¹ Kaya ukufuma nkulya nakambi alibwele na kumushi wakw, balimukonkele. ² Ilyo isabaata lyafikile, alisambilishe muma sinagoge. Abantu abengi balimumfwile nakambi pa pile apakulu. Nabo kabalabila ati, ''napo uku kusambilisha akafumishe pi?'' Inga aya mano eko ayafumya ni pi ayo' apelwa?'' ''findo ifi ifisepesha amano akocita ne minwe yakw?'' ³ Bushe ngu tekapala wa mapulanga, umwana umwalalume waku maliya nakambi wabo waku ba nkashi yakwe tabapompano na fwe?'' Na yesu kabafinya imitima. ⁴ Kambi yesu alilabile kuli bo,'' kasesema tafyapomucinshi,' sombi ku mushi wabo, nabalupwa bakwe naba munanda yakwe.'' ⁵ Tabombelepo imilimo iyi kulu nangu imo, sombi ukutambika lukoso minwe yakwe pabalwele noku baposha. ⁶ Alipapile palwa cicetekelo bali naco ici ce kambi alile ili ashingulu. ka mu mishi ili asambilisha. ⁷ Alitile abasambi abaali ikumi limo na babili na ukubatuma babili babili, kambi alibapele na maka ya kusowa imipashi iikowelele, ⁸ Ali bakonkomeshe ifyakutapipo nangu fimo palwendo lwabo, sombi inkonto, takupo shinkwa, takupo icola nakambi takupo ukupita indalama mu mishipi shabo. ⁹ Alibebele ukufwala inkwanda, takupo kufwala imingila shibili. ¹⁰ Kabili alibebele ati, ''mu nada yonse iyo mwaingilamo, mukekalilile umo mwine, mpaka mukafumemo.'' ¹¹ Nangula umushi onse uutawakamipokelele, nangula ukumikutika, pakufuma palincilya cifulo mukakunte ulukungu mu makasa yenu ekulanga bu mboni kuli bo.'' ¹² Balile ili bashimikila ukweba ati, ''abantu balingile ukulapila.'' ¹³ Balisowelel ifibanda ifingi, nakambi lka basuba amafuta abalwelele aberngi no ku baposhiwa. ¹⁴ kambi imfumu Herod yalyamfwile ululumbi lwa kwa Yesu, pantu panshita njilya ishina lyakwe lyalishibikwe. Na bantu bamo balikulabila ti, '' Yoani kabatisha alibukile kubafwa, kambi emulandu akwatile ifiso fya kucita ifya fipapusho. ¹⁵ Bambi balikulabila ati, ''Ni Eliya.'' Bambi nabo balikulabila ati, ''Ni kasesema, ngo walipali ba kasesema bakale.'' ¹⁶ Kambi ilyo imfumu Herod yaumfwile mfi yalabile ati, ''Ni Yoani, uo naputwileko umuntwi, eubukile.'' ¹⁷ Ningu wenka Herodi ewatumine ifita fya kwikata Yoani pakwebati ba mwikate no kumubika mu cifungo pa mulandu wakwa Herodi muka filipo, mulandu Herodi alyupile muka mukwabo filipo. ¹⁸ Yoani alilabile kuli Herodi ati, ''Lishiku ukulingula muka mukwanu.'' ¹⁹ Herodi alikalipile, alikufwaya no kwipaya Yoani. Kambi alifililwe. ²⁰ Kambi Herodi alikutina Yoani, Icoalishibile ukweba ati ali umuntu uutambalele bwaka, kambi uwa mupashi uutambalele, emulandu alikumu bwino. Kabili ili lyonse Herodi alikumfwa Yoani, calikumupesha amano. Ali kumfwa bwino ukumufwa. ²¹ kalifikile akasuba akakucindika ukufyalwa kwa kwe. Herodi ali kutebeta ifilolo fyakwe, abakalamba babashilikale nabasambishi ba mu mushi waku Galile. ²² Ilyo umwana nsungu waku Herodi aingila mukati, akocinda. Alisansamwishe saaana Herodi nabo bonse abalipo. Imfumu yalabila ku mwana nsungu ukulomba conse ico engafwaya no kumupo peka mpalya. ²³ Alilapile umulapo mwana nsungu, conse ico wakulomba nakukupa, nangu ukukwakanyako icalo candi pakati. ²⁴ Umwana nsungu ngu. aima mukulabisha ba nyina, ''findo ningalomba ku mfumu?'' Nao alyaswike ati, ''Umutwi wakwa Yoani kabatisha.'' ²⁵ Pekampalya umwana nsungu kaingila mu mfum, nokulabila ati, ''nkofwaya umutwi wakwa Yoani kabatisha nduno nduno pa nsani ya citi.'' ²⁶ Calipele imfumu amalangushi aya tangaikulila pamulandu wa mulapo naba