¹ Eco kanshi, ba wesu abashilile, mulabana mu bwite bwa kwiulu. Langulukeni pali Yesu umutumwa nakambi umukulu uwakuisosela kwesu. ² Ali wacine kuli Lesa, uwamusontele, fyeka mfi, Mose ali wacine mu nanda yaku Lesa yonse. ³ Pantu Yesu alilingapo ukupa ubukata ubukulu ukucila Mose, Pantu uwaimaka inanda acindama ukucila inanda iiyine. ⁴ Pantu inanda yonse yumakwa no muntu, nomba uumaka fyonse ni Lesa. ⁵ Pantu Mose ali uwacine kubati mubomfi munanda yaku Lesa yonse, ukwimakanako bukambone pa fintu ifyali nokulabilwapo kunshita yakuntanshi. ⁶ Nomba Kristu wacine kubati mwana uulolekesha pananda yaku Lesa. Tulinanda yakwa atwaikatilila bwangu kukushipa kwesu nesubilo eli tuyumfwilamo. ⁷ Eco kanshi, caba fyeka mfi umupashi wamushilo ulabila ati, "lelo, amwakutika ishiwi lyakwe". ⁸ Mukoshapo mitima yenu kubati ni muli bucipondoka, munshita yakwesha mumatololo. ⁹ Ndu nindulya ifikolwe fyenu fyampondokele kukunjesha, nandulya, mu myaka amakumi yane, bali bwene ificitwa fyandi. ¹⁰ Eco njilya inkulo nalifulilwe. Nalilabile nati, lyonse balaluba mu mitima yabo. Tabaishibapo inshila yandi. ¹¹ Caba fyenka mfi nalapile mumulapo wandi, "Tabakataleingilapo ukutusha kwandi". ¹² Mucenjele, bawesu, pakweba ati palimwe pekabapo nangu umo uwakuba no mutima uubipile uwakutwishika, umutima uupilibuka ukufuma kuli Lesa uwamwe. ¹³ Nomba mwe mulokukoseleshyanya cinabushiku, icikulu bwaitwa bwaka ati, "lelo", pakweba ati nangu umo palimwe uwakukoshiwa kukulufya kwa lubembu. ¹⁴ Pantu twalikatana nangu Kristu atwaikatilila ku cicetekelo muliye ukufuma kukutatika ukufika nakukushila. ¹⁵ Palinci calilabilwe ati, "lelo, amwakutika ishiwi lyakwe, mukoshyapo mitima yenu, kubati nimulibucipondoka". ¹⁶ Ninani uwakutikile kuli Lesa nokupondoka? bushe tenmbopo bonse abafumine mu Egypiti ukupitila muli Mose?. ¹⁷ Ninani uo afulilwe pamyaka amakumi yane? bushe tembopo ababembukile, ebo ifitumbi fyabo fyaponene mumatolo?. ¹⁸ Ni kuli bani alapile ati, tabakengilepo mukutusha kwakwe, kati tekuli mbalyapo abatamumfwililepo? ¹⁹ Twabona ati tabaigilepo mukutusha kwakwe pamulandu wakutwishika.