¹ Aba falise naba kalemba aba fumine ku Yelusalemu ba bunge ne pali Ye. ² Ukwisa kubona bambi abasambi bakwe balile nshikwa neminwe ikowelele, Ekwe bati itasambilwe. ³ (Pantu aba falise naba bonse Yuda taba lyapo abatasambile kuminwe yabo, pantu baikatila kufishilano fya bakulu. ⁴ Ilyo abafalise balefuma ku mushika, tabalyapo kano basamba, Elyo, balikatilila ku fintu ifingi ilyo bapokelela, nga mfi uku nsafya inko makiimipika ifipe fyamukuba, Na fyonse fya kwikalapo pa kulya. ⁵ Abafalise naba kalemba, ''kabafumba Yesu ati nindo abasambi bobe balendela mufishilano fyaba kulu, balya nshikwa ukwabula ukusambe iminwe?'' ⁶ Nomba kalabila kulibo ati, ''Esaya kasesema alabile ubune pali mwe bamya lumyalu, Nee fyo calembwa, ''mba bantu ba cindi ka bwaka nemilomo shabo, imitima yabo yaba, ukutali nane. ⁷ Ba nshinshimuna bwaka apalutu, batunda amafunde yabantu ngefya fikomo fya kukonka fyabo. ⁸ Mulaleka amafunde yakwa Lesa, mwaikatilila kufishilano fya bantu. ⁹ Nakambi kalabila kulibo, ''ifyo mukanapo amafunde yakwa Lesa ubune, ati musunge ifishilano! ¹⁰ Pantu Mose kalabila ati, ''cindika wiso na nonko, ''Nanguukulabila ifibipile pali bawishi naba nyina akufwa.'' ¹¹ Nomba mwe mu labila ati, ''kuti umuntu alabila kuliwishi nanyina ati, ''chonse ico mupokelela kuli nebo ni cobani, ca pube. ''icapelwa kuli Lesa. ¹² Pali ifi ta mu basuminishapo ukucitila wishi nanyina icili conse. ¹³ Mukipanga ishiwi lyakwa Lesa, umusabwalala kufishi lano ifyo mwalekelesha. Nafimbi ifingi ifi ifyo mucita.'' ifipalene. ¹⁴ Kaita cinkupiti kambi noku labila kulibo, ati, kutikeni kuline mwe bonse no kumbwa. ¹⁵ Takupo nangu cimo icikofuma mu koweaha, icaingila muli ye. Nico icifuma kunse Ecinga mukowesha. ¹⁶ Ngo muntu ali na matwi aya kukutika akutike. ¹⁷ Elo Yesu ashile ibumba kaingila munanda, abasambi bakwe kabamufumba pa lushimi. Yesu kalabila kulibo ati bapo na mwe tamukwetepo kalango? ¹⁸ Tamuboa napo ati conse icingila mu muntu ukufuma kunse tacimukoweshapo, ¹⁹ Pantu tekunti ciyepo ku mutima wakwe, ciyabwa ka mumala nokupitilila bwaka mu busali? Kumashiwi nga Yesu alisangulwile ifya kulya fyonse. ²⁰ Kalabila ati, nincilya icifuma mu muntu eli mu kowesha. ²¹ Pantu ififuma mukati mu mutima amatontokanyo ayabipile, ubulalelale, bukabwalala, ukwipaya. ²² Ubucende, ukwiba, ukwipaya, ulunkumbwe, ububifi, ukusala puka ubusodhi, imiponto, imiya icilumba elyo nokupunama. ²³ Fyonse mfi ifibipile fifuma mu kati elo efikowesha umuntu.'' ²⁴ Kalume nkulya kaya kucitungu ca taile na sidoni. Nkulya aigile mu nanda, tali kukabila po umuntu nangu umo ukwishiba ukwali nomba tafisemepo. ²⁵ Pe kapo palya umwanakashi kaisa no mwana sungu uwakwete imipashi uwakowele, ali umfwilem paliye nokupona pamakasa yakwe. ²⁶ Nomba ngu umwana kashi umu kiliki ali mwina shilofoe nishani ku mfyalwa, kamupapata ukutamfya ingulu mumwana. ²⁷ Kalabila kuli ye ati, ''Tange abana balye.'' pantu tacinga wamapo ukusenda shinkwa yabana nokuposa kumbwa.'' ²⁸ Umwanankashi kaya suka nokulabila ati, ''ina mwemfumu nembwa ishili munshi yetebulo nashoshinga lyako ifikopona ku bana. ²⁹ Kalabila kuliye ati, ''pamulandu wafyo walabila walekelewa ukuya. pantu ingulu shafuma mu mwana obe.'' ³⁰ Kaya kunanda yakwe kasanga umwana alilele pamalo nengulu kashile. ³¹ Nakambi kaya ukufuma mucitungu ca taya (Tyre) apitile mu shitoni (sidon) kucisha ca kalile ukufika ku citungu ca Tikapo lishi (Decapolis). ³² Kabaleta kuliye umuntu uwali nkoma matwi uwaliku bwilwa no kulabila, kabapapata nokwikata ukuboko kwa kwe pali ye. ³³ Nakambi kamupita ukumufumya pe bumba mubumfisolo, kabika ifi kumo fyakwe mumatwi yakwe nakambi kamushila nokwikata ulu limo lwakwe. ³⁴ Nakambi kapunamina kwiulu, nokulabila kuliye ati, ''Efafata, '' ekutila ati, ''Isuleni!'' ³⁵ Pamuku umo amatwiya kwekaye suka, akalimba limba limba kalulimi lwakwe kakalekelelwa, katalika nokulabila. ³⁶ Yesu kabakonkomesha ukute bako nangu umo. Nomba mu bwingi bwa ku bakonkomesha emubwingi bacisandulwile. ³⁷ Ka ciba papusha ukwa kuti, nokulabila ati, ''alicitike fyonse bwino. alenga nabankoma matwi ukumfwa naba chibulu ukulabila.