1 Yesu kaya kulu pili lwa Miolite. 2 Ku malike kaisa ku nanda yaku Lesa nakambi, no bantu bonse kabesa; kaikala panshi no ku basambisha. 3 Bakalemba na Phalise kabaleta umwana kashi baikete akocita ubucende kabamubika pakati kabo. 4 Elo balabile kuli ye, ''Kasambisha, uye mwanakashi bali mwikete ako cita ubucende. 5 Nomba mu malamulo Mose atukonkobeshe ukulasa amabwe abantu bamfi findo ukolabila ye?'' 6 Kababila mfi pakuti banga muteya akaliba mukwebati banga kwatapo fimo ifya kumube pesha pali ye, nomba Yesu kakontama panshi no kulemba pamushile no munwe wa kwe. 7 Ulo batwalilile ukumwipusha amafumbo, kainuka nakulabila kuli bo, ''Ngo pali mwe utakwete po isambi, kabalilepo ukuposa ibwe kuli ye.'' 8 Nakambi kakontama panshi, no kulemba peloba no munwe wakwe. 9 Ulo balimfwile imfi kabaya umo umo, ukutatikila ku bakulu. Pampelo Yesu kabamusha enka, no mwana kashi ngowali pakati. 10 Yesu kainuka nokulabila kuli Ye. ''We mwanakashi, balipi ba kabepee sha bobe? kulipo uukusekele?'' 11 Kalabila, ''Tapapo nangu umo mwe mfumu'' HYesu kalabila, ''Nande nshiko kusekapo. Koya no kukana panga isambi nakambi.'' 12 Nakambi Yesu kalabila kuli bo, ukwebati. Ndi lubuto lwa calo; ngo unkonka ne takenolepo mu mfinshi nomba akuba nolubuto lwa bumi.'' 13 Aba Phalise kabalabila kuli ye, ''ukoyi waminishi mwine ukuyi labilila kobe te kwacishinka po.'' 14 Yesu kayasuka no kulabula kule bo, ''Na ngu cakuti nko labila palwandi ne mwine, bukamboni bwandi bwa cishinka. Ndishi uko natula nokonkoya , nomba mwe tamwishipo uko natula nangu uko nkoya. 15 Mu pingula ukulingana no mutili; Ne nshi pungulapo nangu umo. 16 Nomba ngana pungula, ubupingushi bwandi bwa cishinka pantu nshipo nenka, nomba nde na bata abantu mine. 17 Ina, na mumolamulo yenu calele mbwa ukwebati bumboni bwabantu babile cishinka. 18 Nine ngo upa ubumboni palwandi nenka, na Tata uwantuma apa ubu mboni pali ne. 19 Kabalabila kuli ye, ''Mba wiso alipi?'' Yesu kaya suka, ''Tamunjishipo ne nangu Bata kaya suka, ''Tamunjishipo ne nangu Bata, nga mwanjishiba, nga mwalishiba na Bata.'' 20 Alabile ngo mashiwi mu cipawo ulo alikusambisha mu nanda ya ku Lesa, Takwalipo nangu umo uwa mwikete pantu inshita yakwe yalitaingaisa. 21 Eco nakambi kalabila kuli bo, ''Nkoya;mwakumfwaya nakambi mwakufwila mu masambi enu. Uko nkoya, tekutipo mise.'' 22 Aba Yuda kabalabila, napo akuyi paya umwine? Napo umulandu alabilila, ''uko nkoya tekutipo mwileko?'' 23 Yesu kalabila kuli bo, ''Mwe mwa fuma panshi; Ne nafuma kwi ulu. muli bali ncino calo; Ne nshile po wamuli ncino calo. 24 Eco, Ndabilile kuli mwe ukwe bati mwakufwila mu masambi enu. sembi amwa cetekela ati, Nine, mwakufwila mu masambi enu. 25 Kabalabila kanshi kuli ye, ''Niwe nani?'' Yesu kalabila kuli bo, ''Ifyo na labila kuli mwe bo ukufuma ku ntatikilo. 26 Ndi ne fintu ifingi ifyo kalabila no kupingula pali mwebo. Nangu abe mfi, ye uwantumine wa cishinka nefintu mfyo naumfwa ukufuma kuli ye, mfi fintu efi ndabila ku calo. 27 Tabau mfwikishepo ukwelate ali kulabila kulibo pamulandu waku wishi. 28 Yesu kalabila, ''Ulo mwa imya mwiulu umwana wa muntu, elo mwakwishibo ukuti nine, nakambi nshicitapo icili conse palwandi nenka. Ico Tata amfunda ne, Ndabila mfi fintu. 