¹ Panuma yanshiku shitatu, kamuli ubwinga mu kana waku Galileya nanina waku Yesu eko ali. ² Yesu nabasambi bakwe kababeta ku bwinga. ³ Ulo umwanangashi washilile nina waku Yesu kalabila kuliye ati, ''Tabakwetepo umwangashi,'' ⁴ Yesu kalabila kuliye ati, ''We mwanakashi, nindo waishila kuli ne? inshita yandi taingaisa.'' ⁵ NIna kalabila kubancito ati, ''Fyonse ifi alabila kuli mwe, citeni.'' ⁶ Nomba kakuli impoto shamabwe mutanda umwali amenshi ishalikubomba ukusambilamo aba Yuda cinampo yalikukwata amakono yabili nangu yatatu. ⁷ Yesu kalabila kulibo ati, ''Isushenimo amenshi mumpito, ''Eco kabesusha ukufika pamilomo. ⁸ Nakambi kaeba abancito ati, ''Bulenimo yambi nokutwala kumukulu, ''Eco kabacita. ⁹ Umukulu wabwinga kasonda amenshi ayayalukile umwangashi, nomba taishibilepo uko wafumine (nomba abancito abatapile amenshi balishibile). Nomba kaita shibwinga. ¹⁰ Noku labila kuliye, ''Umutu onse atampilapo ukupekanya umwangashi uweme elo abakolwa apekanya uutawemepo. Nomba we uli bikile umwangashi uuweme ukufika nduno.'' ¹¹ Nci cishibilo cakubalapo Yesu acitile mu kana waku Galileya, kasokolola na bucindami bwakwe, naba sambi bakwe kabacetekela muliye. ¹² Panuma yamfi Yesu, nina, bawakwe naba sambi bakwe kabaya ku kapanaumu kabekala nkulya inshi ku ishice. ¹³ Nomba icakucilukila icaba Yuda kacipalama, na Yesu kaya ku Yelusalemu. ¹⁴ Kasanga abalikushitisha imbelele naba piconi mwite mpele nabaliku shintula indalala kabekele mulya. ¹⁵ Eco kapama amabumba no kubasowa mwitempele, ukubikokofye nengómbe nembelele. kapalanganya namashekele yabakashintulo bandalama nokupala nganya amatebulo yabo. ¹⁶ Kubali kushitisha bapiconi kalabila ati, ''Fifumyeni mpani Lekeni ukupanga inanda yabata icisankano.'' ¹⁷ Abasambi bakwe kabebukisha ati kacilembelwe ati, ''ukupimba pananda yenu kwakundya.'' ¹⁸ Nomba abamaka aba Yuda kabasuka nokulabila kuliye ati, ''cishibilo ndo wakutulanga, apo uko citamfi fintu?'' ¹⁹ Yesu kayasuka ati, ''Bongololeni ndi itempele, namunshi ku shitatu nakulimya.'' ²⁰ Eco abayuda abamaka kabalabila ati, ''Ndi tempele kalyumakwa mumyaka amakumi yane namutanda, elo ukalimye munshiku shitatu?'' ²¹ Nomba alikulabila petempele lyamubili wakwe. ²² Panuma yakubuka ukufuma kubafwa abasambi bakwe kabebukisha ati kalabila mfi, kabacetekela nelembo nafi ifyo Yesu alabile. ²³ Nomba ulo ali Yelusalemu pa cakucilukila abengi kaba cetekela mwishina lyakwe ulo babwene ifishibilo ifi acitile. ²⁴ No Yesu tacetekelepo mulibo pantu kabeshibile bonse, ²⁵ Pantu talikukabilapo neli umo ukuba bumboni pamuntu, pantu kaishibile icali mumuntu.