1 Nomba ulo Yesu alikupita kabona umuntu uwali mpofu ukufuma ku kufyalwa. 2 Abasambi bakwe kabamwi pusha, ''We musa mbishi nani abifishe, ngu muntu nangu aba fyashi bakwe, pabute angafyalwa mpofu?'' 3 Yesu ka yasuka, ''Tengupo ngu muntu nangula abafyashi, nomba nipakute umulimo waku Lesa usokolole muli ye. 4 Tufwile ukuleta umulimo wa ngo uwantu mine ulo ku cili akasuba. ubushiku bukoisa ulo takupo nangu umo unga bomba. 5 Ulo icili mu calo, ndi lubuto lwa calo,'' 6 Panuma Yesu alibile mfi fintu fintu kashipila panshi, kapanga amatipa na mate no kushinga amati pa mumenso yakwe. 7 Kalibila kuli ye, ''Koya kasambe mwi shiba lya Siloam,'' (ilipilibula ''ukutumwa'') Kanshi umuntu kaya kasamba, no bubelako akobona. 8 Elo abena mupalamino bangu muntu nambo aba mubwene kunuma nga kalomba lomba bali kulabila, ''Napo tengupo muntu uwali kwikala bwaka no kulomba?'' 9 Bambi kabalabila, ''Ee ye Nabambi kabalabila, ''Awe kubate niye'' Nomba kalabila, ''Nine'' 10 Kabalabila kuli ye kanshi aisukile shani amense obe?'' 11 Kabasuka, ''Umuntu uwitwa Yesu asakupanga amatipa no kushinga mu menso ande nokulabila kuli ne, koya ku Siloam no kusamba, elo naile nokusamba no kupokelela ukubona kwandi.'' 12 Kabalabila kuli ye, ''Alipi?'' ka yakula, nshishibilepo?'' 13 Kabaleta umuntu uwali mpofu ku ba Phalisee. 14 Nomba cali nipe sabata ulo Yesu apangile amati pa nokushibula amenso yakwe. 15 Elo nakambi aba Phalisee kabamwipusha ifyo apokelele ukubona kwake. kalabila kuli bo, ''Ashingile amatipa pa mense yandi, kasamba, nandi nkobo na nomba. 16 Bambi aba Pharisee kabalabila, Ngu muntu tafumapo kuli Lesa pantu tasungapo isabata, ''Bambi kabalabila, mba umuntu mbifi anga cita ifishibilo fya mushobo ngu?'' Eco kanshi kapaba akapatulula pakati kaku bo. 17 Eco kabafumba mpofu nakambi, ''Findo ukolabila pali ye nakambi apo akwisele amenso yobe?'' Mpofu kailabila, ''Ngu ni kasema.'' 18 Nomba aba Yuda bali taba uminepo pali ye ukwebati al mpofu na kambi alipokele ukubona kwakwe mpaka ulo baita aba fyashi bango uwa pokelele ukubona. 19 Kabafumba abafyashi bake, ''Napo engu umwana mwalabile uwa fyele mpofu?'' Nindo nomba akobwena?'' 20 Eco abafyashi bakwe kaba basuka, ''Tulishibile ukwe bali ngu mwana wesu nakambi afyelwe mpofu. 21 Ifyo akobwena, Tatwishibilepo, no wa mwiswile amenso, tatwishebilepo. mufumu beni, mukulu. kunti ailabila umwine.'' 22 Abafyashi bakwe balabile mfi fintu, pantu balikutina aba Yuda. Pakuti aba Yuda bali sumini nshenye kale ukebate nga ulu onse anga yebelela umwine ukuba Klistu, bakumuposa kunse ye sinagoge. 23 Pamulandu wanci, abafyashi bakwe kabalabila, ''ngu mukulu, mu fumbeni.'' 24 Kanshi pamuku wacibile kabeta umuntu uwali mpofu uo kulabila kuli ye. ''Pela ubukata kuli Lesa. Twishibile ukwebate ngu muntu nimbifi. 25 Elo ngulya muntu ayasukile, ''Nshishibelepo kati ni mbifi, icintu cimo njishibile, nali mpofu nomba nkobona. 26 Elo balabile kuli ye findo asakucita kuli we? Asa kwilula shani amense yobe'' 27 Ka yasuka, ''Ndi mwebele kale, nokuketika iyo! Nindo mukofwaila ukumfwa nakambi? Tamuko twayapo ukuba abasole bakwe name, Tamuko fwaya tee? 28 kabamutuka no kulabila, uli musole wakwe, nomba fwe yule basole baku Mose. 29 Tuli shibile ukwebate Lesa ali labila kuli Mose, nomba tatwishibilepo uko ngu munfu afumine.'' 30 Ngu muntu ka yasuka nokulabila kuli bo, Nchi cakushi mbwisha ukuti tamwishibilepo uko afuma, nomba kaisula amense yandi. 31 Twaisheba ukwebati Lesa takutikapo ku membu, no mba kate umo aipelesha no kucita ukufwaya kwa ku ye, alaku tika kuli ye. 32 Apo icalo catalikila tacatala acumfwikapo ukwebati uuli onse aisula amesno ya muntu uwafyalwa mpofu. 33 Kate ngu muntu tafumapo kuli Lesa, tekutipo acite icili conse.'' 34 Kabasuka no kulabila kuli Ye,'' Wa fyalikelwe umupwilapo mu lubembu bakambi uko tusambisha fwe?'' Elo ba mutamfishe kunse. 35 Yesu kaumfwa ukwebate batimufamfishe kunse ye singoge. Kamusanga nokulabila, ''Walisumina mu mwana wa muntu?'' 36 Ye alimwasukile no kulabila, ''Mba ye nani mwe mfumu pakete ninga ''cetekela muli Ye?'' 37 Yesu kalabila kul ye ali mubwene, nakambi niye uko labila nawe.'' 38 No muntu kalbila, ''we mfumu na cetekela elo amutotele. 39 Yesu kalabila, ''Naisa mucalo mukupingula pakuti mbo abatabona bangabona elo mbo ababona bangaluka mpofu.'' 40 Bambi aba Phalisee abalinankwe baumfwile mfi no ku mufumba, ''Napo nafwe tuli mpofu" 41 Yesu alabile kuli bo kate mwali mpofu, tekutipo mube no bubifi, nomba mukolabila, ''Tukobona, kanshi ulubembu lebelele.''