¹ Lesa kaibukisha Noah, ne nama sha mpanga, ne fitekwa fyonse ifi ali nafyo mu bwato. Lesa kapupisha umwela pa calo, na menshi kayatampa ukubwelela panshi. ² Utumfukumfuku twa panshi ne fipunda fya mwi ulu kafisalika, nakambi kaileka ukuloka. ³ Amenshi ya cama kayaya panshi bukebuke ukufuma pa calo, na panuma ya nshiku 150 ulwenshi kalwingila panshi. ⁴ Ubwato bwaishile kwikala panshi mu mwenshi wa cinelubali, pa mpili sha Ararat. ⁵ Ulwenshi kalutwalilila ukulokuya panshi mpaka mu mwenshi we kumi. Pa bushiku bwakubalapo ubwa mwenshi, peulu ya mpili kapatampa ukuboneka. ⁶ Kaciba panuma ya nshiku amakumi yane elo Noah aiswile apatibuka pamo ku bwato ubu apangile. ⁷ Katuma mwankole naye alo kuseela mpaka ulo amenshi aumine pa calo. ⁸ Elo atumineko inkunda mukubona kani amenshi alibweleleko panshi panse pa calo, ⁹ lelo inkunda tayabwenepo apakwikala, nakambi efi yabwelele kuli ye mu bwato, pakuti amenshi yalikumene ponseponse pa calo.Katambiko kuboko kwakwe, no kuibula no kuingisha mu kati ka bwato umo ye ali. ¹⁰ Kapembelako na shimbi inshiku cinelubali elo nakabili katumako inkunda ukufuma mu bwato. ¹¹ Inkunda kaibwela kuli ye mu cungulo. boneni! Mukanwa kaiko kamuli akasako kamabula ya mu olife ako yaputwile. Efi Noah aishibile ukweba ati amenshi alibile panshi panse pa calo. ¹² Kapembelako nashimbi inshiku cinelubali, no kutuma inkunda nakabili. Tayabwelelepo nakabili kuli ye. ¹³ Kaciba mu mwaka wa myanda mutanda na umo, mu mwenshi wa kubalapo, pa bushiku bwakubalapo bwa mwenshi, elo amenshi yaumine ukufuma pa calo. Noah kaisula icakwisalapo ca bwato, kalolesha panse, no kubona ati, boneni, pa calo kapali apomine. ¹⁴ Mumwenshi wa bubili, mu bushiku bwa kulenga amakumi yabili na cinelubali ubwa mwenshi, pacalo kapaba apomine. ¹⁵ Lesa kalabila kuli Noah ati, ¹⁶ "Fuma mu bwato, we, umukashi obe, abana bobe, nabakashi ba bana bobe pamo. ¹⁷ Fumya pamo nobe ifibumbwa fya mweo fyonse ifya mubili ifili nobe - ifyuni, inama, na fyonse ifitela ifi ikulanya pa calo - ukweba ati finga fulisha pa calo, ukweba ati fifyalane no kufula pa calo." ¹⁸ Efi Noah afumine mu bwato na bana bakwe, umukashi wakwe, nabakashi ba bana bakwe pamo naye. ¹⁹ Ifibumbwa fya mweo fyonse, ifi ikulanya fyonse, ne fyuni fyonse, fyonse ifitelana pa calo, ukulingana no lupwa lwa fiko, kafifuma mu bwato. ²⁰ Noah kapanga ulutala kuli Yahweh. Kabulapo pa nama ishelele napa fyuni ifyelele, no kupela ubupe bwa koca pa lutala. ²¹ Yahweh kanunsha icema iciweme no kulabila mu mutima wakwe ati, "Nshakabweleshepo ukutipa umushili pa mulandu wa muntu, nangula amapinge ya mitima yabo abipile ukutula ku bukeke. Nangula ukubweleshapo ukonaula ifya mweo fyonse, ifi ncitile. ²² aualo icalo ciciliko, ukubyala no kusombola, ukutontola no kukaba, ulusuba no mwela, na kasuba no bushiku tafyakapwepo."