¹ Israel kapanga ubulendo nambo bonse mbo alinabo no kuya nabo ku Beersheba. Nkulya kapele lambo kuli Lesa waku wishi Isaki. ² Lesa kalabila kuli Isreal mucimonwa mubushiku, kalabila, "Yakobo, Yakobo"!! ye kaasuka, "ndimpano". ³ Ye kalabila ukwebati, "Nine Lesa, Lesa waku wiso, uutatinapo kuya ku Egypti, nakambi cishinka nakukwimya no kukulenga ukube calo icikulu. ⁴ Nkoya nawe nkulya ku Egypti, nakambi nakukwimya na Yosefe akwisala amenso yobe neminwe shakwe!!. ⁵ Yakobo kaima ukufuma ku Beersheba. Na bana baku Isreal kapita wishi Yakobo, na bana babo, na bakashi babo, mu cikotikala nco Farao abapele umwakupitila ye. ⁶ Kabapita namaombe yabo nefikwatwa mfyo nebanonkele mu mpanga ya Kenani. Kabesa na ku Egypti, Yakobo nolupwa lwakwe lonse. ⁷ Kaisa ye ku Egypti nabana bakwe abalalume nabeshikulu bakwe, abana banakashi na bana balalume ababa nakashi bakwe, na bonse abalupwa lwakwe. ⁸ Nja emashina ya bana baku Israel mbo abaishile ku Egypti; Yakobo no lupwa, Lubeni umwana umwana wakutampilapo wakwe. ⁹ Abana baku Lubeni, Hanoki, Pallu, Eshitoni, na Karmi; ¹⁰ Abana baku Simoni, Yemuele, Yamini, Ohadi, Yakini, Zohar, na Shauli, umwana waku mwanakashi umwina Kenani; ¹¹ abana abaume abaku Lebi, Keshomu, Kolati, na Melali. ¹² Na bana baku Yuda nimba; Er, Onani, Shelah, Perezi, na Zerah, - nomba Er, na Onani kabafwile mumpanga yaku Kenani. Abana baku Perezi bali ni Hezron na Hamul. ¹³ Abana baku Issachari kabali; Tola, Puah, Lob, na Shimrni. ¹⁴ Abana baku Sebuloni kabali; Sered, Eloni na Jahleeli. ¹⁵ Mba kabali bana baku Leah mbo afyele kuli Yakobo mu paddani Aramu, kumo no mwanakashi wakwe ye Dina. Umwana wakwe umwalalume kumo na bana bakwe abanakashi kabali amakumi yatatu - nafitatu. ¹⁶ Abana baku Gadi kabali; Sephoni, Haggi, Shuni, Ezbon, Eri, Arodi na Areli. ¹⁷ Abana baku Asher kabali; Imanah, Ishivah, Ishvi, na Beliah, na nkashi Yabo kali ni Serahe. Abana baku Beliah kabali Heber, na Malkiel. ¹⁸ Mba ebali bana baume abaku Zilphah, ngo ulo Labani epela kali Leah umwana mwanakashi wakwe. Mba ebana baume afyele kuli Yakobo - ikumi na mutanda bonse pamo. ¹⁹ Abana baume baku Yakobo, mbo afyele muli Lecho kabali; Yosefe, na Benjamini. ²⁰ Mu Egypti Mannase na Eferamu kabafyalwa kuli Yosefe kuli Asenath umwana waku potiphera shimapepo waku Oni. ²¹ Abana baume baku Benjamini kabali; Bela, Beker, Ashbel, Gera, Naaman, Ehi, Rosh, Muppim, Huppim, na Ard. ²² Mba kabali bana baku Lecho mbo afyele kuli Jacob kabali ikumi na basano bonse bamo. ²³ Abana baume baku Dan kali bwaka umo Hushimu. ²⁴ Abana baume baku Naphtali kabali; Jahzile, Guni, Jezeri na Shillem. ²⁵ Mba ebali bana baume mbo Yakobo afyele muli Bilhah, ngo Labani apele kuli Lecho mwana mwana kashi wakwe - cine lubali bonse. ²⁶ Bonse abaile na Yakobo ku Egypti, abali ulupwa lwakwe, aikona ukupendelako abanakashi baba na baume bakwe kabile amakumi mutanda na mutanda bonse pamo. ²⁷ Ukubikapo nabana baume babili abaku Yosefe mbo afyele mu Egypti, ulupwa lonse kabili amakumi na cine lubali bonse pamo. ²⁸ Yakobo katangisha Yuda pantnshi kuli Yosefe ukumulangisha inshila yaku Goshen, kabesa nakuli njilya mpanga yaku Goshen. ²⁹ Yosefe kapekanya iceleta lyakwe kaya ku kumanya wishi Isreali mu Goshen. Ye kamubona, kamukumbata mu mukoshi, kalila pa mukoshi wakwe inshita iikulu. ³⁰ Iserali kalabila kuli Yosefe, "nomba nebo ningafwa, pantu nabone cinso cobe, ukwebati uli wa mweo". ³¹ Yosefe kalabila kuli ba wabo naku nanda ya kwawishi, "nomba nkoya kuli Farao, ndabile, bandume bandi pamo nabananda ya ku bata, mbo abali mu mpanga yaku Kennani, ba lishile kuli nebo. ³² Mba balalume ni ba kacema, bali ni ba kasunga wafitekwa. Baliletele nefitekwa fyabo, no mukuni wa maombe yabo, na fyonse ifi bakwete. ³³ Cakwisa nga mfi, ulo Farao akupita no kwipusha, "nincito ndo mubomba?". ³⁴ Mwe emfi mwakwasuka, "abasha bobe kale ba yamba ukusunga ifitekwa ukufuma ku bwaice ukufika na nduno, bonse fwe, nefikolwe fyesu. Citeni nci pakwebati munge kala mumpanga ya ku Goshen, pantu umucemi wa muselu ku bena Egypti".