¹ Icipowe kacicilamo mu calo. ² Caishile kubo kwebati, ulo ninshi balilye nseke shibafumishe ku Egypti, ba wishibo kabalabile kuli bo, "kamuya nakambi; ukatushitileko ifilyo. ³ Yuda kamweba ukwebati, "Umwalalume alitukonkobeshe ukutusoka fwe, tamwakabonepo cinso candi kanofye ndume shenu ali na mwe. ⁴ Kati mwakutuma ndume shenu nafwe, fwe tatwakatentemukileko no kumushitila ifilyo. ⁵ Nomba amutakamutume ye, tatwakayepo. Pantu umuntu alabile kuli fwe, mwe tamwakabonepo cinso candi kano fye ndume shenu ali namwe". ⁶ Isreali kalabila, "Nindo mwe mwasungile ububi ne mukweba umuntu ukwebati mulikwete naumbi ndume?". ⁷ Kabalabila, "ngu muntu alikwipushe fingi pali fwe no lupwa lwesu. Kasosa, napo bawishinwe bacili no bumi? bushe mulikwete ndume? fwe twamwasukile ukulingana ne fipusho. Findo tungafwaya ukwishiba ulo ye kati alabuila, leteni ndume shenu nkuno?" ⁸ Yudah kalabila kuli Isreali, "Tumeni umulumbwana kuli ne. Tukoima no kuya pakati nangula tube no bumi nokufwa awe, fwe babili, mwe, nakambi na bana besu. ⁹ Ne nakuba cikatilo pali ye. Mwe mwakunjipusha. Kati nebo nshakamubweshepo kuli mwe no kuboneka palimwe, kanshi ndekeni ne mfwale ukusekwa umuyayaya. ¹⁰ Pantu kati tatwawayawailepo, cine pali nomba nga tuli bwelele nkuno inshita yacibili. ¹¹ Wishibo kalabila kuli bo, "Kati cingaba mfyo, nomba citeni mfi. Bulenipo fimo ifiweme fya kufuma kumushili mu fyalo fyenu. Buleni mutwale ku muntu icabupe - kabaya kusamuno buci, no twakununkila na muri, pistachio imbala na almonds. ¹² Sendeni indalama imiku shibili muminwe yobe, nangula cali cilubo. ¹³ Senda na ndume yobe. ima koya nakambi ku muntu. ¹⁴ Leka Lesa wamaka akupe uluse kucinso ca muntu, pakwebati nangula amulekeleko kuli mwe umbi ndume shenu na Benjamin. Kati ne nakuba no bulanda pa bana bandi, ne no bulanda. ¹⁵ Abalalume kabapinta mbu bupe, na muminwe yabo kabapinta imiku shibili impendwa sha ndalama, na Benjamin. Kabatentemukila na Egypti no kwimakana pa cinso ca ku Yosefe. ¹⁶ Ulo Yosefe abwene Benjamin ali nabo, kalabila kuli kasunga wa nanda yakwe, "leta bantu munanda, ipaya inama no kupekany, pantu abantu ba kolya nene mucungulo. ¹⁷ Kasunga acitile fyenka ifi alabile. Kaleta na bantu kunanda yakwa Yosefe. ¹⁸ Abalalume bali no mwenso pantu kkababaleta ku nanda yaku Yosefe. Kabalabila ati, "ni pa mulandu wa ndalama ishi twabweseshe mwisaka lyesu pa kashita kakubalapo ulo twaletelwemo. ukweba ati akwatilepo apakutubepesesha. Ati angatwikata nokutupinta kubati basha, no kupinta impunda shesu." ¹⁹ Kabaya kuli kasunga wa nanda yaku Yosefe, nokulabila kuli ye pa mulyango wa nanda, ²⁰ kabalabila ati, "Ba shikulu, twasakwisa umuku wakutampa mukushita ifilyo. ²¹ Casa kuba ati, ulo tufikile apakulala, twasakwisula amasaka yesu, nakambi, boneni, indalama sha cina muntu shili apakwiswila isaka lyakwe, indalama shesu mukulema kwashiko. Twashibwesha nkuno mu minwe yesu. ²² Shimbi ndalama nasho twaleta mu minwe yesu mukushita ifilyo. Tatwishibilepo uubikile ndalama shesu mu masaka yesu." ²³ Kasunga wa nanda kalabila ati, "Umutende ube namwe, mutinapo. Lesa wenu na Lesa wa kwa wishinwe eubikilemo indalama mu masaka yenu. Nalipokele indalama shenu." Elo kasunga wa nanda afumishe Simeon kuli bo. ²⁴ Kasunga wa nanda katwala mba balalume mu nanda yakwa Yosefe. Kabapa amenshi, no kusamfya amakasa yabo. Kapelako ne filyo ku mpunda shabo. ²⁵ Kabapekanya ifya kupa Yosefe pa kubwela mu kasuba, pantu kabomfwa ati bakolya nkulya. ²⁶ Ulo Yosefe abwelele, kabamuletela ifya bupe ifyalokuli mu minwe yabo mu nanda, no kwinama panshi kuli ye. ²⁷ Kabepusha pa fi bali no kulabila ati, "Bushe wishinwe ali bwaka, umukote uo mukolabilapo? Napo acili no mweo?" ²⁸ Kabalabila, "Umusha wenu bata besu bali bwaka. Bali no mweo". Kabafukama no kupa umucishinshi. ²⁹ Ulo ainwine amenso yakwe kabona Benjamin ndume yakwe, banina wamwana wabo umwaume, no kulabila "Napo ngu mwaice obe ndume ngo uoo walabile kuli ne?" Elo alabila, "Lesa obe ne nkumbu fibe kuli we, we mwana mwalalume," ³⁰ Yosefe kaendesha ukutula mucipinda cakwe, pantu alyumfwile cikonko. Katontonkanya kumbi ukwakuya kulilila. Kaya ku cipinda cakwe no kulila nkulya. ³¹ Kasambe cinso cakwe no kufuma. Kaibwesha umwine, ukulabila, "Teyanyeni icakulya". ³² Umusha kapekanishisha Yosefe umwine enka na wabo benka. Na bena Egypti kabalya nankwe abene benka pantu abena Egypti tabalikulyapo umufuba na ba Hebere, pantu kacili camuselu kubena Egypti. ³³ Ba wakwe kabekala panuma yakwe, umwana wakutampa ukulingana no kufyalwa kwakwe, no mwaice ukulingana no bulumbwana bwakwe. Abalalume kabaloleshyanya pamo. ³⁴ Yosefe katuma utupimfya kuli bo ukufuma icakulya pantanshi yakwe. Nomba icakaniko cakwa Benjamin cali imiku isano ukucila onse pali ba wakwe. Kabanwa no kusansamuka naye.