¹ Ulu ye aishile kukapenahum ati ati papite ishinini inshiku, kacumfwika ati ali ku mushi. ² Nabengi balibungane nkulya ukwakuti kulya takwalipo na imbi incende, nangufye pamulyango, na Yesu kalabila amashiwi kulibo. ³ Elo bambi abalalume kasesa kuli ye abali kuteta umuntu uwali icite; bane abantu eba mumintile. ⁴ Ulobo cabakateshe ukumupalamina ye pamulandu webumba kabafimbula umutenge uwali peulu pali Yesu, nakambi panuma, bapangile icipunda, bapushishe impasa apo apalele umuntu icite. ⁵ Ukubona ukutetekela kwabo, Yesu kalabila ku cite, ''we mwana, amasambi obe aelelwa,'' ⁶ Nomba bambi bakalemba kabekele nkulya, nakambi kutanguluka mumitima yabo. ⁷ Cindo uyu umuntu alabila nji nshila? ye akoponta. Mbo ungalekela amasa ninani pantu Lesa eka? ⁸ Pekapo Yesu kaishiba mumupashi wakwe fyonse ifyo balikutontonkanya mukatikabo beka. Kalabila kuli bo,'' Nindo mukotontokanisha mfi mumitima yenu.? ⁹ Mba icangukilepo nicisa, ukulabila kucite, '' Amasambi obe aelelwa, nangula ati, ''ima Pita Ampasa yobe enda?'' ¹⁰ Kanshi pakuti mwishibe ati umwana wamuntu alikwata amaka pacalo aya kwelela amasambi, alabile kucite, ¹¹ Nalabila kuli we, ima, pinta impansa yobe, koya kunanda yobe.'' ¹² Kaima kabili pekapo kapinta ne impasa, elo afumine munanda pamenso abonse, nomba kabashimbwa maningi elo batampile ukutotaisha Lesa, elo balabile, ''tatwabonapo ifi. ¹³ Elo aile nakambi kukulubali lwanika, nebumba lyonse kaliya kuli ye, kabili ye kabasambisha. ¹⁴ Nomba ulo alikupita, abwene Levi umwana wakwa Alpheo alikele apa kupokela imisonko naye alabile kuli ye, ''nkonka ye kaima kamukonka. ¹⁵ Yesu kali kulya munanda yakwa Levi nabengi abamisonko naba masambi balikulya naye naba sambi bakwe, pantu bali abengi abamukonkele. ¹⁶ Ulo bakalemba, abo abali aba faliseo, babwene ati Yesu akolya na naba masambi nabakasonkesha wa misonko, bobalabile kubasambi bakwe ati, Nindo ye alila nabakasonkesha wa misonko elo nabamasambi? ¹⁷ Ulo Yesu aumfwile mfi alabile kuli bo, ''Abantu abakosele tekuti bafwayepo shing'anga. sombi abalwele abafwaya Ye. Nebo nshaishilepo mukwita abantu abalungami, kamo abamasambi.'' ¹⁸ Nomba abasambi bakwa Yoani naba faliseo kabalekeshe ukulya. Nabambi abantu kabesa nokulabila kuli ye, ''Nindo abasambi bakwa Yoani elo naba sambi ba faliseo balekesesha ukulya, nomba abasambi bobe tabalekeshapo ukulya?'' ¹⁹ Yesu kalabila kulibo, ''Mbapo abobetile kubweinga balalekesha ukulya kati nshi bwinga ali nabo? kati nshi bwinga bali naye pe bumba lyabo tekuti balekeshe ukulya. ²⁰ Nomba inshiku shakwisa ulo nshi bwinga akapintwa kumbi ukufuma palibo, nakambi mulisesho nshiku, bakalekasha ukulya. ²¹ Takupo nanga umo uubila akapimfya akabwa ngu akansaku payakale. Epali icikamba calepuka nokufumako kuli yo, icabwangu ukufuma ku cakale nakambi kulya kwaba ukucililemo ukulepuka. ²² Takupo nangumo uungabika uwabwangu umwangashi munsupa shakale. Epali wangashi kuti watoba insupa nakambi fyonse umwangashi nensupa fyaonaika. Calinga, umwangashi uwabwangu ukuubika munsupa ishabwangu..'' ²³ Pakasuba ke sabata Yesu apitile mumabala ambi, elo abasambi bakwe batatikile ukuswa imitwi ya ngano. ²⁴ Aba Faliseo balabile kuli ye, ''Bona, nindo bakocitila ifintu ifyo ifunde litasuminishipakasuba ke sabata?'' ²⁵ Alabile kuli bo, '' Bushe tamwabelengapo ifyo David acitile ulo alikufwaya kabili noku mfwa insala -ye pamo ba balalume abali pamo naye. ²⁶ Ifyo ye aile munanda yaku Lesa ilyo Abia thar ali shimapepo umukulu, elo alile umufuba uwalipo, ico ifunde lita su minishapo nangu umo ukulya sombi ba shimapepo, nakabili kapelako umbi kuli abo abali na ye?'' ²⁷ Yesu alabile, ''Isabata lyapangilwe umuntu, aikona umuntu ukubakopamu landu we sabata. ²⁸ Kanshi umwana wamuntu ni mfumu na pesabata.''