka amenso akwepali ye no kubona kukweba ati alikwete icisumino ca kutenduluka. ¹⁰ Eli alabile kuli ye mwishiwi lya kubilikisha ati, "Imakana ku makosa oobe!" Umwalalume ka toloka ne kwamba ukwenda. ¹¹ Ili ibumba lya bantu babwene ifi Paulo akitile, bali mishe amashiwi abo neku labila muci Laikonya ati, "Ba Lesa bab koti bantu ne kwikila pali fwebo." ¹² Eli baitile Banaba "Seu," and na Paulo "Heme," pakuti ye ali uwaku labililako abantu. ¹³ Cikupila waku Seu, uo tempuli lyali kunse ya musumba, kaleeta ing'ombe ne ntambala sha maluba ku mulyango; ye na mabumba balu kufwaya ukupela amalambo. ¹⁴ Pano ili abatumikishi, Paulo na Banaba baumfwile ifi, bali lepawile imingila yabo ne kwangufyanya ukuya mwi buumba, ili balila ati, ¹⁵ "Mwebaume, nindo mulu kukitila ifi fintu? Fwense tuli bantu, nemyumfwile ipelene koti nimwebo. Tulu kumweba amashiwi aweme ukweba ati mifume fintu fyalukoso muye kuli Lesa uwamweo, uwa pangile imyulu, ne caalo, naba bemba, nakuli fyonse ifilimoomo. ¹⁶ Munkulo ishpilile, ali shiminishe ifyalo ukwende munshila shabo. ¹⁷ Nangabefi talekelepo lukoso umwine ukwakubule mboni, iyakwebati alikitile bwino noku peela imfula ukufuma kwiulu ne mpindi shaku lobola ifisepo, neku lipakisha ku filyo neku sangalala." ¹⁸ Nangu niku mashiwi aya, Paulo na Banaba balikenye ibuumba ukube paila ilambo. ¹⁹ Sombi bambi aba yuda abaku Antioke naku Ikonia kabeesa muku tunka amabuumba. Ukulasa Paulo neku mufumisha panse ya musumba, kaba languluka ati alifwile. ²⁰ Pano ili abasambile baimakene uku mushinnguluka kaimakana ne kwingila mu musumba. Ubushiku bwakonkapo, aliile ku Debe na Banaba. ²¹ Lomba ili ba shimikile icebo iciweme mu musumba ne kupanga abasambile abakuti ubwingi, eli ba bwelele ku Laisitila, naku ikonyamu, eli naku antioke. ²² Bali twalillilile ukukosha imitima yaba sambile nekuba koselesha ukutwalilila ukuba muci sumino, ukulabila ati, "Tuli nekwingila mufumu bwaba Lesa ukupula mukupenga ukukulu." ²³ Pano ili nasalile abakulu mu filonganino, bali tembele ne ku funga, babikile mu maboko aba Shikulu, uo ba suminemo. ²⁴ Lomba eli bapitile mu Pisidia ne kubwela ku pamfilya. ²⁵ Ili balabiile amashiwi mu Pega bali tentemukile ku Atalya. ²⁶ Ukufuma kulya bali peteme mu bwato uku ku Antioke, uku ba sekeleelwe mukupokelelwa kaba Lesa pa nkito ii ba pwishishe ukubomba. ²⁷ Pano ili bafikile ku antioki ne kubunganika aba aba muci longanino pamo, Kalabila ifintu ifyonse ifi ba Lesa baba kitile, nefi baishwile umulyango wa cisumino ku benafyalo. ²⁸ Balikele ukwa mpindi ikulu naba sambile.