¹ Nci ecalembwa pa butuntuko bwakwa Adam. Pa bushiku Lesa apangile umuntunse, abapangile mu cipasho cakwe umwine. ² Umwalalume no mwanakashi efi abapangile. Kabapala no kubeta ati abantu ulo abapangile. ³ Ulo Adam aikele imyaka 130, aishile kuba wishi wa mwana mu cipasho cakwe, mu kuboneka kwakwe, naye kamwinika ishina ati, Seti. ⁴ Ulo Adam afyele Seti, aikele imyaka imyanda cinekonsekonse. Kafyala na bambi abana balalume na banakashi. ⁵ Adam aikele imyaka 930, elo afwile. ⁶ Ulo Seti aikele imyaka105, afyele Enoshi. ⁷ Panuma yakufyala Enoshi, aikele imyaka 807 no kufyala abana nabambi abalalume na banakashi. ⁸ Seti aikele imyaka 912, elo afwile. ⁹ Ulo Enoshi aikele imyaka 90, afyele Kenani. ¹⁰ Panuma yakufyala Kenani, Enoshi aikele imyaka 815. Kafyala na bambi abana abalalume na banakashi. ¹¹ Enoshi aikele imyaka 905, elo afwile. ¹² Ulo Kenani aikele imyaka amakumi cinelubali. afyele Mahalalele, ¹³ Panuma yakufyala Mahalalele, Kenani aikele imyaka 840, Kafyala na bambi abana balalume na banakashi. ¹⁴ Kenani aikele imyaka 910, elo afwile. ¹⁵ Ulo Mahalalele aikele imyaka amakumi mutanda na yasano, afyele Yared, ¹⁶ Panuma ya kufyala Yared, Mahalalele aikele imyaka 830. Kafyala na bambi abana abalalume na banakashi. ¹⁷ Mahalalele aikele imyaka 895, elo afwile. ¹⁸ Ulo Yared aikele imyaka 162, afyele Enock. ¹⁹ Panuma yakufyala Enock, Yared aikele imyaka imyanda cinekonsekonse. Kafyala na bambi abana abalalume na banakashi. ²⁰ Yared aikele imyaka 962, elo afwile. ²¹ Ulo Enock aikele imyaka amakumi mutanda na yasano, afyele Metusela. ²² Enock alokwenda na Lesa imyaka imyanda itatu panuma yakufyala Metusela. Kafyala na bambi abana abalalume na banakashi. ²³ Enock aikele imyaka 365. ²⁴ Enock alokwenda na Lesa, naye alile, pantu Lesa alimupintile. ²⁵ Ulo Metusela aikele imyaka 187, afyele Lameki. ²⁶ Panuma yakufyala Lameki, Metusela aikele imyaka 782. Kafyala na bambi abana abalalume na banakashi. ²⁷ Metusela aikele imyaka 969. Elo afwile. ²⁸ Ulo Lameki aikele imyaka 182, afyele umwana umwalalume. ²⁹ Amwinikile ishina Noah, kalabila ati, "Uyu ye akuleta ukutushako ku ncito shesu naku kufinya kwa minwe ku ncito sha maboko yesu, ishitulingile ukubomba pa mulandu wa mushili uyo Yahweh atipile." ³⁰ Lameki aikele imyaka 595 panuma ya kufyala Noah. Kafyala na bambi abana abalalume na banakashi. ³¹ Lameki aikele imyaka 777. Elo afwile. ³² Panuma Noah aikele imyaka imyanda isano, afyele Shemu, Hamu, na Yafeti.