¹ Nomba apo ne cipangano cakubalapo cali nefifwaikwa mukupepa nakambi apakupepela apashila. ² Pantu inkunka yalokupekanishiwa. Iya kubala, emwalokuba akatebe ka mwenge, itebulo, nakambi shinkwa wakubapo, palokwitwa pa ncende apashila. ³ Kunuma yansalu yakucingilila iya bubili kwali naimbi nkunka, iya lokwitwa incende yashila. Yalikwete ulutala uluweme ulwafinunkile. ⁴ Yalikwete ne mbokoshi ya cipangano, njo iya fimbilwe na golide. Mukati kaiko kamuli no mutondo umwabikilwe manna, inkoto yaku Aaron iya pakwile luba, nakambi ifipampa fya mabwe ifya cipangano. ⁵ Peulu ya mbokoshi ya cipangano, ba Kerubi ba bucindami balokucinga icakwelelelapo, ico tutangalabilapo njino nshita munamankati. ⁶ Panuma yakupekanya mfi fintu, bashimapepo balokwingila lyonse mucipinda ca panse ya nkunka mukubomba incito shabo. ⁷ Lelo enka shimapepo umukulu umo pamwaka, nakambi talokubulwapo umulopa uwo alokupela ilambo lyakwe nakambia ilya bantu mbalya abatalokubembukilapo kwitolo. ⁸ Mupashi wamushilo walangile ukwebati kani nkunka yakubalilapo icili ilimakene inshila yakwingila ukwashilisha yali taimgaboneka. ⁹ Nci, cali cilangililo ca njino nshita iiliko. Mfi ifya bupe nakambi amalambo ifikotulwa nduno tafikwetepo amaka akufishapo kampingu wa kwa kapepa. ¹⁰ Pantu basakamana lukoso ifya kulya nakambi ifya kunwa nakambi ifya misambile iipusene - pusene, ifya kukonka fya mubili mpaka inshita ya butantiko bwa bwangu. ¹¹ Kristu alishile kubati ni shimapepo mukulu ifiweme mfi ifyaisa. Ye kapta mukati ka nkunka iikulu nakambi iifikilepo iitapangilwepo na minwe ya buntu, umo uutali wamuli nci calo capangwa. ¹² Takulipo ku mulopa wa mbushi no twana twa ngo`mbe, lelo ku mulopa wakwe umwine eko aingililemo mu ncende umwashila umuku umo pali bonse nakambi katufwaila ukupusuka kwa muyayaya. <sup>13</sup> Pantu kani umulopa wa mbushi nakambi uwa ngo`mbe shalalume nakambi ukukakanya amatoi ya kana kalalume ka ng`ombe pali mbo abakowelele filabashisha pakwebati ati bawame kumubili, <sup>14</sup> Pali bufi umulopa wakwa Kristu, uyo uukopitila mu mupashi wa muyayaya aipele umwine uutakwetepo bulema kuli Lesa, akuwamya ba kampingu besu ukufuma ku ncito ishafwa ukubati tubombele Lesa wa mweo?. <sup>15</sup> Pali ngu mulandu, Ye ekalabila wa cipangano ca bwangu. ici ekwebati, apo imfwa ilicitikile pa ku pusuka kwa mbalya abali panshi ya cipangano capakubala ukufuma kuli ba mpulamafunde bwabo, mbo abaitwa ba kupoka icilayo ca bupyani bwa muyayaya. <sup>16</sup> Pantu apali ubutantiko, imfwa ya muntu umwine wabuko ifwile ukulabilwapo. <sup>17</sup> Pantu ubutantiko buba lukoso namaka ulo paba imfwa, pantu tabukwetepo maka ulo umwine acili no mweo. <sup>18</sup> Emfi nangula cipangano capakubala ta capangilwepo apatapo mulopa. <sup>19</sup> Pantu ulo Mose apele ukukonkobesha konse mu mafunde kubantu bonse, kabula umulopa wa twana twa ngo`mbe nakambi uwa mbushi, na memesnhi, ubusalu ubukashikile, ne hyssop, no kukanisha pa cifungilo cine nakambi pa bantu bonse. ²⁰ Elo alabile kwebati, "ngu e mulopa wa cipangano nco Lesa akokonkobesha pali mwe". ²¹ Mu musango umo wenka, nkakanisha umulopa pa nkunka nakambi pa fipe fyonse lukoso ifibabomfya mu mubupyungishi. ²² Ukukonkana ne funde, pepi na fyonse lukoso filawamishiwa ku mulopa. Apatapo kusumya umulopa tapabapo kwelelwa. ²³ Kanshi calilingile ukwebati ifipasho fya fintu mwiulu fiwamishiwe kuli nga malambo anama. Nangu cali mfi, ifya mwiulu ifine fyali no kuwamishiwa na malambo ayawamisha. ²⁴ Pantu Yesu taingilepo mu ncende iyashilisha iya pangwa ne minwe, iili lukoso cipasho ca wacine. Ye kaingila mwiulu umwine, ati nomba atubonekele pa cinso caku Lesa. ²⁵ Tailepo mulya ukwebati aipele umwine imiku iingi, ifyalikucita shimapepo mukulu ulikwingila mu ncende iya shilishe cine mwaka no mulopa wa bambi. ²⁶ Mfi, nge mfi cali, nga alikucula imiku iingi ukutula lukoso kukutatika kwa calo. Lelo nomba alisakuboneka pa mpelo ya nshita ukucimfya ulubembu kwilambo lyakwe umwine ²⁷ Mfi casontelelwa umuntu ukufwa limo, elo pa numa kwaisa ukupingulwa. ²⁸ Emfi naye, Kristu kapelwa umuku umo ukupinta imembu sha bengi, nakambi, takabombelepo pa membu, lelo pe pusukilo lya bambo abakomupembela.