1 Panuma ya mfi fintu, Yesu aile kwishilya lya Bemba waku Galile, nakambi itwa Bemba wa Tiberias. 2 Ibumba ilikulu lya likumukonta ye pantu lyalibwene ifishibilo ifyo alikucita kuli mbo abali abalwele. 3 Yesu kaya paulu lya lupili na palya kaikala pashi na basambi bakwe. 4 (Nomba icakucilila, umutebeto waba Yuda, wali mupepi.) 5 Ulo Yesu aloleshe kwiulu no kubona ibumba ilikulu likoisa kuli ye, kalabila kuli filipi, ''Kati nikwisa tukoshita po mufuba pakuti mba bangalya? 6 (nomba Yesu alabile mfi pakwesha filipi, pantu ye umwine alishibile ifyo ali no kucita.) 7 Filipi kamwasuka, ''Indalama imyanda ibili ukushita umufuba tashaku mane po pantu cina umo kuti akwate nangu utunono.'' 8 Umo pabasambi, Andileya, ndume wa kwa Simone Petro, kalabila Yesu. 9 Pano pali abalumbwana pano ukwete imifuba ya baile ne sabi libili, elo findo mfi bengi? 10 Yesu kalabila, ''ikalikeni abantu panshi, ''Nomba kapali isani ifingi pali njilya cende. Eco abalalume baikele panshi kwati impendwa amakana yasano. 11 Elo Yesu abulile imifuba no kutotela panuma, apele na kuli mbo abaikele kacita na cimo ceka na kuli sabi, nge fyo balikufwaya. 12 Ulo abantu baikutile kalabila kubasambi bakwe, ''Longa nyeni ubufungau ubwa shalapo pakuti pelubapo nangu cimo.'' 13 Eco kabalonganye no kwisusha imiseke ikumi limo na libili ubufungau ukufuma kuli Barle imifuba isano ifya shelepo kufyo balile. 14 Nomba Ulo abantu bakwene imfi fishibile nfyo acitile, kabalabila, ''Inci mucishinka ni kasesema ngo ukoisa pano isonde.'' 15 Ulo Yesu ailwike ukuti bali mu kwisa no kumwika ku maka ku kumupanga imfumu kafumako nakambi kaya kulupili kulwakwe euka. 16 Ulo bwafikile icungulo, abasambi bakwe kabatentemukila kuli bemba. Kaba nina mu bwato, no kuya kwishilya lya ku bemba ku kapernaum. 17 Pali fitile pali njilya nshita, na Yesu ninshi talaisa po kuli bo. 18 No mwela ukulu wali kupupa, na bemba ali kwimwa amabimbi. 19 Ulu baomela kwati amakumi yabili na yasano nangula amakumi yatatu intanfu, kababona Yesu akoyenda pali bemba akoisa mupepi ku bulato kabofwa umwenso. 20 Elo alabile kuli bo, ''NIne! mwiba no mwenso,'' 21 Elo balikufwaya ukumopokelela mubwato, na pekapo ubwato kabufika ku mulundu uko bali kuya. 22 Akasuba kakokelepo, ibumba ilya iminine kwishilya lya bemba kabaona ulu takwalipo ubwato bumbi kamofye bumo, ulo Yesu talaingila na basambi bakwe ulo abasambi baile benka. 23 Nangu cibe nfyo kwali ko nayambi amato ayaishile ukufuma ku Teberial mupepi ne cende uko balile imufuba panuma shikulu atotele. 24 Ulo ibumba lya bwene nangu Yesu nangula abasambi bakwe tabako nabo abene baninine mubwato nokuya ku caperunaulu mukufwaya Yesu. 25 Panuma ba musanga kwishilya lya ku bemba, kabalabila kuli ye, Rabi, ni lwisa mwishile nkuno?'' 26 Yesu kaasuta kuli bo ukulabila ''mucishinko mucishika ukofwaya ne te pantu mwa bwene ifishibilo pantu mwalile imufuba no kwikata. 27 Mwi bombela po icakulya ico naika, nomba bombeleni icakulya icikalilila ku mweo wa muyayaya eco mwana wa muntu ntu mupa, pantu Lesa wishi eko abika icikakatiko cakwa paye. 28 Elo Balabnile kuli Ye, ''Nga kanshi tukocita shoni, pakuti fye tulebomba imilimo ya ku Lesa?'' 29 Yesu kaasuka no kulabila kuli bo, ''luyi emilimo yaku Lesa; ukuti mwe musumine mulim ngo uo atumine.'' 30 Nabo kabalabila kuli ye, ''Fyakubwenako ndo muko cita pakuti fye tubone no kusumina mwe? Findo mwakuciku cita? 31 Bata wesu balile mana mumatololo nge fyo calembwa, Aba pele mufuba kwi ulu ukulya.'' 32 Elo Yesu ayasukile bo, ''cishinka cishinka. Te Mose po amupele mwe umufuba mwi ulu, ulo ni Bata bandi abakomupa mwe umufuba uwa cine ukufuma kwi ulu. 33 Pantu mufuba wa Lesa ningo upona ukufuma kwi ulu no kupa umweo kwi sonde.'' 