¹ Panuma yamfi fintu Yesu aliisokolwele nakambi kubasmbi panika ya Tibeyasi. Mfi efyo aisokolwele; ² Simoni Petelo alipamo na Toma uwitwa Dimasi, Nataeli ukufuma ku kana mu Galileya, abana ba kwa Zebed, nabasambi babili nabambi abakwa Yesu. ³ Simoni Petelo alabile kuli bo, ''Naya mukwipaya isabi.'' Balabile kuliye ati, ''Nafwe tukoya nobe, ''Balile nokwingila mubwato, nomba tabaiketepo nangu kamo ubushiku bonse. ⁴ Nomba ulo cali kumaca ulucelo Yesu aimakene pa mulu ndu nomba abasambi tabaishibilepo ati ali ni Yesu. ⁵ Eco Yesu kalabila kulibo ati, ''Mwe balumbwana napo muliketepo ifimungafya?'' Kabamwasuka ati, '' Awe.'' ⁶ Kalabila kulibo ati, ''Tameni isumbu lyenu kukulyo ka bwato, mukosangamo fimo, ''Eco kabatama isumbu lyabo tabakumanishepo nokutinta pantu kamuli isabi ilingi. ⁷ Nomba umusambi uo Yesu atemenwe kalabila kuli Petelo ati, ''Nimfumu,'' ulo Petelo akutkile ati nimfumu, kakaka insalu yakwe (pantu tafwi tepo). nokutama mu nika. ⁸ Bambi abasambi kabesa mubwato (pantu tabalipo). Nokuitama mu nika. Bambi abasambi kabesa mubwato (pantu tabalipo apatala mukile no mulundu, balikutinta nesumbu ilyaswilemo isabi. ⁹ Ulo bafumine pamulundu, kababona umulilo wa malasha mfilya nesabipo, nomufuba. ¹⁰ Yesu kalabila kulibo ati, ''Letenipo limbi isabi eli mwaikata.'' ¹¹ Simoni Petelo kanina nokutinta isumbu kumulundu kaliswile nesabi ilikulu, umwanda umo namakumi yasano nalitatu efilyali, nomba nagu lyafulilemfi, isumbu talyalepukilepo. ¹² Yesu kalabila kulibo ati, ''iseni mulye umwikulo.'' Tapapo umusambi uwamwi pwishepo ati, ''Niwe nani?'' kabeshiba ati nimfumu. ¹³ Yesu kaisa, kabula umufuba nokubapa, nesabipo. ¹⁴ Ngu walimuku wacitatu ulo Yesu aisokolwele kuba sambi panuma yakubuka ukufuma kubafwa. ¹⁵ Panuma yakulya umwikulo, Yesu kalabila kuli Simoni Petelo ati, ''Simoni mwana Yona, napo walintemwa ukucila mba?'' Petelo kalabila kuliye ati, ''ina mwe mfumu, mwalishiba sanina utwana twandi.'' ¹⁶ Kalabila kuliye nakambi ulwa cibili ati, ''Simoni mwana Yona, napo walintemwa?'' Petelo kalabila kuliye ati, ''Ina mwemfumu, mwa lishiba ati nalimutemwa.'' Yesu kalabila kuliye ati, ''Cema umukuni wandi.'' ¹⁷ Kalabila kuliye umuku wacitatu ati, ''Simoni mwana Yona napo walintemwa?'' Petelo kabombomana pantu Yesu kalabila kuliye imiku itatu ati, ''Napo walintemwa?'' kalabila kulye ati, ''Mwemfumu mwalishiba ifintu fyonse, mwalishiba ati, nali mu temwa.'' Yesu kalabila kuliye ati, ''Sanina utwana twandi. ¹⁸ Mu cine mucine, nkolabila kuliwe ati, ulo wali umulu mbwana, walikuifwika nokuya ukokofwaya, nomba ulo wakukota, wakwimya amaboko yobe, nomuntu umbi akukufwika nokukupita uko uta kafwaye kulya. ¹⁹ Nomba Yesu kalabila nci pakebati alange umu sango wamfwa iyo Petelo aku cindamikilamo Lesa. Panuma yakulabila mfi, kalabila kuli Petelo ati, ''Nkonka.'' ²⁰ Petelo kapinduluka nokubona umusambi uo Yesu atemenwe akobakonka, ekango uwashintamine muma kuli yesu pakulya icacungulo uwalabile ati, ''Memfumu, mba ninani wakumwalukila?'' ²¹ Petelo kamubona nokulabila kuli Yesu ati, ''Mwemfumu, findo ngu muntu akucita?'' ²² Yesu kalabila kuliye ati, ''Anatemwa ati ekalempa ka nkose findo kuli we nkonka'' ²³ Eco ngamashiwi kayapalangana pali buwabo ati ngulya musambi takafepo. Nomba Yesu talabilepo kuli Petelo ati umusambi takafwepo, kano ati, ''Anatemwa ati ekale nkese, findo kuli we?'' ²⁴ Ngu emusambi uwapa bumoni pali mfi fintu nowalembele mfi fintu, elo twalishiba ati bukamboni bwakwe bwacine. ²⁵ Kwaba ifintu ifingi ifyo Yesu acitile. fyonse ngafyalembelwe, nkobana ati necalo icine ngatacakumanishepo usunga ifitabo fyalembelwe.