29 Ngo uwantuma aba nanda, kambi tatala aanshapo nenka, pantu icita lyonse ifise kesha kuli ye. 30 Ulo Yesu alikulabila mfi fintu abenge kabasumina muli ye. 31 Yesu kalabila kuli mbo ba Yuda abasumi ne ye, ''kati mukoyikalilila mwi ishiwi lyandi, ninshi muli ba sambi bandi muci shinka; 32 Nakambi mwakwishiba icishinka, ne cishi nka cakumulenga abakaele. 33 Kabamwasuka, ''Tuli bamuluko lwa ku Abrahamu nokambi tatwatala ayuba aba sha bauli onse; kute walabila shani, ''mwalapangwa abakaele?'' 34 Yesu kabasuka bo, ''icishinko icishinka, nkoye ba kuli mwe, onse ucita isambi musha wesambi. 35 Umusha tekalililapo mu nanda umuyaya; umwana ekalilila umuyaya. 36 Eco, umwana kati amupanga abakaele mwakuba abakaele mucishinka. 37 Ndi shibile ukwebati muli ba muluko lwa ku Abrahamu; mukofwaya ukunji paya pantu ishiwi lyandi talikwetepo icende muli mwebo. 38 Ndabila mfyo nabona na Bata namwe mucita mfyo mwaumfwa ukutula kuli ba wishinwe. 39 Kabasuka nokulabila kuli ye, ''shifwe fwe ni Abrahamu. ''Yesu kalabila kuli bo, ''Nga mwali abana baku Abrahamu, kuti mwaleta ncito shaku Abrahamu. 40 Nomba mukofwaya ukunjipaya, umuntu uwamweba icishinka nco naumfwa ukutula kuli Lesa. Abrahamu tacitelepo mfi. 41 Mucitancito shaku wishinwe. ''kabalabila kuli ye, ''Tatwa fyelwepo mu bu cende; twalikwata Tata umo; Lesa.'' 42 Yesu kalabila kuli bo, ''Nga Lesa ali ni wishinwe, nga mwalitemwa, pantu naisa ukutula kuli Lesa kambi ndi mpano; Pantu nshaisapo palwandi nenka, nomba ali ntumine. 43 Nindo mutakou mfwikisheshapo amashwi yandi? Nico pantu tekuti po mumfwe amashiwi yandi. Muli bakwa wishinwe ciwa, nakambi mukofwaya ukucita ukufwaya kwa ku wishinwe. 44 Ali ni kepaya ukutula kuntatikilo nakambi teminipo mu cishinka muli ye. Ulo ala bila abuti, alabila ukutula mu mubelo wakwe pantu wabuti nakambi wishi wabufi. 45 Nomba, pantu nalabila icishika, tamuncete kelepo. 46 Nani palemwe uwansanga nesambi? Nga nalabiula icishinka, nondo tamuncetekelapo? 47 ngo uwakule Lesa omfwa amashiwi ya ku Lesa. Tamuyomfwa pantu tamupo ba ku Lesa.'' 48 Aba Yuda kabasuko no kalabila kuli Ye, ''Napo mu cishenka tatulabilepo ukweba ti uli mu Samaria nakambi nakambi uli ne camupashi caciwa?'' 49 Yesu kayasuka, ''Nsha kwatapo icamumupashi, lelo icindika ba Tata, na mwe mwisusha ye. 50 Tanshi fwayapo ubukata bwandi ne mwine; kuli umo ufwaya no kupingula. 51 Icishinka, icishinka nkolabila kuli mwe kate uuli onse asunga ishiwi lyandi, takabonepo mfwa.'' 52 Aba Yuda kabalabila kuli ye, ''Nomba twaishiba ati walikwata icamupashi. Abrahamu na ba kasesema balifwile nomba ukolabila auti, nga uli onse asunga ishiwi lyandi, takasondepo mfwa. 53 Taupo ukulile ukulila pali Tata wesu Abrahamu wafwile, efyo uli? Bakasesema nabo balifwa. Nani ukoipanga ukuba?'' 54 Yesu kayasuka, kati nkoyikata mika nemwine, ubukata bwandi tabukwetepo akantu, Nitata wandi eunkatamika ne uo mwe mulabila ati ni Lesa wenu. 55 Tamungamwishiba ye, nomba ne ndi imwishi. Nga cakwetebati nalabil, nshimwishipo ye, ''Ningaba kubati nimwebo, uwabufi. Nomba, ne ndi mwishi no kusunga ishiwi lya ku ye. 56 Wishinwe Abrahamu alicankilwe pa kubona akasuba kakwisa kwandi. kakubona no kulekelela. 57 Aba Yuda kabalabila kulio Ye, ''Taungafika ne myaka amakumi asano, walibona na Abrahamu?'' 58 Yesu alabile kuli bo, ''Icishinka icishinka Nkoyeba kuli mwebo, ulo Abrahamu talabako, Eko nali.'' 59 Elo ba tolele amabwe ukuposa kuli ye, nomba Yesu kaifisa umwine no kufuma munanda yaku Lesa.