¹ Nomba icicetekelo catulenga fwe twishibe no ku cetekela mufintu mfyo tutangabona. ² Pa mulandu wa nci, ifikolwe fyalishininkishiwa pa mulandu wa cicetekelo cabo. ³ Ku cicetekelo eko tushininkisha fya pangilwe ukwebati fya pano isonde ku kukonkobesha kwa kwa Lesa, pakwebati fyonse ifyo tubona tafya pangilwepo ukufuma ku fyo tubona ⁴ Ni ku cicetekelo eko Abel apelele Lesa ilambo iliweme ukucila Caini, ni mucine emo ye abonekele ukuba umololoke. Na Lesa kalabila ifiweme kuli ye pa mulandu wa mitulo, ku cicetekelo eko Abel acili akolabila, nangu kati alifwile. ⁵ Ni ku cicetekelo ekwaebeshe ukwebati Enock amintwe mwiulu pa kwebati ebonapo mfwa. "Tabonekelepo, pantu Lesa alimumintile". Ulo talati amintwe mwiulu, calishininkishiwa ukwebati alisekeshe Lesa. ⁶ Lelo ukutapo cicetekelo cili cikosele ukwebati ngo onse uukoisa kuli Lesa asumine ukwebati eko aba nakambi ekalambula wa mbo bonse abesa kuli Ye. ⁷ Ni kucicetekelo eko Noah, pakupelwa imbila iyii belele kufintu ifitangabona, pa kwikala umweo uuweme uwakatina kakwa Lesa apangile ubwato pa kwebati apusushe abananda yakwe. Pakucinta nci, ye asekeshe isonde nokuba impyani yabololoke ukulingana necisumino. ⁸ Ni ku cicetekelo eko Abrahamu, ulu aitilwe, kaumfwila nokuya ku ncende uko apokelele icakupyaninina. Kaima ukwakubula ukwishiba uko akoya. ⁹ Ni ku cicetekelo aikalile ku calo nco alailwe ngo mulebeshi. Aikele mu matenti pamo na Isaki na Yakobo, pamo ne mpyani shabulayo mbo. ¹⁰ Pantu alikulolela ukubona umusumba ngo umufulwa, ifipimo nakakula ni Lesa. ¹¹ Ni ku cicetekelo, Sarah na ye umwine aimitile - apokelele amaka yakwimita - impyani nangu cibe inshita yakwe iya kwimita kaipitile, enco aishibikwe ukuba uwacishinka ngo apelwe icalailwe. ¹² Ni pali nci, ukufuma kuli ngu muntu, alingo wafwa - umwafyelwe impyani ishingi kubati nintanda mwiulu nakabili ishitangapendwapo ngo mu canga wakumbali ya nika. ¹³ Ni mucicetekelo emo bonse mbo bafwilile ukwabula ukupoka ifilayo. Lelo, panuma yakumona ukuposha pa ntamfu, kabasumina ukuti balebeshi kabili balwendo panwe sonde. ¹⁴ Kuli mbo bonse abalabila fimbi balanga pa bwelu ukwebati bakofwaya umushi wa kwabo. ¹⁵ Kati balikutontonkanya pa calo nco bafumineko, nga balikwete ishuko lya kubwelelamo. ¹⁶ Lelo nangu cibe mfyo, balefwaya icalo iciweme, ekwebati icalo cakwiulu. Napli ncho, Lesa tapo na nsoni ukwitwa Lesa wabo, apo alipekanya umushi wabo. ¹⁷ Ni ku cicetekelo eko Abrahamu, ulo ayeshiwe, apele Isaki, uwali umwana enka eo apele, uyo ewapokelele amalayo. ¹⁸ Ni kuli Abrahamu uko calabilwe, "ukupitila bwaka muli Isaki uluko lobe lwakwinikilwamo". ¹⁹ Abrahamu alangulukile ukuti Lesa ali no kubusha Isaki ukufuma ku ba fwa, nakambi nokulabila kubati ni nimumulumbe, nakambi alimupokelele. ²⁰ Nakambi ni ku cicetekelo eko ifintu ifili no kwisa fyalenga Isaki apale