1 Elo pilato apitile Yesu nokumupama, 2 Abashilikale balukile icisote camfunga. Bacifwikile kumutwi wakwa Yesu nokumufwika ilaya lyakolokondwe. 3 Baishile kuliye nokulabla ati, ''Bobe, imfumu yabo Yuda!'' Kabamupama nokumupama. 4 Elo pilato alifumine nakambi nokulabla kulibo ati, ''Boneni, nkomufunisha kulimwe pakwebati mwishibe ati nshisangilepo icilubo muliye.'' 5 Eco Yesu alifumine, alifwele necisoti camfunga ne laya lyakolokondwe. pilato alabile kulibo ati, ''Boneni umuntu ngu!'' 6 Kanshi ulo bashimapepo abakulu nabashilikale babwe ne Yesu, balililile nokulabila ati, ''Mukulikeni, mukulikeni!'' Pilato nshingilemo icilubo muliye.'' 7 Aba Yuda balimwasukile ati, ''Twalikwata ifunde, nokuko nka nefunde ndilya alingile ukufwa pantu kaitunga ukuba umwana wakwa Lesa.'' 8 Ulo Pilato akutikile mfi fyebo alitunineko, 9 Aingile namucipango cabuteko nakambi nokulabila kuli Yesu ati, ''Nipi ufumine?'' Nomba Yesu tamwasukilepo. 10 Elo Pilato alabile kuliye ati, ''Taukolabilapo kuline? tawishibilepo ati ndikwete amaka yakukukakula, namaka yakukutanika?'' 11 Yesu alimwasukile ati, ''Tamukwetepo amaka paline kano ngayapelwa kulimwe ukufuma kwiulu. Eco kanshi upele nebo kulimwe alikwete ulubembu ulukulu.'' 12 Palimbu bwasuko, Pilato alikufwaya ukumukakula, nomba aba Yuda balililile nokulabla ati, ''awakakula ngu muntu taupo cibusa wakwa kaisale. Onse uuipanga imfumu alabila ifibi pali kaisale.'' 13 Ulo pilato akutikile nga mashiwi aletele Yesu panse nokwikala mucitebe cabupingushi muncende litwa, ''Apakambatikwa amabwe, ''Nomba muci muci Hebele itwa ati, ''Gabata.'' 14 Nomba kali kasuba kakupekanya icakucilukila, pansa iyalenga munta, pilato alabile kuba Yuda ati, ''Boneni imfumu yenu nji!'' 15 Balililile, ''mufumyeni apa, mufumyeni apa; mukulikeni!'' Pilato alabile kulibo ati, ''Bushe nkulike imfumu yenu?'' Bashi mapepo abakulu balyasukile ati, ''Takwatapo imfumu kano kaisale.'' 16 Elo Pilato apele Yesu kulibo mukumuku kulika. 17 Elo bapitile Yesu, naye alifumine ukuipitila umusalaba umwine kucende uwitwa, ''Incende yamafupa njo itwa muci Hebele ati, Gologota.'' 18 Bakulikile Yesunkulya naba lalume babili, cina umo kulubali lumbi na Yesu pakati. 19 Pilato alilembele necishilo nokucibika pamusalaba. mpalya palembele ati, ''Yesu waku Nasaleti, imfumu ya ba Yuda. 20 Aba Yuda abengi kababelenga nci icishibisho pantu incende uko Yesu akulikilwe yali apepi no musumba. Iciciliki. 21 Elo bashi mapepo abakula ababa Yuda balabile kuli Pilato ati, ''Mwilembapo ati, ''mwilembapo ati, 'Imfumu yaba Yuda kano ati, ''Ngu alabile ati, ''Ndimfumu yaba Yuda.'' 22 Pilato alyasukile ati, ''Ifyo ndembele ndilembele'' 23 Ulo abashilikale bakulikule Yesu, balipitile ifya kufwala fyakwe, ukufyabamya mufyakaniko fine, cina mushilikale icakanika cimo, no mwingila. Nomba umwingila tawakwetepo mulundo wabililwe bwaka icipimfya cimo ukufuma pamulu. 24 Elo balabile kuli cina umo ati, ''Tuule pulapo, katuuteye bwaka tubone ukoba waku nani, '' Ncikacicitika pakwebati icalembwa cingafikilishiwa icalabile ati, ''Balyabene insalu shandi nokuteya icipendwilo icakufwala candi.'' Mfi efyo abashilikale bacitile. 25 Nomba abaimakene kumbali yamusalaba wakwa Yesu bali ni nina, nankashi yakwa nina maliya muka kileopasi na maliya Magadalena. 26 Ulo Yesu abwene nina no musumba uo atemwenwe ba limakene mupepi alabile kuli nina ati, ''We mwanakashi bona umwana obe!'' 27 Elo alabilae kumusambi wakwe ati, ''Bona noko!'' ukufuma palino nsa umusambi alimupitile kunanda yakwe. 28 Panuma yamfi pkwishiba ati fyonse kafishilile nefyalembwa fingafikilishiwa, Yesu alabile ati, ''Ndinecilaka.'' 29 Icipe icaiswilemo umwangashi uubilile kacibikilwe nkulya, 30 Eco elo Yesu apokele umwangashi uubile alabile ati cilishilile akontamiko mutwe nokuleka ubumi. 31 Elo aba Yuda, pantu kali kasuba kakupekanya elo nokwebati imibili tekutipo ishale pamusalaba pesabata (pantu makamaka ndilya isabata lyali ilicindeme) kabafumba Pilato ukutoba amolu no kubafumyapo. 32 Elo abashilikale baishile nokutoba amoluya muntu waku balipo nayawakonkelepo aba kulikilwe na Yesu. 33 Ulo baishile kuli Yesu, balibwene ati alifwile kabela, eco tabatobelepo molu yakwe. 34 Eco kanshi, umo pabashilikale amulashile kumbali yakwe no musumba napekampo umulopa na menshi kafifuma. 35 Uwabwene mfi alipele bumboni na bumboni bwakwe bwacine. Ashiba ati ifyo alabile fyacine pakwebati namwe mucetekele. 36 Pantu mfi fintu fyacitikile pakwebati icilembwa cifikilishiwe ilyakwebati, ''Tapakatobekepo ifupa lyakwe nangu limo.'' 37 Nakambi, icalembwa nacimbi cilabila ati, ''Bakulolesha paliye uo balashile.'' 38 Panuma yamfi fintu Yosefe umwina Alimate apo ali musambi wakwa Yesu, (nomba nimubumfisolo pakutina aba Yuda). afumbile Pilato kati angafumyapo umu bili wakwa Yesu. Pilato kamupa ulunsa. Eco Yosefe alishile nokufumyapo umubili wakwe. 39 NIcodimasi naye alishile, ngulya uwaishile kuli Yesu ubushiku pakwamba. Aletele ifisankene muli na aloe kubali kulema kwa ba Pandi umwanda umo. 40 Eco babulile umubili wakwa Yesu noku ufungila munsalu sha mingoloshi nefya bwema ubuweme fyeka ifyo ifunde lyaba Yuda lyali ukushika imibili. 41 Nomba mucende umo akulikilwe mwali ibala; na mwibala mwali imanda yabwangu umutashikilwepo umuntu. 42 Pantu kali kasuba kakupekanya kuba Yuda elo ne manda yali apepi, balilalikilemo Yesu.