¹ Apa icikulu ico tukolabilapo ninci: Tulikwete shimapepo mukulu uwaikala ku kwa kulilako nshima kwa citebe cawa maka mumyulu. ² Musha muncende ya mushilo, inkunka yananakacine njo imfumu yapangile, te muntupo. ³ Pantu shimapepo mukulu uuli onse balimusonta ukutula ifya bupe nama lambo. E kwebati cicindeme ukukwata ica kutula. ⁴ Nomba aciba ukwebati Klistu alipano calo, nga tekutipo abe shimapepo, Pantu epobaba mbo abatula ifya bupe ukulingana nomwalola amafunde. ⁵ Babomba kubati cikope ne cinshingwa cafye mumyulu. Cili kubati nimfilya mfyo Mose asokelwe kuli Lesa ulo asungamine ukupangae nkunka yakwa Lesa: Lesa kayeba ati, "ushininkishe ukwebati wapanga fyonse mweka mo fyalangilwe kuli we palupili". ⁶ Ekwebati nomba Klistu alipokelela umulimo uutanga yelela, kubati fintu nakambi aba kawikishanya wa cipangano iciweme, nco ica shimpwa pafilayo ifiweme. ⁷ Nga cali ukwebati icipangano cabalilepo tacakwetepo kalema, nga takwabapo kufwailapo ic bubili. ⁸ Paantu ulo Lesa asangile akalema mu bantu, ayebele, "boneni, nshiku shikoisa - efyalabile Imfumu - ulo nakupingana icipangano cabwangu na bananda yakwe Yudah. ⁹ Tecakwebapo kwebati nincilye cipangano twapingene nefikolwe fyabo. Pa bushiku nafikete kumaboko yafiko pakufitungulula ukufuma mu calo ca Egipiti. Pantu tabasakamenepo ukukonka icipangano candi, nandi kambasula - efya labile Mfumu. ¹⁰ Nci, ecipangano no kupingana naba nanda yakwe Isreal. Panuma ya nsho nshiku - efyalabile Imfumu nokubika amafunde andi muminwe yabo, nakambi nakambi nakufiemba pa mitima yabo, nakubako Lesa wabo, nabo ba kuba banti bandi. ¹¹ Tabakasambilishepo cina muntu muntu munakwe nangula cina muntu umukwabo, ukwebati, " ishibe Imfumu". Pantu bonse bakunjishiba, ukufuma kuba nini mpaka nakubakulu. ¹² Pantu nakuba no luse ukulosha ku mapulu yabo, no lubembu lwabo tanshakalwibukishepo nangu limo". ¹³ Pakwita nci cipangano "cabwangu" kampampamike cipangano cakubalilapo ukuba icikote, necakota nokukotesha cakuloba bwangu.