¹ Panuma ya mfi fintu Yesu kaya mupepi naku ku Galili, pantu talikufwapo ukuya mu Yudea pantu bali kumufwasha ukumwipaya aba Yuda. ² Nomba imitebeto ya nsakwe kaiba mupepi. ³ Indume shakwe kashilabila kuli ye ukweba ati, ''fuma pali ncino icifula nokuya ku Yudea, pakweba ati abasambi bobe nabo benga bona incito ukobomba. ⁴ Tapapo nangula umo uucita icintu icamfiso ngalikufwaisha ukwishibikwa kuli bonse. Nga kocita ifintu, ilange we mwine ku calo.'' ⁵ Pantu ne ndume shakwe tashacetekelepo muli ye. ⁶ Yesu kalabila bo, ''Inshita yanji taingafika, lelo inshita yenu yaliufika lyonse. ⁷ Icalo tacingapata we, lelo capata ne pantu kampela ubunte bwa ncito iibipile iya ciko. ⁸ Koya kwi ulu ku mitebeto; nshikoyapo ku mitebeto pantu inshita yandi taingafikilishiwapo. '' ⁹ Panuma yakulabila mfi fintu bo, kaikala mu Gaili. ¹⁰ Lelo indume shakwe kashiya pe ulu ku mitebeto, na ye kaya poe ulu taca ioshibiki lwepo lelo mu bumfisolo. ¹¹ Aba Yuda balikumufwaya ku mitebeto no kulabila ati, ''Ali pi?'' ¹² kwali ukulabila ifintu mu mabumba pali ye. Bambi kabalabila, ''Muntu umuweme, ''Bambi nabo kabalabila. ''Awe, alafulunganya amabumba! Lelo tapalipo nangula umo uwalabile pali ye palwalala pantubalikutina aba Yuda. ¹³ Lelo tapalipo nangula umo uwalabile pali ye palwalala pantu bali kutina aba yuda. ¹⁴ Imitebeto kaifika pakati ukweba ati ingapwa, Yesu kaya pe ulu mwi tempele no kutatika ukusambilisha. ¹⁵ Aba Yuda kacibapapusha, kabalabila ati, ''Mbo yu muntu aishiba shani ifintu ifinji? Tasambililapo.'' ¹⁶ Yesu kabasuka no kulabila ati, ''Nku ukusambilisha ngo uwantumine. ¹⁷ Uyo onse uukofwaisha ukucita ifyo afwaya akwishiba pali nku ukusambilisha, nangula ku kofuma kuli Lesa, nangula ku kofuma ku kulabila kwa nji. ¹⁸ Onse ngulya uuilabila abafwaya uufwaya ubucindami bwa kuli ngulya uwantumine ngulya muntu wa cine, tamwabapo no lubembu muli ye. ¹⁹ Tamipelepo Mose amafunde? Lelo tapapo nangula umo uuyasopa. nindo mufwaila ukunjipaya?'' ²⁰ Ibumba kalyasuka, ''Walikwata iciwa. Nibani bafwaya ukukwipaya?'' ²¹ Yesu kayasuka no kulabiula kubo, ''Kancitapo icintu imo, namwe bonse kacimupapusha. ²² Mose kamupela ukomonwa(tekwaba ati cafumine kuli Mose, Lelo ku fikolwe), Napa sabata mulomona umuntu. ²³ Ngo muntu apokelela ukomonwa pa sabata pakweba ati etoba amafunde yaku Mose, nindo mumfulilwa pantu nali pangile umuntu uwa bumi ubutuntulu pa sabata? ²⁴ Mwilokupingula mu mimonekele lelo mu bulungami.'' ²⁵ Bamo ukufuma ku Jerusalemu kabalabila, ''Bushe tengu bafwaisha ukwipaya? ²⁶ Boneni, alabila pa lwalala, nokulabila nangula cimo kuli ye. Tacingabapo ukweba ati abakoteka icine balishibile ati ni Kristu, cingaba mfi? ²⁷ Lelo tulishibile eko