¹ Pano pa mpindi iyo Helodi imfumu alikete bambi aba leya kwi kelesha ukweba ati aba penshe. ² Ali peye Yokobo umukwabo Yoane ne mpoko. ³ Panuma abona ati calisangalasha aba yuda ali twalilile mukwikata Petilo naye.Iyo yali ni mpindi ya nshinku sha shinkwa waku bula oposhi. ⁴ Panuma yaku mwikata ali mubikile mwikati, neku mupela kuli fine ifita fyaku mulonda, alefwaya ukumuleta ku bantu panuma ya Muciluko. ⁵ Pano Petilo ali laminwe mwikati, sombi ama tembelo ali konkenyepo kuli ba Lesa uku mutembelela neba mucilonganino. ⁶ Pakati kabushiku ili Helodi tangesa muku pinta muku musokolwesha. Petilo ali lele pa fita fibili, uukakilwe nemi nyololo, ili aba lemulonda abali ku bantanshi ya abo abale londa ikati. ⁷ Boneni, inkalamba yaba Shikulu bwangu yali bonekele kuli ye, ne nyale yalikile mu cipinda ce kati. Ne kumupampansha Petilo pakabeya neku mubusha neku labila. "Buka endesha," Kabili ne mi nyololo kaipona ukufuma ku maboko. ⁸ Ne nkalamba ka ilabila kuli ye, "Buka fwala bikako ne njato shobe." Petilo ka cita ifyo. Inkalamba ka ilabila kuli ye, Bikako nefya kufwala fya peulu kabili unkonke. ⁹ Pano Petilo ka konka inkalamba nekuya mufuma. Taishibile at ifya cita inkalamba fya cine. Ali langulikile ati lebona icimonwa. ¹⁰ Panuma ba pita pali malonda wa kutanga newa cibili, balishile ku mulyango wa cela uyo uwalolele ku musumba, cali besukile icibi icie cenka. Bali fumine nekuya mu musebo, ne nkalamba yali mushile yenkeyo mpindi. ¹¹ Ili Petilo ku mano, ka labila, pano bukumo naishiba ati ba Shikulu bali batuma inkalamba neku mupulusha ukufuma mu maboko akwe Helodi, neku fuma ku fintu ifi aba yuda bale cetekela. ¹² Ili alangulikile ifi, alile ku Ngánda yakwa Maliya nyina wakwa Yoane kabili uwa leitiwa Mako, uko abantu abengi balongene kabili bale tembela. ¹³ Ili akonkonseshe pa mulyango we linga, umu bomfi umukashana we shina lya Roda kaisa mu kwasuka. ¹⁴ Ili aishibile ishiwi lyakwa Petilo, mu nsangalala kafilwa ukwisula icibi; mucifulo cafifya, kaisa ilya butuka mu cipinda; neku beshibisha ati Petilo ali makene pa mulyango. ¹⁵ Pano ka labila kuli ye, "Webo wafunta." sombi ka twalilila ati ifyo efyo. Kaba labila, "Ni nkalamba yakwe." ¹⁶ Pentilo ka konkanyapo uku konkonsha. Kabiili ili ba iswile icibi, bali mu bwene kabili bali papile. ¹⁷ Petilo kabeba ne kuboko uku kutumana, kabili kabeba ifi ba Shikulu ba mufumya mwikati. Kalabila, "Mutwale ifintu ifi kuli Yakobo neba kwabo." Kabili kafuma nekuya ku cifulo cimbi. ¹⁸ Pano ili bwaishile mukuca, takwalipo aka mfulungaya akanini pakati kabo shilika pa mulandu wafya citilwe kuli Petilo. ¹⁹ Panuma Helodi amu fwailisha kabili neli kumusanga, ali bepwishe abaku londa kabili kapepe ifunde ilya kube paya. Eli aile ku Kaesalia nekwikala kulya. ²⁰ Pano Helodi alifutilwe abantu bakuTaya na Sidoni. Balile kuliy e neku pangana kumo, pano paku patikisha Blasitasi, uwa cibili ku mfumu, uku bafwilisha, bali pwishe ifya mutnde pakuti icalo cabo cale pokelela ifyakulya ukufuma ku calo mfumu. ²¹ Pa bushiku ubwateyanishishiwe, Helodi umwine ka fwala ifyakufwala fyabu fumu nekwilala pa cipuna ca bufumu; ali tatikile ukulabila kuli bo. ²² Abantu kaba bikilisha, "Ili likishiwi ilyo ka lesa, tapo lya muntu!" ²³ Penka apo inkalamba yaba Lesa ka mupama, pakuti tapelepo ba Lesa ubulem; alilikile ku matila nekufwa kafwa. ²⁴ sombi ishiwi lyaba Lesa lyali kulile ne kufula. ²⁵ Pano ili Banaba na Saulo ba pwishishe umulimo wabo, kaba bwelela ukufuma ku Yelusalemu mukwendela pamo na Yoane, uyo wale itwa Mako.