¹ Pano mwi celesha mu antioki, mwali aba kesesema neba sambishi. Bali ni Banabasi, Simyoni (uwaleitwa Niga), Lishiyasi waku Sailini. Manaeni (uwalelwe pamo na Helodi impemba) na Saulo. ² Ili bacili bale lumbanya ba Shikulu neku fina, umupashi Uuswetele ka ulabila, "Mubulilepo Banabasi na Saulo, ukubomba umulimo uyo na betile." ³ Panuma bashila ukulifina, ukutembela, nekubika amaboko pali baba balalumem bali batumine. ⁴ Panuma Banabasi na Saulo, pakuba aba kutumwa ukuya ne Mupashi Uswetele, balile ku selusia; ukufuma uko balimine ne bwato nekuya Saipalasi. ⁵ Ili bali mu musumba wa Silamisi, bali shimikile icebo caba Lesa muma Sunagoge aaba yuda. Bali kabili na Yoane uwaku bafwako. ⁶ Ili ba pitile mu cishi conse ukuya ku Pafosi, bali sangile ingánda imbi umu Yuda kasesema uwa kutumpaika, uwe shina lya Ba Yesu. ⁷ Iyi ngánda yali ne mwikacisi Sejas Paulosi, uyo uwali umuntu uwamano. uy muntu alitile Banabasi ana Saulo, pakuti alefwailisha ukumfwa ishiwi lyaba Lesa. ⁸ Pano elimasi uwali ni "nganga" (efyo ishina lyakwe lyale alula) kab pikisha; alyeseshe ukufumya umwikalicishi ku lucetekelo. ⁹ Sombi Saulo uwutikwa kabili Paulo, uwasushiwemo ne mupashi Uuswetele, kamutontomeka makosa ¹⁰ neku labila, "Webo we mwana wa cibanda, waisulamo imishobo yonswe iya bufi nefya kubifya. Wbo uli mulwani wa mushobo onse uwa bulungami. Taukaleka ukupota inshila inshitandabele ishaba Shikulu, tetifyo? ¹¹ Pano bona ukuboko kwaba Shikulu kuli pali webo, kabili uli neku pofula. Tauka bonapo akasuba paka pindi." Yenkeyo mpindi pali ponene pali Elimasi kamfwa ne mfinshi; ali tatikile ukwenda ilya mpulumpunta ukuya ilyafwaya abantu abakumutungilila ne kuboko. ¹² Panuma umuekeshi ili abwene ifyacitike, ka cetekela, pakuti ali papile pa busambi ubwa pali ba Shikulu. ¹³ Pano Paulo ne fibusa fyakwe kanina ubwato nekufuma ku Pafosi nekwisa ku Pegamu Pamfilia. Sombi Yoane ali bashile neku bwelela ku yeslusalemu. ¹⁴ Paulo ne fibusa fyakwe balyendele ukufuma ku Pega nekwisa ku Antioko yaku Pasidia. Kulya balingila mwi sunangoge pa bushiku bwe sabata ne kwikala. ¹⁵ Panuma yaku pendakwe funde nefya ba kasesema, intangishi she sinangoge kashi batumina amashiwi, ukulabila, "Mwebakwabesu, kani muli ne cebo icili conse ica ku koselesha abantu kuno, labileni." ¹⁶ Pano Paulo kaimakana neku labila ne kuboko kwakwe; kalabila, "Mwebalalume aba mu Isilaeli, ili namwebo mwe mu cindika ba Lesa, umfweni. ¹⁷ Ba Lesa aba aba bantu aba Isilaeli bali salile ba wishifwe neku bapanga abantu ukuba abengi ili baikele mu mpanga ya Ijipiti, kabili nekuboko ukusuntwile ali batangilile ukuba fumyamo. ¹⁸ Pamyaka ukulingana ne makumi ane alyandele nabo mu mpanta. ¹⁹ Panuma aonaula imishobo isanu na ibili mu mpnga ya Kenani, alipele abantu besu impanga yabo ukweba ati bekalemo. ²⁰ Ifi fyinse ifyacitikilwe fyacitikilwe ukucila pa myaka imyanda nema kumi asnu panuma ya fintu fyonse fi. Ba Lesa bali bapele aba pingushi mpaka Samwelo kasesema. ²¹ Eli abantu balombele ukuba ne mfumu, naba Lesa ku bapela Saulo umwana wakwa Kishi, uwalaluma ukufuma ku mutundu wakwa Benjamini, ukuba imfumu pamyaka amakumi ane. ²² Panuma ba Lesa ba mufumyapo pa bufumu, balimishe Dafiti ukuba imfumu yabo. Cali pali Dafiti apo ba Lesa baishibishe, uku labila, 'Nasanga Dafiti umwana wakwa Jese ukuba umwalalume wapa mutima wanji, uucita fyonse fintu nafwaya ukweba ati acite. ²³ Ukufuma kuli baka mufyalwa ba uyu muntu ba Lesa baleta ku Isilaeli umupulushi, Yesu. koyi fintu alaile ukucita. ²⁴ Ili Yesu tangesa, Yoane alishimikile ulu batisho ulwa kulapila kuli bonse abantu aba Isilaeli. ²⁵ Ili Yoane aleshilisha umulimo wakwe, ka labila, ninani mule languluka ati nine nani? nebo nshilipo eo. Sombi