¹ Nomba kumaca pa kasuba kakwambilapo mumulungu ulo kucili kulifitile, Maliya magalena aishile kumanda nobona ilibwe lilifuminepo pamanda ² Eco alibuntukile nokwisa kuli Simoni Petelo naku musambi umbi uo Yesu atemene, Alilabile nakulibo ati,'' Balipitile imfumu ukufumya mumanda, ta twishibilepo noko babikile.'' ³ Elo Petelo nimusambi umbi ba fumine, balikuya na kumanda. ⁴ Bonse kababutukila pamo, nomusambi umbi kabutukisha ukucila Petelo nkwambilapo ukufika pamanda. ⁵ Epakwimakana, alibwene insalu shamingoloshi mulya nomba taingilepo mukati. ⁶ Elo Simo Petelo afikile panuma nokwingila mu manda, Abwene insalu shamingoloshi shilitele mulya Nansalu iyali kumutwi wakwe. ⁷ Tayalelepo nensalu shami ngoloshi yo yali ifungenye muncende iyine. ⁸ Elo umusambi umbi uwayambilepo ukufika pamanda alingile mukati naye, alibwene nokucetekela. ⁹ Pantu ukufika napalinjo nshinta tabaishibilepo icalembwa ati alingile ukubuka ukufuma kubafwa. ¹⁰ Eco abasambi balibwelele kumushi nakambi. ¹¹ Nomba Maliya balimakene panse yamanda akolila. Ulo alilile aingile mumanda. ¹² Abwene bamalaika babili ababutile balikele umo kumutei, naumo uko amolu yakwa Yesu yali. ¹³ Balabile kuliye ati, ''wemwana kanshi nindo ukolilla?'' Alabile kulibo ati, ''pantu balipitile imfumu yandi elo nshi shibilepo noko bamubikile.'' ¹⁴ Ulo alabile mfi alipilibukile nokubina Yesu alimakene mfi lya nomba taishilepo ati alini Yesu. ¹⁵ Yesu alabile kuliye ayi, ''Wemwanakashi nindo uko lilla? Nanani ukofwaya?'' Alangukile ati mubomfi wamwibala, eco alabile kuliye ati, ''Nyanimwe mupitile imfumu, njebeni uko muibikile, nkoipita.'' ¹⁶ Yesu alabile kuliye ati, ''Maliya.'' Alipilibukile noku labila kuliye muci Hebele ati, ''Rabele ati, 'Raboni'' (ekulabila ati,''Wemusambishi'') ¹⁷ Yesu alabile kuliye ati, ''Windikatapo, pantu nshilaya kuli tata, nomba kabiye kundume shandi nokulabila kulibo ati nkoya kuli tata na wishinwe, Lesa wandi kabili Lesa wenu.'' ¹⁸ Maliya magadalena alishile nokweba abasambi ati, ''Ndibwene imfumu, ''Ele ati alilabile namfi kuli ye. ¹⁹ Icungulo palinko kasuba, akasuba kakwembilapo mumulungu, ifiseko fyalikomenwe ukwali aba sambi pakutina aba Yuda, Yesu alishile nokwimakanapa kati kabo nokulabila kulibo ati, ''Umutende kuli mwe.'' ²⁰ Panuma yakulabila mfi alibalangile imine yake na mumbali yakwe. Abasambi balitemenwe ulo babwene imfumu. ²¹ Elo Yesu alabile kulibo nakambi ati, ''Umutende kulimwe,'' Fyeka efi tata antumine efyo nande nkomutuma.'' ²² Ulo Yesu alabile mfi alibapemene nokulabila kuli bo ati, ''pokeleleni umupashi wamushilo. ²³ Ebo mwabelela uluse membu shabo baku belelwa uluse; ebo mwakusungila membe shabo, shakusungwa.'' ²⁴ Toma uwapabekumi nababili uwitwa ati Dimasi tali po nabo ulo Yesu aishile. ²⁵ Panuma abasambi bambi balabile kuliye ati, ''Tulibene imfumu, ''Alabile kulibo ati, ''Nganshibwene muminwe yakwe imikofu yamisomali, no kwingisha icikumo candi mu mikofu ya misomali nokwingisha iminwe yandi mu mbali yakwe, nshacetekelepo.'' ²⁶ Panuma yanshiku cine konse konse abasambi bakwe bali mukati nakambi, Toma naye ali nabo. Yesu alishile ninshi ifiseko filisalikile, alimakene napalibo, nokulabila ati, ''umutende kulime.'' ²⁷ Elo alabile Toma ati, ''Njikata necikumo cobe nokubona iminwe yandi. Njikata neminwe yobe nokwikata mu mikofu yandi. wibapo utacetekele, cetekela.'' ²⁸ Toma alyasukile nokulabila kuliye ati, ''Mwe mfumu yandi kabili mwe Lesa wandi.'' ²⁹ Yesu alabile kuliye ati, ''Pantu wambona wacetekela. Abashukile nimbo aba cetekela ulo batalabona.'' ³⁰ Nomba Yesu alicitile ifishibilo ifingi pamenso yabasambi ifishibilo ifi talembwa po muli nci citabo, ³¹ Nomba mfi fyalilembwa pakebati mu cetekele ati Yesu ee Klistu, umwana wakwa Lesa, pakwebati amwa cetekela mungakwatubumi mwishina lyakwe.