¹ Nakambi Yesu kaingila mu sunagoge, na mulya mwali umwanalume uwaline cisansa icumeni. ² Bambi abantu bali kutamba cipi pakuti babone kati ko muposha pe sabata pakuti bamupe umulandu. ³ Yesu kalabila ku mwanalume wali ne cisansa icumine ati, ''ima no kwiminina pakati kabonse.'' ⁴ Nakambi kalabila kubantu; Napo cilibwaka ukucita iciweme pa bushiku bwe sabata nangula ukucita cibi ukupususha ubumi kati kwipaya?'' Bonse kabekala celele. ⁵ Kabalolesha bonse no bukali, kabili ka ufwa icikonko pa mulandu wakukosakwa mitima yabo, nakambi kasosa ku mwanalume, ''Tambulula ukuboko kobe, ''kakutambulula, no kuboko kakubwelelapo. ⁶ Aba Faliseo baile panse pekapo kabatapa no kupinga na Helodines pafyo banga mwipaya. ⁷ Elo Yesu, naba abasambi, bakwe kabaya nakuli bemba nacikupiti wabantu kabakoka ukutula Galile na Judea. ⁸ Nakambi ukufuma ku Yelusalemu ni kufuma ku idumea no kucilapo Yordani no kushinguluka Taya na Sidon. Elo baumfwile pali mfyo alikucita cikutipi kaisa kuli ye. ⁹ Kayeba na kubasambi ukuleta akabwato akace kuli ye pamulandu we bumba pakuti belekumufwanikisha po. ¹⁰ Pantu Ye aposeshe abengi, pakutio bonse abali makatasho kabakabila ukumupalama ye bamukumye mo; ¹¹ Lonse ulo imipashi ibipile ya mubwene, kaiwa panshi yakwe nokuwooka nokulabila, ''uli mwana waku Lesa.'' ¹² Nakambi kabokokomesha pakuti efisululwapo. ¹³ kaya peuli ya lupili, kabili kaita nabo alikufwaya nabo kabesa kuli Ye. ¹⁴ Ye kasonta po ikumi nababili(kabapa abo anike abasole) pakuti nabo bangaba nakwe nakabili bakatumwe mukutandanya icebo. ¹⁵ Nakambi nokukwata amaka yakusowa imipashi ibipile. ¹⁶ Kasontapo ikumi na babili simone, kuwo apele ne shina Petro; ¹⁷ Njemushe mwana wakulisebede, na Yohane ndume yakwa Njemushi uo apele ishina Boanerge, ekwabati abana yafibulukulo; ¹⁸ Na Andrea, filipi Bartolomeo Mateyo, Toma, Njemushi mwana wakwa Alfeo Tadeo, Simone umwina Shiloti, ¹⁹ na Yuda iskariote, ngo uwakumwalukila. ²⁰ Nakambi kaya kunanda, na cinkupiti kaisa kabungana pakuti belyapo umufuba. ²¹ Ulo balupwa kabomfwa palinci, nabo kabaya ati bamwikate pantu balabile ati, ''Alipenene.'' ²² Na bakalemba mbo bafumine ku Yerusalemu kabalabila, ''Aliwililwe na Beelsebuli'' nakambi ''nikuli katungulala wa mipashi ibipile ye atafisha imipashi. ²³ Yesu kabeta kuli ye nokulabila mu mulumbe. "Nifisa shetani anga sowa shetani? ²⁴ Kati ubufumu bukoilekanya ubwine, mbo bufumu tekuti bwimininepo. ²⁵ Kati nanda ililekene yenka ine, yeyo nanda tayake mini ne po. ²⁶ Kati shetani aimina umwine nokuilekanya, tekuti po emininepo, ekupwa kwekoko. ²⁷ Nomba takupo nangu umo wingila munanda ya muntu uwa maka nokwiba ifipe fyakwe ukwabula ukutanpila po ukaka umuntu wamaka, elo nomba angeba fya munanda. ²⁸ Mukulungatika nalabila kuliwe nati, onse amasambi aabana ba bantu a yabelelwe uluse. Nemiponto yonse iyo balabila, ²⁹ ''Kanshi onse oyo wapontela umupashi wamushilo takakwatepo ukwelelwe, eli no mulandu we sambi umuyayaya.'' ³⁰ Yesu kalabila imfi pantu bali kulabila, ''Ali no mupashi ukowelele.'' ³¹ Elo banina naba wakwe kabesa no kwiminina panse. Kabamutumina, ati ese. ³² Citubwingi kaikele ku mushinguluka nabokabalabila ye, ''Ba noko na wenu bali panse bakokufwaya.'' ³³ Alibasukile, ''Nga bama na bawesu ni bani,? ³⁴ Ye kacencenta pali mbo abaikele abamushingulukile, no kulabila, ''Bona mba ebama na bandume! ³⁵ Pantu ukocita ukutwanya kwa ku Lesa, oyo muntu ni wesu, nankashi na bama.