ngu muntu afuma. Lelo nga Kristu aisa, tapapo nangula umo uwakwishiba eko afumine.'' ²⁸ Panuma Yesu kalila mwi tempel, akosambilisha no kulabila, ''Mwe bonse mulinjishi no kwishile eko na fuma. Ntaisapo pa lwanji nenka, lelo uwa ntumine wa cine, no kumwishiba tamwamwishipo. ²⁹ Nebo ndimwishibile pantu eko nafuma no kuntuma ka ntuma.'' ³⁰ Balikwesha ukumukaka, lelo tapalipo nangula umo uwabikilepo ukuboko pali ye pantu inshita yakwe tayafikilepo. ³¹ Lelo abengi mwi bumba bali cetekele muli ye, no kulabila ati, ''nga Kristu aisa, akucita ifilangililo na fimbi ukucila pali mfi ngu acite?'' ³² Aba Falise kabomfwa ama bumba yakolabila mukantepentepe pali mfi fintu palwa ku Yesu, na bakulu baba shimapepeo naba Falise kabatuma ifintu ku kwikata ye. ³³ Yesu nomba kalabila ati, ''Incili na mwe mu kashita akace, lelo nakuya kuli ngo uwa ntumine. ³⁴ Mwa kamfwaya lelo tamwakambonepo; eko nakuya, tamwakeseko?'' ³⁵ Aba Yuda kabatatika ukulabila palwabo, ''Nipi ngu muntu akuya kambi tatwakamu sangepo? Bushe akuya mu cibanda muma Griki no kusambisha bo?'' ³⁶ Cebo ndo alabile, ''Mwakumfwaya lelo tamwakansangepo; eko nakuya, tamwakeseko?'' ³⁷ Nomba pa bushiku bwakupwisha imitebeto ikulu, Yesu kaiminina no kulila kalilosha no kulabila ati, ''Ngo onse uuli ne cilaka, ese kuli ne nokunwa. ³⁸ Ngo onse uwa cetekela muli ne, ngefyo amalembo yalabila, inyikasha memshi ya mweo yakuma mumala yakuli ye.'' ³⁹ Lelo alabile nci pa mupashi, ngo onse uwa cetekela muli ye akupokelela; umupashi tawalwepo pantu Yesu taba mucindikepo. ⁴⁰ Ama bumba yambi, elo bakutike mfi fyebo, kabalabila, ''ngu muntu icine cine ni kasesema'' ⁴¹ Bambi nabo kabalabila, ''ngu ni Kristu,'' Lelo bambi kabalabila, ''Nomba kristu sfuma ku Galili? ⁴² Kwateni amalembo ayo takolabila ati Kristu akufuma ku fikolwe fya ku Davidi no kufuma ku Betilemu, umushi eko Davidi ali?'' ⁴³ Mpalya pali kwakanika mu mabumba umulandu wapali ye. ⁴⁴ Bamo muli bo ngaba limwikete, lelo tapali po nangula umo uwabikilepo ukubokokwa kwe pali ye. ⁴⁵ Ifita kafibwela ku bakulu baku bashi mapepo naba Falise mbo babatumine, ''Nindo tamumuletele?'' ⁴⁶ Ifita kafwasuka, ''Tapapo nangula umo uulabila nga mfi.'' ⁴⁷ Aba Falise kababasuka ati, ''Namwe bonse ba mubembula? ⁴⁸ Bushe bamoba kateka balicetekele muli ye, nangula bamo aba Falise? ⁴⁹ Lelo ndi ibumba ilitaishipo ifunde, litipilwe.'' ⁵⁰ Nikodemasi (umo muba Falise, alile kuli ye bwangu) kalabil;a kuli bo, ⁵¹ ''Bushe amafunde yesu yalipingula umuntu apo tabalakutika kuli ye nokwishiba ifyo akocita?'' ⁵² Kabasuka no kulabila kuli ye, ''Nawe wafuma ku Galili? mufwalishe nokubona ati tapapo kasesema uukofuma ku Galili.'' ⁵³ Lelo bonse kabaya ku mananda yabo.