¹ Lomba intanjishi nebena bankashi abali mu calo cabena Yuda balyumfwile ati nebana fyalo bali pokele ishiwi lyaba Lesa. ² Ili Petilo aficile ku Yelusalemu, abo abali kuba kopwelwe bali pitilishe uku mususha. ³ Kalabila ati, "Webo walinjile ku bantu abakubula ukukopolwa nekulu kulya nabo!" ⁴ Sombi Petilo alitatile ukubalishisha nemashiwi akupendulula, ati, ⁵ "Nali ku mushi wa Jopa, penka nali lesucile nekubona ukuboneka icintu cimbi cilu kuseluka, koti ninsalu ikulu ilukutulwa kwilulu mu mikonko ine. Popele calificile nakuli nebo. ⁶ Pano paku citontomeka, naliloshe nekubona inama shapanshi, pano ishenda, ku molu, ane nefilwani nefilongolo nefyuni fya mwiulu. ⁷ Ili naumfwile ishiwi lilu kulabila kuli nebo ati, 'Imina, Petilo; ipaya nekulya!' ⁸ Nebo nalabila ati, koku, mweba Shikulu pakuti ifintu ifinangwa ifibipile tafingenjila mukalwa kanji neli limo.' ⁹ Sombi lya lyasukile ishiwi ilyakufuma kwiulu, 'Ifyo ifi basweseshe ba Lesa, tekufyeba webo ati finangwa.' ¹⁰ Kabili ifyo fyali citilwe litatu, popele fyonse fyalisutwilwe kwiulu nakabili. ¹¹ "Bona, impindi abalalume balu kwiminina pa nanda pantu twali; balu kutumwa ukufuma ku Kaisale kuli nebo. ¹² Penka Umupashi wali mubulile ati koya nabo, tekusalulula nakabili aba bakwasu. Basamu naumo naliile nabo, popele twalinjile mu nanda ya muntu. ¹³ Naye ali tubulile ati alibwene inkalamba ilimakene mu nanda yakwe neku kulati ati, 'Tuma abantu ku Jopa muku bwesha simoni ulu kwitwa Petilo. ¹⁴ Akalabila amashiwi kuli mwebo ayo aya kamulusheni webo neba mu nanda yobe bonse.' ¹⁵ Penka ili tatikile uku labila kuli bo, Umupashi Uswetele waliponene pali nebo, koti nifyopelefyo napali fyefyo paku tanga. ¹⁶ Eli nala ngulicile ayo amashiwi yaba Shikulu, ili balabile ati, "Yoane cine alu ku batisha ku mend; sombi mwebo mukabtishiwa ku Mupashi Uswetele.' ¹⁷ Lomba kani waba Lesa balipele impese koti nifyefyo ifi bapele fwebo ili twacetekele muba Shikulu Yesu Kilisitu, mbenebo ninani, ningacicilaba Lesa?" ¹⁸ Nabo ili ba umfwile ifyo fintu, balikele celele, sombi nekulu kuba lemya ba Lesa nekulabila ati, "Kanshi nebena falo nabo ba Lesa balibapele ukwalulucila ku mweo. ¹⁹ Lomba abo aba pangene ponse ponse pakuti paku bampesha uko ukwatacitile pali Stefano bali ficile ili benda naku poinke, naku Pilona, Antioke, neku labila ishiwi kuba Yuda benka. ²⁰ Sombi pe bumba lyabo epobali bambi, abantu abafumine kukuPilo nakulene, abo bopele pakufika ku Antioke balu kulabila nakuba Ela, ukutulisha kuli bo ishiwi iliweme ilya ba shikulu ba Yesu. ²¹ Ukuboko kwaba shikulu kwali nabo; lomba abenji abacetekele balyalucile kuli ba Shikulu. ²² Penka impupo shabo shali fitile,mumatwi abekelesha lya kuYelusalemu, nabo bali tumine Banaba ati afike ku ²³ antioke. Naye alificile nukubona uluse lwaba Lesa, alisangalele nekuba cenjenjesha bonse ati balu kwikalilila muli ba Shikulu ne mitima yabo bonse. ²⁴ Pakuti umuntu uweme uwiswilemo ne Mupashi Uswetele neku cetekela, nabo abntu abenji bali muli ba Shikulu nemitima yabo bonse. ²⁵ Banaba penkapo alile ku Taso muku mufwayafwaya Sauli. ²⁶ Paku mubona, alimuletele ku Antioke. Palibele ati, umwaka umo bonse bali bungene pamo nebekelesha neku basambilisha abantu abakuti nebwinji. Kabili ku Antioke abasambile bali tatilwe ukwitwa ati abena Kilisitu. ²⁷ Lomba inshiku isho bali fumine ku Yelusalemu abakushimika nekufika ku antioke. ²⁸ Eli aimakene umbi, ishina lyakwe Gabo, neu shimika ne Mupashi ati insala lyakuti ikesa pa calo conse ica panshi. Iyo yalishile panshiku shakwe Kulodyo. ²⁹ Eli abasambile, bonse koti makosa , abo bati bakatume ubwafwillisho kubalalume babo mu Judeya. ³⁰ Ifyo bali fitilile icine, nekutuma amaboni kuba kulu muminwe yaba Banaba na Saulu