¹ Panuma Yesu alabile mfi fintu, kainuka ka ceba amenso ake kwi ulu mokulabilati, ''Bata, inshita yafika, cindikeni umwana wenu pakwebati umwana amucindike mwe- ² Kubati fintu mwamupele amaka akuteka abntu bonse pakwebati ye anga pela ubumi bwape nape kuli babo bonse abo mwamupela. ³ Mbu ebumi bwape nape; ba mwishibe, mwe Lesa mwenka uwa cine, elo na oyo untu mwatumine, Yesu Klistu. ⁴ Nebo nalimucindika pano isonde. Ndipwile umulimo mwampele ukubomba. ⁵ Nomba Bata, ncindamikeni pacinso cenu kubucindami ubo nali nabo ninshi ne sonde talingapangwa. ⁶ Nafisulwile ishina lyenu kubantu abo mwampele ukufuma pe sonde. Bali abenu, elo mwa bapele kuli nebo, nakambi bali sunga ishiwi lyenu. ⁷ Nomba balishibile ati fyonse ifi mwanpela fyafuma kuli mwe. ⁸ Pakuti nalibapele fyonse ifyebo mwampele. Kaba fipokelela elo mu ca cine balishibile ati nafumine kuli me elo bashisumine ati, nimwe mwantumine. ⁹ Nko bapepelako. Nshikopepelapo aba pano isonde sombi babo abo mwa mpela, pantu bo benu. fyonse ifyandi fyenu, nefyeni efya ndi, elo nkocindamina muli bo. ¹⁰ Nshikotwalilipo ukuba Pesonde, nomba aba bantu bali mwisonde, elo nebo nkoisa kuli mwe. ¹¹ Bata mwebashila, mubasungile mwi shina lyenu ilyo mwampela pakwebati babe umo, kubati fintu tuli umo. ¹² Ulo nali nabo, nalikubasungila mwi shina lyenu. ili mwampele. Nali basasopele bonse, nakambi tapaonaiklepo nangaumo, ukufumyako bwaka umwana wa bonaushi [akebati amalembo akafikilishiwe. ¹³ Nomba nkoisa kulimwe, nomba nkolabila mfi fintu pano insonde pakwebati ba kwate isangalashi shandi shiule muli bo. ¹⁴ Nebo naliba pela ishiwi lyenu, elo ne sonde lilibapatile pantu bo tababapo bapali ndino isonde, kubati fintu nandebo tanshipo wapano isonde. ¹⁵ Nshikoipushapo mwe ukuba fumyapo pano isonde, sombi mwe ukuba sopako kumubifi. ¹⁶ Tabapo bapali ndino isonde, ¹⁷ kubati fintu nandebo taushipo wa pali ndino isonde. Mubawamye kwishiwi lyanu. ishiwi lyenu e cine. ¹⁸ Kubati fintu mwantumine mwi sonde, efyo nanebo nabatuma mwisonde. ¹⁹ Pamulandu wakuli mba nandebonaipa tula palwandi, pakwebati nabo abene baipatwile mu cine. ²⁰ Nshikopepelapo palo mba benka. Lelo nababo aba kusumina muli nebo ukupitila mwishiwi lyabo. ²¹ Pakuti babe umo, kubati fintu mwe, Bata, muli mulinebo, nandebo ndi muli mwe. Kanshi nabo babe muli fwe pakwebati Isonde lisumine ati nimwe mwantumine. ²² Ubucindami ubo mwampele, Nabupela kuli bo, pakwebati bo babe umo, kubati fintu fwebo tuli umo. ²³ Nebo mbe muli bo, namwe muli nebo pakuti ba kabebwaka umutima umo, pakwebati ne sonde elo lya kwishiba ati mwalintumine nakambi mwaliba temenwe kubati fintu mwa ntemenwe. ²⁴ Bata, nkofwaya babo abo mwapele kuli nebo nkabe nabo uko ndi, nokubona ubucindami bwandi, ubucindami mwampele pantumwantemenwe ulo ne calo citaliko. ²⁵ Nalilengele ishina lyenu ukwishibikwa kuli bo, ²⁶ nakambi nakulilenga lishibikwe pakwebati no kutemwa kuntu mwantemenwe kukabe muli bo elo nandebo nka be muli bo.