umfweni, umo akesa panuma yanji, inkwabilo shakwe ishaku maksa nshelelwepo ukukakula," ²⁶ Mwebakwasu, abo bona bamumundandwe wakwa Abulahamu, nababo pali mwebo aba cindika ba Lesa, cili kulifwe ukweba ati icebo pa mulandu waku puluka kuli tuminwe. ²⁷ Kuli bo abekala mu Yelusalemu naba kateka babo taba mwishibilepo, kabili balifikilishe mashiwi kasesema ayo ayapendwa cila sabata aya kumwebaula. ²⁸ Nangaba tabasangile umulandu uwa kumwipailapo, balitile Pilato ukumwipaya. ²⁹ Ili bashilishishe ifintu fyonse ifyo ifyalembelwe pali ye, bali muselwishe ukufumufya pa citi neku mulalika mucilende. ³⁰ Sombi ba Lesa bali mubusishe ukufuma ku bamfwa. ³¹ Ali bwenekele ukwa nshiku ishingi kuli babo abo aishile nabp ukufuma ku Galili ukuya ku Yelusalemu. Aba bantu pano niba kamboni bakwe ku bantu. ³² Pano tulemubuleni icebo iciweme, ubulayo ubo ubwaishile kuli ba wishifwe ³³ afikilishe kuli fwebo, abana babo, pakubusha Yesu. Koti fintu cilembelwe mu Mamalumbo yacibili: 'Webo uli mwana wanji, lelo naisa mukuba nine Wiso.' ³⁴ Pakweba ati ali mubusishe ukufuma kumfwa ukuti umubili wakwe tekuti ubolepo nakabili, ba Lesa ba labila muliyi nshila: 'Ndi neku kupela amashuko aaswetele aacine ayalailwe kuli Dafiti.' ³⁵ Uyu emulandu alabilila nakabili muli Masamo naumbi, 'Taukasuminisha umuswetele obe ukumona ukubola.' ³⁶ Pano ili Dafiti apyungile ubufwayo bwaba Lesa mu citentekwa cakwe, aliponenene mutulo; ali lele naba wishi ne mubili wakwe kkaukwata ubwishila bwa kubola. ³⁷ Sombi uyo uu Lesa abushishe takwetepo ubwishibila bwa kubola. ³⁸ Pano ifyo ngacishibikwe kuli mwebo, mweba kwasu, ati ukupitila muli uyu muntu cashimikilwa kuli mwebo, ukufitulukila kwa fibipile. ³⁹ Ukupitila muli ye onse uwa cetekela alungamikwe ukufuma ku fintu fyonse ifi ifunde lyakwa Mose tekuti li mulungamike. ⁴⁰ Panofye mucenjele ukweba ati acintu ico ba kasesema balabilepo tacicitikilwe kuli mwebo. ⁴¹ 'Boneni, mwe bakutangala, kabili mube aba kupapisha kabili mukese konaulw. Pano ndeleta kuli mwebo umulimo munshiku shenu, umulimo uyu mwebo tamukacetelapo, nangu umbi aubilisha kuli mwebo. ⁴² Ili Paulo na Banabasi baile, abantu bali balombele ukweba ati bengalabila aya mashiwi antu amo nakabili mwi sabata ili kakonkapo. ⁴³ Ili uku bungana kwa mu Sunangoge kwa ishile, abenji aba mu ba yuda incenshi ishishibe bali konkele Paulo na Banabasi, aba abalabile kuli bo neku bakoselesha ukutwalilila munkumbu sha ba Lesa. ⁴⁴ Pe sabata ilya konkelepo, apepi umusumba onse kaba bungana pamo ukumfwa icebo caba Shikulu. ⁴⁵ Ili aba yuda ba mwene ama bumba, bali swilemo ne kaso neku labila uku fulunganya ifintu ifya labilwe na Paulo neku mutukana. ⁴⁶ Sombi Paulo na Banabasi kabalabila neku pama neku labila ati, "Chalilingila ati icebo caba Lesa cingatanga uku labila kuli mwebo. ukubons mwebo mwa cisukula ukufuma kuli mwe mwebene nekuli langulukila mwebene aba tabelelwe umweo wa muyayaya, boneni, tuli nekwalukila kubena fyalo. ⁴⁷ Apo penka epo ba Lesa batwebele, uku labila, 'Namusaleni' koti ninyali yabena fyalo, ukweba ati mwingaleta ukupuluka ku fiputulwa fya calo ifipeleleko." ⁴⁸ Pano abena fyalo pakumfwa ifi, bali temenwe neku lumbanya icebo caba Shikulu. Koti nifyefyo abenji aba salilwe ku mweo wa muyayaya bali cetekele. ⁴⁹ Icebo caba Shikulu calipalangeni ukufuma kulya mumitala yonse. ⁵⁰ Sombiaba yuda basangilwe incenshi shaba nakashi aba cimaka icikulu neba lalalume aba kutangila aba mu musumba. Bali bushishe ifya kuba Pensha ebena Paulo na Banabasi neku batanfyamo mumitala. ⁵¹ Sombi Paulo na Banabasi kababa kuntila ulu kungu ukufuma ku makasa abo. Pano eli baile ku musumba wa Ikonyamu. ⁵² Neba basambile bali swilemo ukusangalala kabili nekuba ne Mupashi uu Swetele.