Yacob na Esao. ²¹ Ni ku cicetekelo ekwalengele Yakobo, ulo ali munshila yakufwa, apele abana baume ba kwa Yosefe. Yakobo alishinshimwine, nondo ashintilile peulu ya nkoto yakwe. ²² Ni ku cicetekelo eko Yosefe, ukushila kwa nshita yakwe kwapalamina, alabile pakufuma kwa bana ba ku Isreali mu Egypiti. no kubapa ifya kukonka pa mulandu wamafupa akwe. ²³ Ni ku cicetekelo ulo Moses, ulo afyelwe, ba mufishile imyenshi itatu kuba fyashi bakwe pantu kababona ati akwebati akoboneka umwana uwelele sana. Tabatininepo ne funde lya mfumu. ²⁴ Ni ku cicetekelo eko Moses, pa numa yakukula, akane ukumwita umwana wa mwana mwanakashi wa kwa Farao. ²⁵ Ye asalilepo ukusungwa buluku - buluku pamo na bantu ba kwa Lesa ukukana ukusangalala mufya malila fye sambi pa kashita. ²⁶ Ye alangulukile ukwebati ukucula pa mulandu wakukonka Kristu cali cuma icicililepo ukucila ifya mu Egypiti. Pantu atontele amenso pa cilambu cakwe. ²⁷ Ni kucicetekelo eko Moses ashilile Egypiti. Tatininepo ubukali bwa mfumu, ico akoselele nga ngo ukobona umo uutaboneka. ²⁸ Ni ku cicetekelo ekwalengele ukuti alame ica kucilila nokukana umulopa, pakwebati konaula wa mabeli ya bana ba israeli. ²⁹ Ni ku cicetekelo ekwalengele ukwebati bapite pali cimana cakashika kubati ni pamulundu apomine. Ulo abana ba Egypiti ba ye sheshe ukucita mfi, bo bonse ka mintwa. ³⁰ Ni ku cicetekelo e kwalengele ifibumba fya Yerico ukuwa. ³¹ Panuma ya kufishinguluka inshiku cine - lubali. Ni ku cicetekelo kwalengele Rahabu cilende efwapo pamo nabo abatakwetepo cumfwila, pantu ye apokelele inengu mu mutende. ³² Findo nafimbi ningalabilapo? pantu inshita ikonjipipila pa kwebati ndabile palwa kwa Gideon, Barak, Samson, Yefta, Davidi, Samwele na pali ba kasesema. ³³ Kupitila mu cicetekelo emo bo ba cimfishe ama bufumu, baipele kubololoke, bapokele ifilayo. baisele utunwa twa nkalamo. ³⁴ Batalalike amaka ya mulilo, ba pusukile ku kanwa ka lupanga, balengelwe ukuba na maka nangula bali abanaka ku bulwi, bacimfishe ifita fya bena fyalo. ³⁵ Abanakashi bapokelele abantu bakwbo mbo abashikukile ukufuma ku bafwa. Bambi nabo ba paminwe icibipile, pa kukana pokelela ukukakulwa, pa kwebati nangula ba kabone ukubuka ukuweme. ³⁶ Bambi nabo balikubapumya kabili bapokelele ukukandwa ukubipile, nakambi ba babikile minyololo na mufifungo. ³⁷ Batobelwe amabwe, Kababaputula pabili kuli ba soo. ba bepeye ku kumwele. bayendaukile balifwite mpapa sha mbelele ne sha mbushi. Bali ababusu, abacushiwa, abacitwa ububi. ³⁸ Isonde talyawemepo kuli bo. Inshita yonse bo balikushinguluka bwaka mu matololo na mu mapili, na mu nchengo na mu memba ya panshi. ³⁹ Nangu kati mba bantu bonse ba shininkishiwe kuli Lesa pa mulandu wa cicetekelo cabo, tabapokelelepo icilayo. ⁴⁰ Lesa alipekanya ifintu ifiweme fye, pa kwebati ukwabula fwe, tekutipo batungwepo abafikapo.