34 Eco kabalabila kuliye mwe mfumu muletupa ngu mufuba lyonse 35 Yesu alabile kuli ye, ''mwe mfumu muletupa nga mufuba lyonse. Yesu alabile kuli bo, ''Nine mufuba wa mweo; ye ngo wisa kuli ne takonfwepo isala, no ngo usumina muli ne takonfwe po icilaka. 36 NOmba ndimwebele mwe mwekwebesha muli mbwentamusumina po. 37 Bonse abo Bata bapela bakesa kuli na ngo uwaisa kuli ne nshaka mupose po. 38 Pantu na fuma kwi ulu, te kucita ubufwayo bwandi, nomba bufwayo wa ngo uwantumine. 39 Imfi ebufwayo bwa ngo uwantumine kuti nilufya po nangu umo pali mbo ampele, elo kemwe mbo pa kasuba mwakulekelesha. 40 Pantu mbu ebufwayo bwa kubata ukuti uli onse uwabona umwana no kumusumina muli ye akukwata umweo wamuyayaya nakambi nakumwimya na pasuba ka kulekelesha. 41 Elo aba Yuda bala mu ngwinta pantu alabile, ''ndi mufuba ngo uwaika ukufuma mwi ulu.'' 42 Kabalabila napo te Yesu uwana wakwa YOsefu, ngo wishi na nyina twaishiba? Mba ndi nomba alabila, ''Naika ukufuma kwi ulu?'' 43 Yesu kabasuka no kulabila kuli bo, ''Lekeni ukuingwingwisha palwanu mweka, 44 Taku po ungesa kuli Sembi fye Bata abatumine bamukula, nande kamwibya pakasuba bwa kupelako. 45 Calembwa muli bakasesema, ''Bonse bakufundwa kuli Lesa, Onse uwaumfwa no kusambilila ukufuma kuli Bata esa kuli ne. 46 Tekweba po uli onse alibona Bata kano fye ngo uwafuma kuli Lesa ye abona Bata. 47 Cishinka, cishinka ngo usumina aba no mweo wamuyayaya, 48 Nine mufuba wa mweo. 49 Bashinwe balile mana mu matololo, no kufwa. 50 Ngu e mufuba ngo wika ukufuma kwi ulu, ukuti umuntu kuti alyako no kana umfwa. 51 Ne ndi mufuba uwikalila ngo uwika ukufuma kwi ulu. Uli onse nga alyako kuli ngu mufuba, ye akwika lilila, mufuba no nakupamubili wandi pantu mweoi wa pe sonde. 52 Aba Yuda kabafulwa palwabo beka no kutanpa ifitala, ukulabila, ''mba kati uya muntu angatupa shani umubili wakwe ukuti tulwe?'' 53 Elo Yesu alabile kuli bo, ''Cishinko cishinka, nga tamulile umubili wa mwana wa muntu no kunwa umulopa wakwe ta mwakakwate po mweo palwenu mweka. 54 Onse ngo ulya umubili wandi no kunwa umulopa wandi ali no ushipwa na ndi kamwimya pa kasuba kakupelako. 55 Pantu mubili wandi cakulya cine, no mulopa wandi cakunwa cine. 56 Ngo ulya mubili wandi no kunwa mulopa wandi ekalilila muli ne na ndi muli ye. 57 Nge fyo Bata aba mweo batumine, na nde bo ndi no mweo pa mulandu wa ku Bata na Ye uwa ndya naye akaba nomwe pamulandu wa nebo. 58 Ngu emufuba uwaikile ukufuma kwi ulu, te nfilya bashinwe balile no kufwa. Yes ngo ulya ngu mufuba akuba no mweo muyayaya. 59 Nomba Yesu alabile nfi fintu mu Singogi ninshi akosambilisha mu kapenaumu. 60 Elo abengi abasambi bakwe abaumfwile imfi alabile mfi kulabila ukukateshe, nani anga cumfwa? 61 Yesu, pa mulandu wakwishiba ifyo abasambi bakwe bali ku ngwinta pali mfi kalabila kuli bo, ''Napo nci camukalifya? 62 Elo kanshi cikoba shani nga mwabona umwana wa muntu ako ima akoya uko ali kale? 63 Mupashi eulenga ukuba nomweo, umubili tawafwapo icili conse ifyebo nfyo na landa kuli mwe mupashi, nakambi emweo. 64 Cibe bambi muli mwe abatasumina po, ''Pantu Yesu aishibele ukufuma kutatikelo mbo abatakasumine po na ngo uwaku mupilibukila. 65 Kalabila, pa mulandu mfi nalabila kuli mwe takupo ungesa kuli ne kamo fye capelwa kuli ye kuli Bata. 66 Pamulandu wa mfi abasambi bakwe abengi kabafuma po nakambi tabayendele po nakwe, 67 Elo Yesu alabile kube kumi limo nabili, '' Napo namwe mukomfwaya ukuya, napo? 68 Simoni Petro kamwasuka mwe mfumu nikuli tunga ya? mwe mulibwete ifyebo fya mweo wamuyayaya, 69 na fye twalisumina nokwisa mukwishiba ukuti mwe muli ba mushilo wa ku Lesa.'' 70 Yesu kalabila kuli bo, ''Napo shamusalile po mwe kumi nabili, na umo pali mwe ni kasebanya?'' 71 Nomba alabile pali Yuda mwana Simoni Iskariote, pantu ali niye umo uwa pa be kumi nabali, uwa ku mufutuka Yesu.