¹ Pakutatika kwali ishiwi, neshiwi lyali pamo na Lesa neshiwi lyali ni Lesa. ² Ngu ali na Lesa pakitatika. ³ Ifintu fyonse fyapangilwe ukupitila muliye nokwabulaye tapapo cintu nangu cimo icapangilwe. ⁴ Muliye mwali ubumi nobumi bwali lubuto lwa bantu. ⁵ Ulubuto lwa sanika mu mfinshi nemfinshi tayalucimfishepo. ⁶ Kwali umuntu uwatuminwe ukufuma kuli Lesa ishina lyakwe ali ni Yoane. ⁷ Aishile kubati nimboni mukupa bakamboni pa lubuto, pakwebati bonse banga cetekela ukupitila muliye. ⁸ Yoane talipo lubuto nmba aishile pakwebati abe imboni palubuti. ⁹ Ulubuto lwacine ulupa ulubuto kubantu bonse twaishile mucalo. ¹⁰ Ali mu calo necalo capangilwe ukupitila muliye, necalo tacamwishibilepo. ¹¹ Aishile ku bake, nabakwe tabamupokelelepo. ¹² Nomba kubamupokelele, abacetekele mwishina lyakwe abapele ulunsa lyakuba abana baku Lesa. ¹³ Mba taba fyelwepo kumulopa, nangu kukufwaya kwa mubili nangu kuku fwaya kwa mwalalume kano ku kwa ku Lesa. ¹⁴ Ishiwi lyaishile kuba umubili nokwikala mulifwe. Twali bona ubucindami bwakwe, ubucidami kubati bwaumo mpo uwafumine kuli wishi, uwaishilamo uluse cine, ¹⁵ Yoane alipele bukamboni paliye nokulila, akulabila ati, ''Ngu eo nalabilile ati, uukoisa sapanuma yandi mukulu ukuncila, pantu eko ali ulo nebo nshila bako.'' ¹⁶ Pantu ukufuma kwa kwisula kwakwe bonse twalipokelela ukusenamina no luse. ¹⁷ Pantu ifunde lyapilwe ukupitila muli Mose. Uluse necine fyaishile ukupitila mu Yesu Klistu. ¹⁸ Tapapo uwabonapo Lesa; Lesa bwaka, uuli kulubali lwakwa wishi alilenga Lesa ukwishibikwa. ¹⁹ Mbu ebukamboni bwakwa Yoani ulo aba Yuda batumine bashi mapepo nabena Lebi kuliye uku fuma ku Yelusalemu mukumufumba ati, ''Niwe nani?'' ²⁰ Ali sokolwele-takenepo nomba ye alisokolwele ati tenepo Klistu.'' ²¹ Eco balimufumbile ati, ''Kanshiwe uli ndo? Niwe Eliya?'' Alilabila ati tenepo, '''Balabile ati, ''Niwe kasesema/'' Abasukile ati, Awe.'' ²² Natambi kabalabila kuliye ati, ''Niwe nani, pakwebati tukapele ubwasuko kulimbo abatutumine? Ukolabilapo indo pali we mwine?'' ²³ Alabile ati, ''Ndishiwi, ilikolila mumatololo ati: Ololoteni inshilaya mfumu; Fyeka ifya kasesema Eliya alabile.'' ²⁴ Nomba bambi ukufumu kuba Falise balibatumine, ²⁵ Kabamufumba nokulabila kuliye ati, ''Nomba nindo iyo ubatishisha kati tewepo Klistu nangu Eliya nangu kasesema?'' ²⁶ Yoane alibasukilenokulabila ati, ''Mbatisha ku menshi. Nomba mulimwe mulimakene umo uo mu teshibilepo. ²⁷ Eukoisa panuma yandi, nshilingilepo nokukakula intambo shapa nsapato shakwe.'' ²⁸ Mfifintu fyacitikile mu betani kwishilya lya Yodani, uko Yoane alikubatishisha. ²⁹ Akasuba kakonkelepo Yoane abwene Yesu akoisa kuliye nokulabila