¹ Kuli ba Shimapepo abakulu, abasalwa ukufuma mu bantu abasalwa ukwimininako abantu pa fintu fya ku Lesa. Pakwebati, bangapapamo ifya bupe na malambo a pa membu. ² Pantu ye alabomba mubufuke kuli mbo abateshipo nangu kamo na kuli mbo aba bepwa, pantu ye angalingilwa ukubembuka. ³ Pali nci, naye akokabilwa ukupa amalambo pamembu shakwe, pakwebati, fyenkafilya acita pa membu sha bantu. ⁴ Takupo nangu umo uunga ibulila ngu mucinshi. Kanofye, aitwa kuli Lesa, kubati fintu fyali Aaloni. ⁵ Muli nji nshila, nangu fye taimishepo peulu ukuba bushimapepo bwa peulu. Nangu cibe mfi, umo e wasosele kuli ye ati, "uli mwana wandi, lelo naba wiso". ⁶ Nakambi munshila imbi, alimwebele ati "niwe Shimapepo uwa peulu umuyayaya mukukonka pali ne Melchizedek". ⁷ Ye munshiku shabumubili bwakwe, Yesu apele amapepo no kuipusha ukubilikisha ukulila iminsoshi kuli Lesa, umo uunga mupususha ukufuma kumfwa, kabili alyumfwile pantu ali mubumi bwa ku Lesa. ⁸ Nangu cakuti ali mwana, alisambilile icumfwila pafyo aculileko. ⁹ Apangilwe uwa kaele, nakuba, kuli mbo bonse abamunakila palwa bupususho bwa ciyayaya. ¹⁰ Apangilwe kuli Lesa ukuba Shimapepo umukulu panuma ya kwa Melchizedek. ¹¹ Tuli nefingi ifya kulabila pali Yesu, lelo cili icikosele ukulondolola pantu muli abatutu kukumfwa. ¹² Pali njino nshita mulingile ukuba bakasambilisha, mucili mukokabila nabambi ukumufunda ifikulu mu mbila ya ku Lesa. Mukokabila umukaka aikona ifya kulya ifikosele. ¹³ Kuli uyo onse uupoka umukate tafikilepo ku mbila ya bulungami, pantu acili mu cece. ¹⁴ Pantu ifyakulya ifikosele fyabakulu. Mbo ebaishiba pa mulandu wakukula kwabo ifyakupatukanya ifiweme ukufuma kufibipile.