¹ Pantu ifunde cinshingwa bwaka ica fiweme ifikoisa, tafyabapo mu musango wa cine uwa mfyo. Mbo abapalama kuli Lesa tekutipo babe abapwililika ku malambo yamo yene ngo bashi mapepo bakonkanyapo ukuleta cila mwaka. ² Munshila iimbi, tekutipo ifya malambo filekwa ukupelwa?, pantu ba kapepa ngabali waminishiwe pantanshi imo nga tabakwetepo kampingu ya lubembu. ³ Nomba na mfyo ifya malambo kwaliba ukwibukisha imembu cila mwaka. ⁴ Pantu caliba icishupile ku mulopa wa ng`ombe iyalalume ne mbushi ukufumyapo ulubembu. ⁵ Ulo Kristu aishile mwisonde, alabile, "ifya malambo na umutulo efyo tamwalikufwaya, pantu umubili mulimpekanishishe". ⁶ Mu fya bupe fyaocewa ne fya bupe fya lubembu tamwasekelemo. ⁷ Nomba kandabile, bona, panondi - ngefyo calembwa pali ne mumpanga shakule mbapo - kukucita - Lesa ubufwayo bwenu. ⁸ Pakubala kalabila, "cali malambo, na imitulo, na inama yonse iyakoca, imitulo ya lubembu efyo tamwalikufwayapo. Nakambi tamwafisekelemo". Mfi efya malambo ifyalikupelwa ukukonka ne funde. ⁹ Nomba kalabila, "bona, nimpano ndi mukucita ubufwayo bwenu". Akafumyapo ubutantiko bwapakubala pakwebati abikepo ubutantiko bwa cibili. ¹⁰ Pali nko kufwaya, twalishishiwa mu cabupe camubili Yesu Kristu icamuku umo ica lyonse. ¹¹ Ubushiku no bushiku Shimapepo aleimakana, no kupepesha, ukupela ifya malambo fimo fine lyonse - amalambo ayo tekutipo yafumyepo imembu. ¹² Nomba ulo Kristu aipele kuli bonse pa nshita imo icelambo ca membu, kaikala panshi ku kuboko kwa kulyo kwa ku Lesa. ¹³ Akololela mpakafye abalwani bakwe akabalenge apakunyanta inkasa shakwe. ¹⁴ Pantu pa cabupe cimo aliwaninisha umuyayaya mbo abashishiwe. ¹⁵ Umupashi wa mushilo nao ulatubelako imboni. Pakubala kalabila, ¹⁶ "Nci, cipangano ico nakupanga nabo panuma ya nshiku nsho, efi yalabila Imfum. ¹⁷ Nomba kalundapo, "imembu shabo na bumpula mafunde ntakafibukishepo". ¹⁸ Nomba apali ubwelelo bwamfi, tapabapo ilambo lyonse ilya lubembu. ¹⁹ Ekweba ati, mwebakwasu, tulikwete icicetetekelo cakwingila mu ncende iya mushilo sana ku mulopa waku Yesu. ²⁰ Nci, ecabwangu ne shila ya bwikashi iyo abikilepo palifwe iyakupitila pansalu ya pamwinshi, ekwebati, ukupitila mumubili wakuli ye. ²¹ Pantu tulikwete Shimapepo mukalamba pa mulu wa nanda yaku Lesa. ²² Katupalameko ne mitima ya cine umwiswilemo ukucetekela, ukukwata imitima yesu ukusanswa ubusaka ukutula kuli kampingu wabubi no kukwata imibili yesu ukusambwa mu menshi ayelele. ²³ Katulokwikatisha twifumamo mu cisumino nco twasuminamo, pantu ngulya uwalaile alicetekela. ²⁴ Katulolekeshepo efyo twinga sansamushanya umo no munankwe ku kutemwa no kucita ifiweme. ²⁵ Twilekapo ukukumana pamo, kamukoseleshanya umo no munankwe nakambi nakambi, na bonse nakambi ngefyo mu bwene inshiku shikoisa mupepi. ²⁶ Kani twatwalilila ukulufyanya kumufulo panuma tulipokelele icine, ilambo lya lubembu talyakabepo. ²⁷ Kambi, kwalibapo icintu cimo ico tukotina no kucetekela ica bupingushi, ulubingu lwa mulilo ndo ulwakonaula abalwani ba ku Lesa. ²⁸ Onse ngulya uwakana amafunde yaku Mose akufwa ukwabula uluse pali ba kamboni balili nangula batatu. ²⁹ Kukandwa kwamusango ndo ukotontonkanya umo akokabila ngulya uwa wile panshi ya makasa yamwana wa ku Lesa, ngulya uwa citile umulopa wa cipangano nga tacipo ca mushilo - umulopa ngulya ashishiwishemo - no kutuka umupashi wa cikuku?. ³⁰ Pantu tulishibile umo uwalabile ati, "icilandushi cakuli ne, nakulandula". Nakambi, "Imfumu yakupingula abantu bakuli ye". ³¹ Cintu cimo icikoleta amalangulushi ukuponena mu minwe yaku Lesa wamweo!. ³² Nomba kamwibukishe inshiku sha kunuma, panuma mwa tutubwike, mushipikisha shani ukulwisha ukukulu mukucula. ³³ Kamuboneko abasebene ku cintu bwingi ku nsele no kupakaswa, mwalikwakana nku. ³⁴ Pantu mwalikwete nkumbu pali mbo abali abafungwa, mwalicipokelele no kusekelela ukupokolola ifyali fyenu. ³⁵ Nomba mwiposapo kupama kwenu, nco icikwete icilambu icikulu. ³⁶ Pantu mukofwaikwa ukushipikisha pakwebati nga mwacita ukufwaya kwa ku Lesa, mwakupokelela nco alaile. ³⁷ "Munshitafye iice sana, ngo uukoisa, akoisa mu cine cine takokolepo. ³⁸ Abalungami bandi bakwikala ku cicetekelo. Nga ye abwelela kunuma, umweo wandi tawakasekelemo muli ye". ³⁹ Nomba tatupo bonse abakobwelela kunuma ku konaulwa, nomba tuli pali mbo abakwete icicetekelo no kusunga imyeo sha kuli bo.