ati, ''Boneni, njilya nimbelele yaku Lesa iyipita amasambi ya calo. ³⁰ Ngu eo nalabilile ati, ''Uukoisa panuma yandi mukulu pali, pantu eko ali ulo nebo tala bako? ³¹ Nshamwibilepo, nomba icinaishile mukubatisha kamenshi pakwebati asokolokekubena Isreali.'' ³² Yoane alipele bumboni, ukulabila ati, ''Nalibwene umupashi ukoika ukufuma kwiulu kawikala na paliye. ³³ Nshamwishibilepo nomba uwantumine mukuba tisha mumenshi alabile ati, ''uo wakubona umupashi waika nokulabila paliye, eubatisha mu mupashi wamushilo. ³⁴ Ndibwene nokupa bukamboni ati ngu mwana wa ku Lesa.'' ³⁵ Nakambi akasuba kakonkelepo, ulo Yoane aimakene nabasambi bake babili. ³⁶ Babwene Yesu akopita, na yoane alabile ati, ''Boneni umwana wambelele wa ku Lesa! ³⁷ Abasambi bakwe babili balimwentikile akolabile mfi balikonkele na Yesu. ³⁸ Elo Yesu apilibukile nokubonabako mukonka nokulabila kulibo ati, ''Findo mukoka bila?'' Balyasukile ati, ''Labi'' (icakupilibula ati, wemusa mbishi'') ''Nipi wikala?'' ³⁹ Alabile kuli ati, ''Iseni mubone. ''Elo baishile no kubona uko alikwikala; baikele naye nkalya kasuba, pantu cali mukupalama kunse iyalenga ikumi. ⁴⁰ Umo pali babili uwakutikile Yoane ulo alabile noku konka Yeu ni Andileya, umukwabo wakwa Simoni Petelo. ⁴¹ Abalilepo ukusanga umukwabo Simoni nokulabila kuliye ati, ''Tulisangile umulubushi,''(icalikupilibula ati; Klistu). ⁴² Alimuletele kuliYesu, na Yesu aloleshe paliye nokulabila ati, Niwe Simom umwana wakwa Yoana. Walikwitwa ati kefasi'' (icalikupilibula ati Petelo). ⁴³ Akasuba kakonkelepo, ulo Yesu alikufwaya ukuya ku Galiye asangile Filipo nokulabila kuliye ati, ''Nkonka.'' ⁴⁴ Nomba Filipo ali waku Betisaido umusumba wakwa Andileya na Petelo. ⁴⁵ Filipo asangile Nataniele nokulabila kuliye ati, "'Tulimusangile uo Mose nabakasesema balembele; Yesu umwana wakwa Yosefe, uwaku Nasaleti.'' ⁴⁶ Nataniele alabile ati, ''Napo kungaba iciweme icingafuma mu Nasaleti?'' Filipo alabile kuliye ati, Isa ubone.'' ⁴⁷ Yesu abwene Nataniele akoisa kuliye nokulabila pali ye ati, ''Boneni, umwina Isreali wacine, muliye ta mwabapo kulufya!'' ⁴⁸ Nataniele alabile kuliye ati, '' Mwanjishiba shani?'' Yesu alimwasukile nokulabila kuliye ati, ''Ulo Filipo talakwita ulo waciba muushi yacti camukunyu, nacikubona.'' ⁴⁹ Nataniele ayasukile ati, ''Labi uli mwana waku Lesa! ulimfumu yaisilaeli!'' ⁵⁰ Yesu alyasukile nokulabila kuliye ati, ''Pantu ndabile kuliwe ati, Nacikubona munshi ya citi camukunyu, eco wacetekelela? wakubona ifintu ifikulu ukucila polinci.'' ⁵¹ Nakambi alabila ati, ''Mucine mucine, nkolabila kuliwe ati, wakubona imyulu yaisuka, nabamalaika baku Lesa bakonina nokwika pamwana wa muntu.''