¹ Kabesa kulubali lumbi ulwa kubemba, mumushi wa Gelasene. ² Ulu Yesu alukufuma mubwato, mpekapo kwaishile kuliye umuntu ukufuma mumanda uwali no mupashi ubipile. ³ Umuntu alikwikala mumanda. Takwalipo uwalikumukanya nakabili, nangu kati nimumunyololo. ⁴ Alikukakwa inshita ishingi muma makoli neminyololo. kalakuputula iminyololo nsalensale nakabili amakoli yakwe kansansaika, Takwalipo nanguumo uwali nefiso fyakumukumanisha. ⁵ Ubushiku nakasuba lyonse mumanda namumpili, alikulila no ukucekaula namabwe aatwile. ⁶ Ulu abwene Yesu katalamukila, kamubutukila nokukupama kuliye. ⁷ Alilile neshiwi ilikulu, ''Mbafindo ningacita nawe Yesu, wemwana wakulesa wa mwiulu? Napapata mweka muli Lesa winchushapo.'' ⁸ Alabile mfi, pakuti alikumweba ati, ''Fuma mumuntu wemupashi ubipile.'' ⁹ Elo alabile ati, ''Mbaniwe nani ishina kaasuka ati, ''ishina lyanda nine ibumba, pakuti tuli benji.'' ¹⁰ kapapata kabili -kabili pakuti emfitamfishapo muchalo. ¹¹ Nomba kwalipo ibumba ilikulu ilyakumba ilya likulya mulupili, ¹² Elo yapapatile kuliye ukwebati, ''tutumeni mukumba; lekeni twingile mulisho.'' ¹³ Naye kshisumini sha; Elo nemipashi ibipile yalifumine mumuntu kaiya kwingila mukumba, nasho kashitente muka ulupili no ukuitafika mulibemba, nempendwa shashiko ukufika naku makana yabili kashifwa muli bemba. ¹⁴ Elo bachembela balikulisha inkumba babutulile kumusumba nakumbali yamushi mukweba abantu ilyashi ndi, elu abantu balile mukubona ichachitile. ¹⁵ Elubashile kuli Yesu nokubona uwali ne mipashi ibipile, uwali nemipashi iyinji alikele, alifwite nmano alibwelelemo, elu bonse batinine. ¹⁶ Mbalya ababweneko kufyacitikile kuwali nemipashi ibipile, balilabile fyonse nefyakumba. ¹⁷ Elo batatikile ukupapata Yesu ati abafuminemo mucalo cabo. ¹⁸ Ulo Yesu alikupatama mubwato, umuntu wamipashi ibipile kapapata Yesu ati abe nakwe. ¹⁹ Yesu tamusuminishepo amwebele ati, ''we bwelelamo kunanda kwenu, kubantu bobe uye kubeba ifi shikulu acita paliwe nefi akulanga inkumbu. ²⁰ Elo aile katampa ukushimika mu Decapolishifintu ifikulu ifi Yesu acitile paliye na bantu bonse kabashimbwa. ²¹ Nomba ulu Yesu acitile kwitala lyakubemba mubwato, ibumba ilikulu lyalilongene kuli ye, kumbali yakuli bemba. ²² Elo umo wantungulushi shamu shinakoki uwalikwitwa Yailoshi aishile noku amubwene, kawila pamakasa akwe. ²³ Elu amupapatile ati, ''akanasungu kandi kalicipi nemfwa. Namupapata, iseni mubikepo iminwe shenu paliko pakuti kapole, kabe akabumi.'' ²⁴ ELo aile nakwe nebumba ilikulu lyalikonkele likomutitikisha kubwingi. ²⁵ Nomba pali umwanakashi uwalikufumya umulopa pamyaka ikumi limo naibilipo. ²⁶ Aliculile apakulu kunganga nokuposaika fyonse akwete, lelo mucifulo cakupisha elu calikubipilako. ²⁷ Ulu aumfwila pali Yesu kaisa kunuma yaku Yesu mwibumba kaikata na kunsalu yakwe. ²⁸ Pantu kalabila ati, ''ngacakuti anaikatako bwaka kunsalu yakwe, inkopola. ²⁹ Ulu amwikete lukoso nomulopa kauleka kaumfwa namumubili wakwe ati apola kufyali kumukatashya. ³⁰ Pekapo Yesu kaumfwa ati amaka yafumamo muli ye, kapilibukila kuli bumba kalabila ati, ''mbaninani uwaikata kunsalu yanji?'' ³¹ Abasambi bakuli ye bati, ''mulibwene icibumba ubukulu likomufinikisha elo mulabile ati, ''ninani uwankumya?'' ³² Nomba yesu kachenchenta konse konse ukuti abone umukumishe. ³³ Umwanakashi ukwishiba ifyacitikile kuli ye kantina nokututuma. Kaisa kawa pa makasa yakwe nokutubulula kuli ye ifishinka fyonse. ³⁴ Naye kaebati, ''wemwana wayji icichetekelo cobe cakuposha. koya umutende elo upole nakumakatoshyo obe.'' ³⁵ Ili acili akolabila, abantu kabesa ukufuma kutungulushi shashikoki, nokulabila ati, ''umwana wenu afwa. Nindo mukokatashisha umusambishi nakabili?'' ³⁶ Lelo Yesu akutikileko kumbila yalikulabilwa, kaeba intungushi yamumasinakoki, ''utinapo. cetekela bwaka. ³⁷ Tasuminishipo nangu umo uwakukonka sembi petelo, njemushi na Yohane umukwabo Njemunshi. ³⁸ Kabesa kunanda yantungulushi yamusinakoki nokubona abantu bakopanga icongo icikulu; bakolila nokuweleshanya ukukulu. ³⁹ Ulu angile munanda, kabepusha, ''cindo mwasakamana elo necimukolilila? umwana ta fwilepo alele bwaka.'' ⁴⁰ Kabamuseka, nomba kabafumya bonse panse elu aapitile wishi na nyina wamwana elo nabo alinabo, kabengila umwali umwana. ⁴¹ Kabula ukuboko kwamwana, nokulabila kuli ye ati, ''Talitha, koum, ''icikopilibula ati, ''wekana nalabila kuli we ati, buka.'' ⁴² Mpenkapo umwana kabuka katatika nokwenda. (pakuti ali nemyaka ikumi limo na ibilipo) Mpenkapo kabapapa no ku sunguka. ⁴³ Kabebekesha ati kubapo nangu umo uwakwishiba imfi, Elu abebele ukupa akana ifyakulya.