1 Panuma Yesu alabila nga mashiwi alifumine naba sambi bakwe ukuya ku bushilya lyanika ya Kediloni, nko ukwali ibala umo ye aingile na basambi bakwe. 2 Nomba Yuda, uwali nokumufutuka, naye alishibile incende, pantu ilingi Yesu alikukumana nabasambi bakwe nkulya. 3 ElyoYuda, atangulwile ibumba lyabashilikale ukufuma kuli bashimapepo abakulu naba Falise, baile nkulya nemyenge bakoloboi nefyanso. 4 Nomba Yesu, awashibile ifintu fyonse ifyalikucitika kuliye alile pantanshi, nokubafumba ati, ''Ninani mukofwaya?'' 5 Balimwasukile ati, ''Yesu umwina Nasaleti.'' Yesu alabile kulibo ati, ''Nine'' Yuda, uwamufutukile, naye kaimakene na bashilikale. 6 Kanshi ulo alabile kulibo ati, ''Nine, ''balile kunuma nokuwa panshi. 7 Elo nakambi alibafumbile ati, ''Ninani mukofwaya?'' Nakambi balilabile ati, ''Ni Yesu umwina Nasaleti.'' 8 Yesu alyasukile ati, ''naimwebele ati, Nine. kanshi kati mukofwaya nebo, lekeni mba baye.'' 9 Nci cali kufikilisha ishiwi ilyo alable ati, ''Palimbo abo mwampele , nshalufishepo nangu umo.'' 10 Elo Simoni Petelo, uwakete icimaye asolomwene nokukoma umubomfi wa kwa shimapepo umukulu nokuputula ukutwi kwakwe ukwa kukulyo. Nomba ishina lyamubomfi ali ni Maochasi. 11 Yesu alabile kuli Petelo, ati, ''Bwekesha icimaye umo cikala. Bushe tekuti nwepo kunkomaki iyo tata ampele?'' 12 Kanshi ibumb lyabashilikale no mukulu wabashilikale, nabashilikale baba Yuda, Balikete Yesu nokumukaka. 13 Babalilepo ukumutwala kuli Anasi, pantu ali mupo ngoshi wakwa kayafashi, uwali shimapepo umukulu ngulya mwaka. 14 Nomba kayafashi uwapelwe bumpandamano kaba Yuda ati cingawamapo umuntu umo ukufwila abantu. 15 Simoni Petelo alikonkele Yesu, naumbi umusambi naye kakonka. Nomba ngulya musambi kaishibikilwe kuli Shimapepo umukulu, nokwingila kaingila na Yesu mu cilye cakwa shimapepo umukulu; 16 Nomba Petelo alimakene pamulyango panse. Kanshi umusambi umbi uwashibikilwe kuli shimapepo umukulu, alifumine nokulabila ku walikusunga umulyango, aliletele na Petelo mukati. 17 Elo umubomfi umwanakashi, kasunga wamulinyango, alabile kuli Petelo ati, ''Bushe nawe taulipo musambi uwakulingu muntu? kalabila ati, Tenepo.'' 18 Nomba ababomfi nabashilikale balimakene mpalya, balikunkile no mulilo wamalasha, pantu kakutalele balikukafya abene Petelo naye ali nabo, alimakene mpalya naye akoikafya. 19 Shimapepo umukulu kafumba Yesu pabasambi bakwe napa masambilisha yakwe. 20 Yesu Kamwasuka ati, ''Nalilabila pabwelu ku calo. Naliku Sambilisha lyonse mumasunagoge na mwitempele emo aba Yuda bonse besa pamo. Tapapo ico nalabile mubumfisolo. 21 Nindo mukomfumbila? Fumbenimbo abankutika pafyo nalabile. Beneni , mba bantu balishiba ifyo nalabile.'' 22 Ulo Yesu alabile mfi umbi pabashilikale abaimakene mpalya, apamine Yesu nokulabila ati, ''Efyo wingasuka shimapepo umukulu mfyo?'' 23 Yesu kamwasuka ati. ''Kati nabifya ukulabila, nshinina pa cilubo, nomba kati ndibwaka, nindo wampamina?'' 24 Elo Anasi amutumine alikakilwe kuli kayafasi shimapepo umukulu. 25 Nomba Simoni Petelo alimakene akoikafya. Abantu nakambi balilabile kuliye ati, ''Tali nawe ulimusumbi wake?'' 26 Aikene nokulabila ati, ''Tenepo.'' Umbi pabasambi bakwa shimapepo umukulu uwali lupwalwa mwalalume uo Petelo aputwile ukutwi, alabile ati, ''Bushe nshakubwepo mwibala naye?'' 27 Nakambi Petelo kakana; Pekapo na tambala alililile. 28 Elo batwele Yesu ukufuma kuli kayafashi ukumu twalaku ciputulwa cabuteko. Lwali lucelo kumaca, tabaingilepo na mumuputule wa buteko pakebati bekoweshiwapo kano ukwebati balya kakucilukila. 29 Kanshi Pilato alile kulibo nokulabila ati, ''Cilubo ndo mukomupangu muntu?'' 30 Balyasukile nokulabila kuliye ati, ''Ngu mwalalume ngata likucitapo ifibipile ngatatwamuletelepo kuli we.'' 31 Eco kanshi Pilato kalabila kulibo ati, ''Mupiteni mwebene nokumupingula ukulingana nefunde lyenu, ''Aba Yuda balabilekuliye ati, ''Tefundepo fwe ukwipaya umuntu uuli onse.'' 32 Balabile mfi pakwebati ishiwi lyakwa Yesu lingafikili shiwa ilyo alabile ukulanga nimfwando angafwako. 33 Elo Pilato aindile mucipango cabuteko nakambi nokukuta Yesu, alilabile nakuliye ati, ''Bushe ulimfumu yaba Yuda?'' 34 Yesu ayasukile ati, ''Bushe ukoilabilila bwaka palobe nangu bambi balilabile kuli paline?'' 35 Pilato ayasukile ati, ''Nshipo muyuda, bushe ndimu Yuda? Abantu bobe nabashimapepo abakulu ebakuletele kuline. Nindo ucitile?'' 36 Yesu alyasukile ati, ''ubufumu bwandi twabwamulincino calopo. Ibufumu bwandi ngabwali bwapali nci calo ababomfi bandi ngabalilwile pakwebati nepelwapo kuba Yuda. Nomba pantu ubufumu bwanadi tabwafumapo pano.'' 37 Elo Pilato alabile kuliye ati, ''Nomba bushe uli mfumu?'' Yesu ayasukile ati, ''Walabila ati ndi mfumu. Nipalinci nafyalwe, elo nipalinci naishile mu calo, mukulabila icine onse uwacine alakutika kwishiwi lyandi.'' 38 Pilato alabile kuliye, ''Icine cindo? ''Ulo alabilemfi alifumine nokuya kuba Yuda nakambi nokulabila kulibo ati, ''Nshisangilepo icilubo mulinyu muntu. 39 Nomba mwalikwata ifunde lyakumukakwila umuntu umo pacakucilukila. Nomba bushe mukofwaya mukakwile imfumu yaba Yuda?'' 40 Elo balilile nakambi nokulabila ati, ''Tengupo kano Balaba.'' Nomba Balaba ali ni Sakala.