¹ Kabili katatika ukusambisha kumbalu ya bemba, elo icintu bwingi ca mushingulukile. Kaengila mu bwato ubwali pali bemba, no kwi kalamo. ² Ibumba lyonse kalili kumbali ya bemba. Kabasambisha ifintu ifingi mu milumbe, kambi ifyo alikusambisha, nefi ababebele nimfi. ³ ''Kutikeni! Umulimi kaya muku byala inseke shakwe. ⁴ Elo ali kubyala, nshimo kashiponena munshila, kabili ifyuni kafisa ka filya. ⁵ Nshimbi inseke kashiponena pa mushili wa mabwe, uutakwetepo mufundo. Pekampo kashimena, pantu tapalipo umushili uushikile. ⁶ Kabinge ilyo akasuba katulile, ifilimwa kafipya, enci kabili tafyakwetepo imishu, kabili kafyuma. ⁷ Kambi shimbi inseke kashiponena pa citi ca minga. Ifiti fya minga kafikula no kufitungaula, enci tafyatwelepo. ⁸ Nshimbi inseke kashiponena pa mushili uuweme kabili kashitwala mukufula kabili no kusombola amakumi ya tatu, amakumi mutanda, kabili ne myanda ne myanda.'' ⁹ Kabili kalabila ati, ''Onse uukwete amatwi akumfwilako kaumfwa!'' ¹⁰ Elyo Yesu ali eka, bo abapalamine kuli yee na bo amakumi yabili kabepusha palwa milumbe. ¹¹ Kalaanda kuli boo ati, ''Kuli mwe kwapelwa amakankamiko ya bufumu bwa ku Lesa.'' Lelo kuli mbo abalikunse fyonse fyaba mu milumbe, ¹² pakuti ulu babona, ina kababona, lelo tabakobonapo, nakabili ukumfwa bakoumfwa, ina baumfwa, lelo tabakoumfwikishapo. Epali bapilibuka na Lesa anga belela.'' ¹³ Kalabila kuli bo ati, ''Bushe mukoumfwa iyi imilumbe ifyo ikopilibula? Bushe mwakumfwa shani iyi milumbe yonse?'' ¹⁴ Kamisa amisa i cebo. ¹⁵ Mba embalya abali mu nshila, umo icebo camiswa. Elyo ba cumfwa, umulwani penkapo kaisa no kusenda icebo camiswa, muli boo. ¹⁶ Kabili nshi inseke ba byala pa mushili wa mabwe; mba, elyo baumfwa icebo penkapo kabapokelela no kusekela. ¹⁷ Nangu takwatapo ubwinishi muli boo, lelo boo bakushipikisha pa kashita akanini, ilyo papitile bwaka aya amakatasho nangula ukupakaswa ukutula pamulandu wa cebo, pekapo kabanenuka. ¹⁸ Aba bambi ebabo ba bamiswa mu minga. Embo abomfwa icebo, ¹⁹ nomba ubukankala bwe sonde no kubeleleka kwa bunonshi na makabilo ya fintu na fimbi ifi koisa no konaula icebo, no ku kanaba no buyo. ²⁰ Mbo aba mishilwe pa mushili uuweme ebabo abomfwa icebo, ukucipokelela no kwikata ifisabo, amakana ya tatu, makana mutanda, nangula makana na makana. ²¹ Yesu kalabila kuli boo ati, ''Mungu leta koloboi mu nanda eli mwa bika mu nshi ya museke nangula munshi ya bulo? Muleta nokuiteka apakubika koloboi. ²² Tapapo icafiswa icitakeshibikwepo, kabili tapapo icafinso icitakabepo pa bwelu. ²³ Oyo uuli na matwi, akumfwa kutika!'' ²⁴ Elo alabila kuli boo ati, ''Kutikisheni kufyo muko umfwa, umulingo ulingileko obe eo nawe bakulingilako, ne fingi fya kulundwako kuli we. ²⁵ Pantu noukwete, kuli ye kwa kupelwa na fimbi, noutakwetepo, nako akwete bakupokako.'' ²⁶ Nao kalabila nfi ati, ''Ubufumu bwaku Lesa buli kubati muntu uwa byele uluseke pa mushili. ²⁷ Alala ubushiku kabili no kubuka ulu bwaca, kasangana uluseke lulifumine no kukula, ukubula ukwishiba neficitikile. ²⁸ Umushili eumesha no kukusha uluseke: Palwauko, elo pakonka umutwi, elo umutwi waulamo inseke inshituntulu. ²⁹ Ulo icisabo capya, Mpekapo atuma icikwakwa pantu ubusomboshi bulifikile.'' ³⁰ Nakabili kalabila ati, ''Nikundo tungalinganya ubufumu bwa ku Lesa, nangula mulumbe ndo tungabomfya ukutobulula nci? ³¹ Cili kubati luseke lwa lubanga ulo lwa kuti alwabyalwa, eka cepeshako pa nseke shonse pa mushili. ³² Lelo ulo lwabyalwa, lwakula no kuba ulukulu pafilimwa fya mwi bala na kabili, nakabili kumpanga insapi inshikulu pakuti utuni twa mwi ulu tusange ifinsa mufunte ca ciko.'' ³³ Mu bwingi bwa milumbe nga nji alabile kuli boo mu cebo, ukulingana napo bangapela ukumfwa, ³⁴ talabile kuli boo ukwabula ukubomfya imilumbe, nomba ulo ali eka kalondolola fyonse ku basambi bakwe. ³⁵ Pali mbulya bushiku, mu nsgita ya cungulo kalabila kuli bo ati, ''Katwabukile ku ncende naimbi.'' ³⁶ Enco kabanshe bumba, nokuya na Yesu fyenka ifi ali mu bwato. Kwali na mato na yambi ayali pamo na bo. ³⁷ Penka apo ka kwisa icipupu icikulu, na matamba kalo kwingila mu bwato icakuti ubwato ka buli mupepi no kwiula amenshi. ³⁸ Nomba Yesu umwine alele pa musao mucitwi ca bwato. Kabamubusha nokulabila ati, ''Mwe musambishi, tamusakamenepo ati tukofwa?'' ³⁹ Kabuka, kakalipila na mwela kalabila nakuli bemba ati, ''Umutende! Celele.'' No mwela kauleka kapaba tondolo. ⁴⁰ Elu alabile kuli boo ati, ''Findo mukotina?' Nanduno tamunga cetekela?'' ⁴¹ Kabesulamo no mwenso uukulu no kulabila kuli umo no mubiye ati, ''Mboyu kanshi nani, uo ne cipupu cumfwila na bemba yumfwila?''