¹ Nomba Yakobo kaita bana bakwe nokulabila ukwebati, "bunganeni pamo bonse pakwebati mwebe pafya kucitika kuli mwe pantanshi. ² Longaneni mwenka mwebene nokukutika, we mwana mweume wakwa Yakobo. Kutikeni kuli Israeli, wishinwe. ³ Reuben, uli mwana wakutampa, we maka, ukutampa kwa yafiso fyandi, icicililepo mukucindama, necicililepo mu maka. ⁴ Uutangatekanyapo kubati menshi aakopita, tawakakwatepo ukucindamisha pa mulandu wakwebati waile kumalo yakuba wiso. Nomba walikoweseshe, koya kuninapo. ⁵ Simeon na Levi ni ba munina. Ifyembya fya misoka napanga fyabo. ⁶ We mweo wandi, wiisapo mutubungwe twabo; mwisankanapo mukukumana kwabo, pantu umutima wandi ulikwete umucinshi palimfyo. Pantu mubukali bwabo bwalipaya abaume. Pantu cali bufwayo bwabo ukulemanika ing`ombe. ⁷ Ubukali bwabo balapishiwe, pakwebati, calikutinya necipyu cabo, pantu cali buluku. Ne nakubakanya mbo aba muli Yakobo no kubasalanganya mba ali muli Israeli. ⁸ Yuda, bawenu bakukulumbanya. Amaboko yenu yakuba mu mukoshi balwani benu. Abana baume baku ba wiso ba kufukama panshi pantanshi yobe. ⁹ Juda mwana wankalamo. We mwana, alifumine kubalwani bobe. Kainamine panshi, ye kabuluma kubati ni nkalamo kubati ni nkalamo iyanakashi. Nga ninani engapama ukubusha ye? ¹⁰ Umulumbo tawakapokwepo ukufuma kuli Yuda, nangula inkonto ya bufumu ukufuma pakati kamakasa yakwe mpaka Shiloh akese. Fyonse fyalo fya ku mumfwila. ¹¹ Akakile punda wakwe ku kucita ca mwangashi, na kana kakwa punda kuciti ca mwangashi casalilwe, awashishe insalu yakwe mu mwanshi, ne mingila yakwe mu mulopa wa mwangashi. ¹² Namenso yakwe kayaluba ukufita kubati myangashi, nameno yakwe yakutuba kubati mukaka. ¹³ Zebulun akwikala kululamba lwa bemba, akuba cabu ca mato, umupaka wakwe wakulila ku Sidon. ¹⁴ Issachar ni punda uukosele, uulambalele panshi pakati kampanga. ¹⁵ Ye kabona pa ncende yakutushishapo apaweme ne nsansa mu calo, akubeyama icipikiti kucipe no kuba umusha ku cikongwani. ¹⁶ Dani akupingula abantu bakwe ngo mutundu umo wakwa Israeli. ¹⁷ Dani akuba insonta pambali ya kashila, insoka yabulembe mu kashila isuma icitende cakwa kabalwe, pakwebati kensha apone akansaneme. ¹⁸ Ne ndolela ipusukilo, Yawe. ¹⁹ Dadi - kensha bakumusansa ye, nomba ye akubasansa kufitende fyabo. ²⁰ Asher icakulya cakuba ici cindeme, akupekanya ifilyo ifinunkile. ²¹ Naphitali ninsebula iiyendela bwaka; akukwata utwana utwelele. ²² Yosefe mwangashi uutwalisha, umwangashi uutwalisha mupepi no tumfuku - mfuku, ngo imisambo shinina pafibumba. ²³ Abamata bakumulwisha ye no kulasa paliye nokumufulunganya. ²⁴ Nomba ubuta bwakwe tabwakatelententepo, namaboko yakwe ya bukabomba pa mulandu wa maboko ya wa maka umo wakwa Yakobo, pamulandu weshina lyakwa kacema, ibwe lya ku Israeli. ²⁵ Lesa waku wiso akakwafwa na Lesa uwa maka kabili umukulu akukupa na mapalo ya kwiulu, amapalo ayanshita yaikala panshi, na mapalo yakumabele na mumala. ²⁶ Amapalo ya ku wiso yakulu ukucila amapalo ya mpili shakale, nangu ukufwaya ifintu fyakale ifya tupili. Lekeni kube pa mutwi wakwe Yosefe, nangu kubati pa cilongwe capa mutwe wamwana wa Mfumu wa bawakwe. ²⁷ Benjamin mumbulu uukali. Mulucelo afwaya icakulya cakwe, mubushiku akanya ifyo apitile. ²⁸ Nga e kumi limo na babili imitundu yaku Israeli. Mfi efyo ba wishi balabile kuli bo ulo ye apalile cina umo amupala ipalo ililingile. ²⁹ Elo atumine bo ukulabila kuli bo, "Ne ndimupepi nokuya ku bantu bandi. Ne mukashike nefikolwe fyandi ku lucengo ulwa mwibala lya ku Ephron yaku Hittite, ³⁰ mu lucengo ulwa mwibala lya ku Machpelah, ndo ululi mupepi na Mamre mumpanga ya Canaan, ibala ndyo Abraham ashitile incende yakushikilako ukufuma Ephron yaku Hittite. ³¹ Nkulya bashikile Abraham na Sara umukashi wakwe; nkulya bashikile Isaki na Rabekah umu kashi wakwe; na nkulya ne na shikile Leah. ³² Ibala no lucengo ifyaba mulya fya shitilwe ukufuma ku bantu baku Heth". ³³ Ulo Yakobo ashilile ukupa amakambisho kubana balalume bakwe, abweseshe amakasa yakwe pa bulo, kapema na mukulekelesha, no kuya ku bantu bakwe.