¹ Nomba ka kuliko umu Phariseo uo bali kwita Nikodimasi, umukulu waba Yuda. ² Ngu umuntu kaesa kuli Yesu mu bushiku nokulabila kuli ye, ''Rabbi, twalishibile ukuti we ni we kasambisha uwafuma kuli Lesa, Takupo nangu umo uwingacita mfi fishibilo mfyo we ukocita kano Lesa ali na ye.'' ³ Yesu kamwasuka ye, ''Cishinka cishinka sambi umo kafyalwa na kabili, Tekuti abonepo ubu mfumu bwa ku Lesa.'' ⁴ Nikodimasi kalabila kuli ye, ''Mbo ico umuntu engafyalwashana ulo ye akota? ye teti engile nakabili munda ya ka nyina noku mfyalwa, ''cangacitika?'' ⁵ Yesu kamwesuka, ''Cishinka cishinka, Sombi ye kafyalwa ku menshi naku mupashi ye teti engilepo mubumfumu bwaku Lesa. ⁶ Nco ici fyelwe kumunafi munafi nanco ici fyeme kumupashi mupashi. ⁷ Wishimbwa pali nco nalabila kuli we, we umfwile ukufyalwa nakabili! ⁸ Umwela uya konse uko ukomfwaya, we umfwa icongo, lelo tawishibepo uko ukofuma nangula uko ukoya. Eico efili onse uwamfyalwa ku mupashi.'' ⁹ Nikodimasi kasuka nokulabila kuli ye, Mbafi fintu fingaba shani?'' ¹⁰ Yesu Ka asuka nokulabila kuli ye, ''Nine kasambisha waku Isreali, nakabili tauko umfwapo mfi fintu.? ¹¹ Cishinka cishinka, nalabila kuli we tulabila efyo twishibile, tupela ubunte pafyo twa bana. Lelo tamusuminapo pafya bunte bwesu. ¹² Nganalabila pali mfi ifyesonde kabili lamutekelapo, mba mungacetekela shani kati ngana mweba mwe pafingi ifya kwi ulu? ¹³ Tapapo nangu umo uwanina ukuya mwi ulu kanofye ye uwafumine kwi umwana wa muntu. ¹⁴ Ngamfilya Mose aimishe kwi ulu -umwana wa muntu. Namfilya Mose aimishe isoka muciswebebe, eco nomba nomwana wamuntu akwimishiwa mwiulu, ¹⁵ Eco onse ukocetekela muli ye akwate umweo wa muyayaya. ¹⁶ Pantu Lesa katemwa isonde, ukutila ye kapela umwana wakwe umo mpo ukutila onse uwacetekela muli ye ekonacikopo nomba akwate umweo wamuyayaya. ¹⁷ Pantu Lesa tatuminepo umwana wakwe mwisonde mukususha insonde, lelo mukupususha insonde ukupitila muli ye. ¹⁸ Ngo uwacetekele muli Ne ta sushiwilepo , nomba utacetekelapo ye alisushiwa pantu ngo tacetekelapo mwinshine, lya umwana waku Lesa enka. ¹⁹ Nchi emutandu wabupingushi; ulubuto lwishila mwisonde, nabantu kabatemenwe ifinshi ukucila ukutuba pantu ifi cintwa fyabo kafili ifibi. ²⁰ Pantu onse ucita ububi apata ulubuto, kabili tesapo mu lubuto, kakweba ati ificitwa fyakwe fiishibikwapo. ²¹ Pali nchi, ye ucita icishinka esa mulubuto pakuti abe ici koboneka pakweba ati ificitwa fyakwe fyi bonekela muli Lesa. ²² Ukufuma pali nchi, Yesu nabasambi kabaya mu cende ya Yudea. Nkulya ye kae kala nabo pashita inini nabo noku babatisha. ²³ Nomba Yohane naye kalikubatisha mu Aenon mupepi naku salimu, pantu nko amenshi kayali ayenji. Abantu bali kwisa kuli ye nabo balikubatishiwa. ²⁴ Pantu Yohane ninshi talaposwa mucifungo. ²⁵ Elo nomba kakwima ukupusana pakati kakubasambi baku Yohane naba Yuda pakwakusamba kwaku semfya. ²⁶ Kabaya kuli Yohane nokulabila kuli ye, ''Rabbi, ngo uo mwali naye ku bashilya lya mumana Yordani, pali ngo mwe mwapela ubunte, lolesheni, ye ako batisha, nakambi bonse bakoya kuli ye.'' ²⁷ Yohane kaasuka, ''Umuntu teti apokelele iciliconse sembi kachipelwe kuli ye ukufuma kwiulu. ²⁸ Mwe bonse munga pela ubunte ubo nalabile ''Tenepo Kristu, nomba, ''Ne natumwa uwatanshi pali ye.'' ²⁹ Nabwinga waku shibwinga, nomba umunakwe wakushibwinga, uko minina kabuili nokukutika kuli ye asekolela apakalamba pamulandu we shiwi lya ku shibwinga, Nci nomba, ekusekelela kwanji ninshi kwalengwa ukushila. ³⁰ Ye amfwile ukukula, lelo ne ukucepa. ³¹ Ngo uwafuma kwi ulu wakwi ulu ye, ngo wa fuma pe sonde wa pesonde alabila ye ne fya pe sonde, ye uwafuma kwi ulu alicila pali bonse. ³² Ye apela ubunte pafyo abona nokuymfwa nomba tapapo nangu umo usumina ubu nfe bwakwe ye. ³³ Ngo uwapokelela ubante bwakwe ye alisuminishe ukweba ati Lesa wacishinta. ³⁴ Pantu ngo uo Lesa atuma alabil;a amashiwi yaku Lesa. Ye tapela mupashi no umulingo. ³⁵ Wishi atemwa umwana nefintu fyonse ye kamupwela muminwe yakwe. ³⁶ Ngo uwacetekela mu mwana ali kwete umweo wamuyayaya, nomba ngo uta suminapo umwana takanepo umweo, nomba ubukali bwaku Lesa bwaikala pali ye.''