lwendo abalimpalya imfumu yali filwe ukukana. ²⁷ Pekampalya imfumu kaitapo umiushilikale umo no kumulabisha ati, ''kapite umtwi wakwa Yoani.'' Naye umushilikale kaya mukuteta umutwi wakwa Yoani mu cifungo. ²⁸ Kaleetangu umutwi pa nsani nokupela umwana nsungu, nao kapela ba nyina. ²⁹ Aba sambi bakwa Yoani pakumfwa mfi fyonse, kaba minta umubili wakwe ku manda mu kushika. ³⁰ Abasambi balibwelele kuli Yesu no kulabila ifyo babombele noku sambilisha. ³¹ Yesu nao alilabile kuli bo ati, ''katulokuya uko takupo congo nokuba fwenka pakuti mwingatunako pa ce.'' Pantu kwali abantu abengi abalikwisa nabalikufumako icalengele abatumwa ukubula impindi ya kulya. ³² Balile mu bwato ku cifulo eko takwalipo congo nokuba beka. ³³ Ilyo balikuya, abengi balibabwene noku beshibile. Abantu abengi balifumine mu mishi yonse noku batangilila ku ntanshi eko balikunya. ³⁴ Elyo bafikile ku mbali ya myika, Yesu alibwene ibumba lya bantu ili tangaikulila, kabekatilwa inkumbu mukweba ati bali ngabana ba mpaanga aba abatakwetepo kacema. Ali tendeke noku basambisha ifingi. ³⁵ Cilya akasuba kaba kukuwa, abasambi bakwe balishile kuli e noku labila ati, '' nkuno eko tuli ni mu matololo ne mpindi nayo yashila. ³⁶ Kanshi eba abantu baye mu mitanda namu mishi iipalamine mumabali bakashiteko ifilyo. ³⁷ Yesu alilabile kuli bo ati, ''Nimwe bapeniko ifilyo.'' Nabo balimwaswike ati, ''Bushe tuye bomfya indalama imyanda ibili pali shinkwa iya kuti tubapeleko balye?'' ³⁸ Yesu alilafumbile ati, ''Bushe muli kwetepo shinkwa inga? kaboneni.'' Nabo balibweseshe ifumbo ati, ''kuli shinkwa isano ne sabi libili.'' ³⁹ Elyo alabila kuli bo ati, ''lekeni abantu ba bunganyine mumabumba mabumba mu cani icitontwele. ⁴⁰ Nabo kabekala mumabumba yabantu umwali umwanda umo, limbi amakuni yasano. ⁴¹ Yesu alibulile shinkwa isano ne sabi libili, kapunamina amenso kwi ulu, alomba amapalo, kamokaula shinkwa no kupelako abasambi elyo tangapela abantu. Alyakenye isabi nalyo kuli bonse. ⁴² Awe bonse balilile nokwikuta. ⁴³ Ilyo ba bunganike ifya shelepo kuli shinkwa ne sabi, fyaisula pa imiseke ikumi limo na libili notu pimfya tumpifya twe sabi. ⁴⁴ Impendwa yaku balalume abaliko abalile shinkwa yali amakana yasano. ⁴⁵ Pekampalya Yesu naba sambi bakwe bali ninine mu bwato noku tabukila kwi tala ku betisaida lintu akosalanganya abantu. ⁴⁶ Ilyo abafishapo, kanina ulupili nokuya mukupepa. ⁴⁷ Cilya caba icungulo, ubwato buli pakati ka nyika, Yesu alishele eka ku mulundu. ⁴⁸ Awe kabina ukweba ati bakocula pa koba, alipilibwile umwela. ku macaca Yesu kaya uko alikwenda pa nyika, akoboneka nga ukopitilila. ⁴⁹ Ili ba mumwene akoenda pa menshi, balitinine, bali kutontokanya ati cibanda. ⁵⁰ Awe bonse kabatina apakalamba ili bamumwene. Yesu kalabila ati, '' Tekeni imitima! ninebo mwitina.'' ⁵¹ Alingile mubwato emo bali, no mwela kauleka. Awe bonse balipapushiwe apatangaikulila. ⁵² Pantu tabailwikepo pa mulandu waku shikwa, pantu imitima shabo shali ishumine. ⁵³ Ili batabukile kwi tala kabafika mu mushi wa Genasaleti, kabeminika no bwato. ⁵⁴ Ilibalikufumafye mu bwato Yesu balimwishibile peka mpalya. ⁵⁵ Balibutukile mu mishi yonse muku minta abalikulwala pafipeso fyabo, konse uko balikumumfwila. ⁵⁶ Monse umo monse alikupita mu mishi, mu misumba, na mu fyalo balikubika abakolwala pa mansa ya mishika. Bakomupapata ukwebati balokumukumyako bwakwa nangu ku nsempe sha ndeleshi yakwe. Abali ku mukumyako balikupola. c