¹ Kacisa ulo umuntu onse kayamba ukusanduluka pe sonde na banakashi kabafyalwa kuli bo, ² nco abana balalume baku Lesa kababona ukwebati abana abanakashi aba bantu kabali abelele. Kabamba abene beka ukuba senda nga bakashi, onse ngo abene balikusenda. ³ Yahweh kalabila, "Umupashi wandi tawashalapo mu bantu umuyayaya, pntu bo mubili. Bali kwikala imyaka umwanda umo namakumi yabili. ⁴ Amapaka kayali mwisonde munshiku nsho, nakambi no lwa konkelepo. Mfi, kaficitika ulo abana ba ku Lesa baupile abana abanakashi, aba bantu kambi kabakwata nabana nabo. Mba bali abanalume benka bakale. ⁵ Yahweh kabona ububi bwa kumuntunse kabukula pesonde, kambi ukutontonkanya kwabo ukwa mumitima yabo kwali ukulubene kakutwalilila. ⁶ Yahweh kalanguluka ukwebati kampange umuntunse pesonde, nakambi kacimukalipa Ye kumutima wakwe. ⁷ Naye Yahweh kalabila, "nakufumyapo muntunse onse ngo uo nabumbile ukufuma pa cinso ce sonde - umuntunse ne nama nefi ikula, nefyuni fyonse fya mulwelele, nomba ne nalanguluka pantu nine nababumbile". ⁸ Nomba Nowa kasanga ububile mu menso yaku Yahweh. ⁹ Mfi efyacitikile fya ku Nowa. Nowa kali muntu umulungeme, uutalipo nakalema pa bantu abanshinta njo. Nowa kaenda na Lesa. ¹⁰ Nowa kali wishi wa bana batatu; Shemu, Hamu, na Yafeti. ¹¹ Ne sonde kalili libipile kuli Lesa nakambi iliswilemo ulufyengo. ¹² Lesa kabone sonde; boneni, lilibipile, pantu fyonse fya mubili filibipile munshila shafiko panwe sonde. ¹³ Lesa kalabila kuli Nowa, "ndibwene ukwebati nindo inshita yakonaula fyonse fya mubili, pantu isonde liliswilemo ububi ukupitila muli bo. Cishinka, nko onaula fyonse pamo nesonde. ¹⁴ Panga ubwato bobe ubwaciti ca Cypress. Panga ne miputule mu mabwato, shinga amanenekela mukati na kunse. ¹⁵ Mfi, efyo wa kucipanga we; mubutali bwa bwato ufwile bukabe imyanda itatu, mubwipi ukuba intampulo amakumi ya sano, ukusansuka kufwile kwaba amakumi yatatu. ¹⁶ Panga umutenge wa bwato, nakambi pwisha intamfu ukutula pamulu wambali. Bikapo ne ciseko mukati kabwato nakambi panga apepi akabubili, nakambi apabuta peulu. ¹⁷ Umfwa, ndimukulete cama celyenshi pe sonde mukonaula fyonse ifibumbwa mfyo fya kwata ukupema kwa mweo pa nshi yesonde . Conse cili mwisonde ca ku fwa. ¹⁸ Nebo ndinokupanga icipangano nawe. Wakwisa mubwato mbu, we na bana bobe, no mukashi obe, naba nkashi baba bana bobe nawe. ¹⁹ Conse cimumbwa camweo icikolola, fibili ica mutundu onse wakuleta we mulimbu bwato ukusunga mfyo nawe conse canakashi ne calalume. ²⁰ Ne fyuni fya mutundu wafiko, ne nama nomutundu wafiko, conse cikulika icapanshi no mutundu waciko. Fibili pali mfyo fya kwisa kuli we mukusanga ifya mweo. Ne fyuni ukulingana nefi fyaba, ne nama ukufuma ifyo fyaba, fyonse fisenya pa mushili ukulingana nefi fyaba, fibili fya kusalululwa fya kwisa kuli we mukufisunga ifikolola. ²¹ Bunganya icilyo icili conse ukufuma kumitundu yonse nco icibalya no kusunga we, pakwebati cibe cakulya kuli we namfyo. ²² Naye Nowa fyenka mfi. Ukulingana nefi Lesa amwebele ye, ka cita.